ପାହାଡ଼ରୁ ଅସ୍ଥାୟୀ ପଥର ଖନନ ଅନୁମତିକୁ ବିରୋଧ କରି ଗ୍ରାମବାସୀ ଜିଲ୍ଳାପାଳ ଙ୍କ ଦ୍ୱାରସ୍ଥ
ଖୋର୍ଦ୍ଧା : ୪/୬ (ପ୍ରବାହ ନିଉଜ୍) ବେଗୁନିଆ ତହସିଲର ପରିଛଳ ମୌଜାରେ ଥିବା ଘୋଡାଡିହ ପାହାଡକୁ ନେଇ ଅସନ୍ତୋଷ ତେଜିବାରେ ଲାଗିଛି।ଏ ବାବଦରେ ଗ୍ରାମବାସୀମାନେ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ।
ପାହାଡ଼ରୁ ପଥର ଖନନକୁ ବେଗୁନିଆ ତହସିଲଦାରଙ୍କ ଠିକାସଂସ୍ଥା କୁ ଅହେତୁକ ଅନୁକମ୍ପା ଥିବା ନେଇ ଅଭିଯୋଗ କରିଛନ୍ତି ଗ୍ରାମବାସୀ ।
୯୦ ଦିନିଆ ସ୍ୱଳ୍ପମିଆଦୀ ମଞ୍ଜୁରୀ ପ୍ରଦାନ ପାକ୍ରିୟାକୁ ନେଇ ସ୍ଥାନୀୟ ଗ୍ରାମବାସୀଙ୍କ ଦେଖିବାକୁ ମିଳିଛି ତୀବ୍ର ଅସନ୍ତୋଷ । ପାହାଡ ଚାରିପାଖରେ ଅନେକ ଚାଷ ଓ ଗୋଚର ଜମି ଥିବାବେଳେ ତହସିଲଦାର କିପରି ବିନା ଜନଶୁଣାଣୀରେ ଏହାର ପ୍ରକ୍ରିୟା କରିବାକୁ ଆଗଭର ହୋଇଛନ୍ତି, ତାକୁ ନେଇ ବେଗୁନିଆ ତହସିଲଦାର ଙ୍କ ନିକଟରେ ଅଭିଯୋଗ କରିଥିବା ବେଳେ ଆଜି ଗ୍ରାମବାସୀ ଓ ଚାଷୀମାନେ ଆର୍ଡିସି, ଜିଲ୍ଲାପାଳ, ଉପ-ଜିଲ୍ଲାପାଳ ନିକଟରେ ଲିଖିତ ଅଭିଯୋଗ କରିଛନ୍ତି ।
ସେହିପରି ଅସ୍ଥାୟୀ ଖନନ ମଞ୍ଜୁରୀକୁ ରଦ୍ଦ କରିବାକୁ ସେମାନେ ପ୍ରଶାସନ ନିକଟରେ ଦାବି ରଖିଛନ୍ତି । ଚାଷ ଉପରେ ନିର୍ଭର କରି ଚଳୁଥିବା ଜମିମାଲିକ ମାନେ କହିଛନ୍ତି ଏଠାରେ ଖନନ ହେଲେ ଚାଷଜମି କ୍ଷତିଗ୍ରସ୍ତ ହେବ । ସେପଟେ ବେଗୁନିଆ ତହସିଲଦାର କିପରି ଭାବରେ ପଥର ଖନନ ପାଇଁ ମଞ୍ଜୁରୀ ପକ୍ରିୟା କରୁଛନ୍ତି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
