ପତ୍ରପୁର ପଞ୍ଚାୟତରେ ଘରେ ଘରେ ଶଙ୍ଖ କାର୍ଯ୍ୟକ୍ରମ 

ଆଳି : ଆଳି ବ୍ଲକ ପତ୍ରପୁର ପଞ୍ଚାୟତରେ ବିଜେଡି ପକ୍ଷରୁ ନିର୍ବାଚନୀ ପ୍ରଚାରକୁ ଜୋରଦାର କରାଯାଇଛି l ଶୁକ୍ରବାର ଅପରାହ୍ନରେ ପୂର୍ବତନ ସମିତିସଭ୍ୟ ଅମୀୟ କୁମାର ପରିଡାଙ୍କ ନେତୃତ୍ୱରେ ଶତାଧିକ ମହିଳା ପୁରୁଷ ମାନେ ରାମମନ୍ଦିର ନିକଟରୁ ବାହାରି 2/3/4 ଓ 5 ନମ୍ବର ୱାର୍ଡରେ ଘରେ ଘରେ ପହଞ୍ଚି ନବୀନ ସରକାରର ବିକାଶ ମୂଳକ ଯୋଜନା ସହିତ ଆଗାମୀ ଦିନରେ ବିଜୁଳି ବିଲ ଛାଡ଼ ଓ ଘରେ ଘରେ ବିଜୁ ସ୍ୱାସ୍ଥ୍ୟ କାର୍ଡର ଉପଲବ୍ଧି ସମ୍ପର୍କରେ ବୁଝାଇ ଡବଲ ଶଙ୍ଖରେ ଭୋଟ ଦେଇ ଦଳୀୟ ସଂଗଠନ ଓ ରାଜ୍ୟରେ ନବୀନ ପଟ୍ଟନାୟକଙ୍କ ସରକାରକୁ ଆଉ ଥରେ ଆଣିବା ନିମନ୍ତେ ଲୋକମାନଙ୍କୁ ନିବେଦନ କରିଥିଲେ l ଏହି କାର୍ଯ୍ୟକ୍ରମରେ ଗାଲେଖ ଦାସ,ପୂର୍ବତନ ସରପଞ୍ଚ ଦିନବନ୍ଧୁ ମଲିକ, ପୂର୍ବତନ ଜିଲ୍ଲା ପରିଷଦ ସୁମନ୍ତ ରାଉତ,ଦୀପକ ଦାସ, ମାନସ ସାହୁ, ସମୀର ମହାନ୍ତି, ପ୍ରକାଶ ଜେନାଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ l