ମୁଖ୍ୟମନ୍ତ୍ରୀଙ୍କ ଦ୍ୱାରା ଜେବିଏମ୍ ଇକୋଲାଇଫ୍ ଇଲେକ୍ଟ୍ରିକ ଏସି ବସ୍ ଚଳାଚଳ ଶୁଭାରମ୍ଭ
ବ୍ରହ୍ମପୁର, ଭୁବନେଶ୍ୱର ଓ କଟକରେ ଚାଲିବ ମୋଟ ୨୦୦ ଇଲେକ୍ଟ୍ରିକ ବସ୍
ଭୁବନେଶ୍ୱର/ବ୍ରହ୍ମପୁର:(ପ୍ରବାହ ନ୍ୟୁଜ୍) : ମାନନୀୟ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟନାୟକ ବ୍ରହ୍ମପୁରଠାରେ ଆୟୋଜିତ ଏକ ଉତ୍ସବରେ ଜେବିଏମ୍ ଇକୋଲାଇଫ୍ ଇଲେକ୍ଟ୍ରିକ ବସ୍ ଚଳାଚଳର ଶୁଭାରମ୍ଭ କରିଛନ୍ତି । ବ୍ରହ୍ମପୁର, ଭୁବନେଶ୍ୱର ଓ କଟକ ସହରରେ ମୋଟ ୨୦୦ ବାତାନୁକୂଳିତ ଇଲେକ୍ଟ୍ରିକ ବସ୍ ଚଳାଚଳ କରିବ । ଏହି ଶୁଭାରମ୍ଭ ସହିତ କମ୍ପାନୀ ଦେଶର ପୂର୍ବାଞ୍ଚଳରେ ପ୍ରବେଶ କରିଛି । ସମ୍ପ୍ରତି ଦେଶର ୧୦ଟି ରାଜ୍ୟ ଓ ଭାରତର ପ୍ରମୁଖ ବିମାନବନ୍ଦରଗୁଡିକରେ ୧୫୦୦ରୁ ଅଧିକ ଜେବିଏମ୍ ଇଲେକ୍ଟ୍ରିକ ବସ୍ ଚଳାଚଳ କରୁଛି । ଏହି ବସ୍ଗୁଡିକର ଚଳାଚଳକୁ ସୁଗମ କରିବା ପାଇଁ ଜେବିଏମ୍ ଅଟୋ ଡିପୋଗୁଡିକରେ ଆରମ୍ଭରୁ ଶେଷ ପର୍ଯ୍ୟନ୍ତ ଇଲେକ୍ଟ୍ରିକ ବସ୍ ପରିବ୍ୟବସ୍ଥା ସ୍ଥାପନ କରିଛି, ଯେଉଁଥିରେ ବିଦ୍ୟୁତ୍ ଶକ୍ତି ଏବଂ ଚାର୍ଜିଂ ଭିତ୍ତିଭୂମି ଆଦି ରହିଛି । ନୂଆକରି ପ୍ରଚଳନ କରାଯାଇଥିବା ୯ ମିଟର ଜେବିଏମ୍ ଇକୋଲାଇଫ୍ ଇଲେକ୍ଟ୍ରିକ ବସଗୁଡିକ ଶୂନ୍ୟ ନିର୍ଗମନ ଯାନ (ଜେଡଇଭି) ହୋଇଛି ଏବଂ ତାହା ୧୦ ବର୍ଷ ଚଳାଚଳ ଅବଧି ମଧ୍ୟରେ ପ୍ରାୟ ୧୦୦୦ ତତ୍ତୁଲ୍ୟ ଟନ୍ କାର୍ବନ ଡାଇଅକ୍ସାଇଡ ଏବଂ ୪୨୦,୦୦୦ ଲିଟର ଡିଜେଲ ସଞ୍ଚୟ କରିବ । ଏହି ବସ୍ଗୁଡିକ ଫାଷ୍ଟ ଚାର୍ଜିଂ ହେଉଥିବା ଲିଥିୟମ-ଆୟନ ବ୍ୟାଟେରୀଗୁଡିକର ଶକ୍ତିରେ ଚାଲୁଛି ଏବଂ ଏଥିରେ ରିଅଲ୍ ଟାଇମ ପାସେଞ୍ଜର ଇନ୍ଫରମେସନ ସିଷ୍ଟମ (ପିଆଇଏସ୍), ଜରୁରୀ ସମୟ ପାଇଁ ପାନିକ୍ ବଟନ୍, ଭେଇକଲ୍ ଲୋକେସନ ଆଣ୍ଡ ଟ୍ରାକିଂ ସିଷ୍ଟମ, ସିସିଟିଭି କ୍ୟାମେରା, ମାଇକ ବ୍ୟବସ୍ଥା, ଅଟକାଇବା ପାଇଁ ଅନୁରୋଧ ବଟନ୍, ଅଗ୍ନି ଠାବ ଓ ଦମନ ବ୍ୟବସ୍ଥା ଆଦି ଭଳି ସମସ୍ତ ଆଧୁନିକ ବୈଶିଷ୍ଟ୍ୟ ରହିଛି । ବସ୍ଗୁଡିକ ଦିକୁ ୨୦୦ କିଲୋମିଟରରୁ ଅଧିକ ଚଳାଚଳ କରିବା ଆଶା କରାଯାଉଛି ।
ଡ୍ରାଇଭରମାନଙ୍କ ପାଇଁ କାର୍ଯ୍ୟକାରିତା ଦୃଷ୍ଟିକୋଣରୁ ଡିଜାଇନ କରାଯାଇଥିବା ଡାସ୍ବୋର୍ଡ ଏକ ଅତ୍ୟନ୍ତ ସହଜ ଜ୍ଞାନଯୁକ୍ତ ଏବଂ ବ୍ୟବହାରକାରୀ ଉପଯୋଗୀ ବ୍ୟବସ୍ଥା ପ୍ରଦାନ କରୁଛି ଯାହା ଡ୍ରାଇଭରମାନଙ୍କୁ କୌଣସି ବ୍ୟାଘାତ ନପହଞ୍ଚାଇ ଗାଡି ଚାଳନା ଉପରେ ଦୃଷ୍ଟିନିବଦ୍ଧ କରିବାକୁ ସୁଯୋଗ ପ୍ରଦାନ କରୁଛି ଏବଂ ଏହା ବାସ୍ତବରେ ବସ୍କୁ ଏକ ବୈଶ୍ୱିକ ଉତ୍ପାଦ କରି ଗଢିତୋଳୁଛି । ଶ୍ରୀ ନିଶାନ୍ତ ଆର୍ୟା, ଭାଇସ୍ ଚେୟାରମ୍ୟାନ ଓ ଏମ୍ଡି, ଜେବିଏମ୍ ଗ୍ରୁପ୍ କହିଛନ୍ତି, “ଆମେ ପୂର୍ବା୍ଞ୍ଚଳ ବଜାରକୁ ପ୍ରବେଶ କରିବା ଆମ ପାଇଁ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ହୋଇଛି ଏବଂ ରାଜ୍ୟ ଓ ରାଜ୍ୟର ଜନସାଧାରଣଙ୍କୁ ସେବା କରିବାକୁ ସୁଯୋଗ ଦେଇଥିବାରୁ ଆମେ ରାଜ୍ୟ ସରକାରଙ୍କ ନିକଟରେ କୃତଜ୍ଞ । ଏହି ଇଲେକ୍ଟ୍ରିକ ବସ୍ଗୁଡିକ ପ୍ରଯୁକ୍ତିଗତ ଦୃଷ୍ଟିରୁ ଉନ୍ନତ, ନିରାପଦ, ଦକ୍ଷ, ଆରାମଦାୟକ ଏବଂ ସହର ଜନସଂଖ୍ୟାର ଗମନାଗମନ ସମସ୍ୟା ସମାଧାନ କ୍ଷେତ୍ରରେ ବିଶେଷ ସହାୟକ ହେବ । ଏଗୁଡିକ ସୁରୁଖୁରୁରେ ଚଳାଚଳ କରିବା ନେଇ ଆମେ ପ୍ରତିବଦ୍ଧ ରହିଛୁ ଏବଂ ସେଥିପାଇଁ ଏହି ଇଲେକ୍ଟ୍ରିକ ବସଗୁଡିକ ଚାର୍ଜିଂ ଏବଂ ରକ୍ଷଣାବେକ୍ଷଣ ନିମନ୍ତେ ଉପଯୁକ୍ତ ଭିତ୍ତିଭୂମି ସ୍ଥାପନ କରିଛୁ ।” ଏହି ଅବସର ମଧ୍ୟ ସବୁଜ ଓ ଦୀର୍ଘସ୍ଥାୟୀ ସମାଧାନ ଆପଣାଇବା ନିମନ୍ତେ ରାଜ୍ୟ ସରକାରଙ୍କ ପ୍ରତିବଦ୍ଧତାକୁ ସମର୍ଥନ କରିବା ଦିଗରେ ଜେବିଏମ୍ର ପ୍ରୟାସକୁ ଦର୍ଶାଉଛି, ଯାହା ଜଳବାୟୁ ପରିବର୍ତ୍ତନର ମୁକାବିଲା ନିମନ୍ତେ ବୈଶ୍ୱିକ ପ୍ରୟାସ ସହିତ ମେଳ ଖାଉଛି ।
