ସାରା ଦେଶରେ ସାର୍ବଜନୀନ ଦେୟମୁକ୍ତ ଟୀକାକରଣ ବ୍ୟବସ୍ଥା କରିବା ଦାବୀରେ ରାଷ୍ଟ୍ରପତି ଙ୍କ ଉଦ୍ଧେଶ୍ୟରେ ଜିଲ୍ଲାପାଳଙ୍କୁ ଦାବିପତ୍ର

ଖୋର୍ଦ୍ଧା : ୪/୬ (ପ୍ରବାହ ନିଉଜ୍) ସାରା ଦେଶରେ ଟୀକାକରଣକୁ ତ୍ୱରାନ୍ୱିତ କରିବା ପାଇଁ ଖୋର୍ଦ୍ଧା ନଗର କଂଗ୍ରେସ ପକ୍ଷରୁ ରାଷ୍ଟ୍ରପତିଙ୍କ ଉଦେଶ୍ୟରେ ଖୋର୍ଦ୍ଧା ଜିଲ୍ଲାପାଳଙ୍କୁ ଏକ ତିନି ଦଫା ଦାବିପତ୍ର ପ୍ରଦାନ କରାଯାଇଛି । ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁରେଶ କୁମାର ରାଉତରାୟଙ୍କୁ ନେତୃତ୍ୱରେ ଖୋର୍ଦ୍ଧା ନଗର କଂଗ୍ରେସର କର୍ମକର୍ତ୍ତା ମାନେ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଦାବିପତ୍ର ପ୍ରଦାନ କରିଛନ୍ତି । ମୁଖ୍ୟତଃ ଓଡ଼ିଶାର ସମସ୍ତ ରାସନକାର୍ଡ ଧାରୀ ମାନଙ୍କୁ କାର୍ଡ଼ପିଛା ୧୦ କିଲୋ ଚାଉଳ ସହିତ ୨ ହଜାର ଟଙ୍କା ଏବଂ ସହରାଞ୍ଚଳରେ ଥିବା ସମସ୍ତ କ୍ଷୁଦ୍ର ବ୍ୟବସାୟୀଙ୍କ ବ୍ୟାଙ୍କ ଖାତାକୁ ୧୦ ହଜାର ଟଙ୍କା ପ୍ରଦାନ କରିବା ସହିତ ୧୮ ବର୍ଷରୁ ୪୪ ବର୍ଷ ପର୍ଯ୍ୟନ୍ତ ସମସ୍ତ ନାଗରିକଙ୍କୁ ସ୍ଲଟ ବୁକିଙ୍ଗ ସିଷ୍ଟମ କୁ ବନ୍ଦ କରି କେବଳ ଆଧାର କାର୍ଡ ଜରିଆରେ କୋଭିଡ ଟିକା ପ୍ରଦାନ କରିବା ଭଳି ଅନେକ ଦାବି ନେଇ ଆଜି ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ଖୋର୍ଦ୍ଧା ନଗର କଂଗ୍ରେସ ବରିଷ୍ଠ ନେତା ଓ କର୍ମୀ। ଦାବିପତ୍ର ପ୍ରଦାନ ସମୟରେ ପିସିସି ମୁଖପାତ୍ର ଅମିତ ମହାନ୍ତି, ନଗର ସଭାପତି ରଣଜିତ ମହାପାତ୍ର, ପୂର୍ବତନ ଯୁବ କଂଗ୍ରେସ ସବାପତି ପ୍ଲାବନ ପଟ୍ଟନାୟକ, ପ୍ରଦୋସ ହରିଚନ୍ଦନ, ଜିଲା ଛାତ୍ର କଂଗ୍ରେସ ସଭାପତି ସୌମ୍ୟ ପଟ୍ଟନାୟକ, ପ୍ରକାଶ ଚନ୍ଦ୍ର ବେହେରା, ଗିରିଜା ଭୂଷଣ ମହାପାତ୍ର, ସୁନୀଲ କୁମାର ରାଉତରାୟ ପ୍ରମୁଖ ଉପସ୍ଥିତଥିଲେ।