ସମ୍ବିଧାନ ସୁରକ୍ଷିତ ରହିଲେ ଭାରତ ବର୍ଷର ସମସ୍ତ ଜନସାଧାରଣ ସୁରକ୍ଷିତ ରହିବେ

ଭଣ୍ଡାରିପୋଖରୀ , ପ୍ରବାହ ନ୍ୟୁଜ୍‌ : ଭାରତ ବର୍ଷର ସମ୍ବିଧାନ ବିଶ୍ୱର ସର୍ବବୃହତ ll ପ୍ରତ୍ୟେକ ଭାରତୀୟ ମାନଙ୍କ ସୁରକ୍ଷା କବଚ ll ସମ୍ବିଧାନ ସୁରକ୍ଷିତ ରହିଲେ ଭାରତ ବର୍ଷର ସମସ୍ତ ଜନସାଧାରଣ ସୁରକ୍ଷିତ ରହିବେ ll କିଛି ମୁଷ୍ଟିମେୟ ଲୋକ ସମ୍ବିଧାନକୁ ସଂଶୋଧନ ଆଳରେ ସମାଜର ତଳସ୍ତରର ଲୋକ ମାନଙ୍କ ପାଇଁ ଥିବା ସାମ୍ବିଧାନିକ ଅଧିକାରକୁ ଉଠେଇ ଦେବା ପାଇଁ ହୀନ ଚକ୍ରାନ୍ତ କରୁଥିବା ଘଟଣାକୁ ଦୃଢ ପ୍ରତିବାଦ କରିଛନ୍ତି ଜିଲ୍ଲା ଦଳିତ ନେତା ରାଜେନ୍ଦ୍ର ପ୍ରସାଦ ଜେନା ll ଭଣ୍ଡାରିପୋଖରୀ ବ୍ଲକ ସରସଦା ଦଳିତ ସଙ୍ଘ ଏବଂ ଜିଲ୍ଲା ଦଳିତ ମହାସଂଘ ର ମିଳିତ ଆନୁକୂଲ୍ୟରେ ସରସଦା ଠାରେ ଆୟୋଜିତ ଡ଼ଃ ବାବା ସାହେବ ଆମ୍ବେଦକରଙ୍କ 69ତମ ମହାପରି ନିର୍ବାଣ ଓ ଦଳିତ ସମାବେଶରେ ମୁଖ୍ୟ ଅତିଥି ଭାବେ ଜିଲ୍ଲା ଦଳିତ ନେତା ରାଜେନ୍ଦ୍ର ପ୍ରସାଦ ଜେନା ଡ଼ଃ ବାବା ସାହେବ ଆମ୍ବେଦକର ଙ୍କ ବହୁମୁଖୀ ପ୍ରତିଭା ସମ୍ପର୍କ ରେ ବକ୍ତବ୍ୟ ଦେବା ସହ ଦଳିତ ସମାଜ ର ଲୋକ ମାନେ ଦୁରେଇ ଶିକ୍ଷିତ ହୋଇ ସଂଗଠିତ ଭାବେ ନ୍ୟାର୍ଯ୍ୟ ଅଧିକାର ପାଇଁ ଲଢେଇ କରିବାକୁ ବକ୍ତବ୍ୟ ଦେବା ସହ ଦଳିତ ସମାଜ ର ଲୋକମାନେ ନିଶା ଠାରୁ ଦୁରେଇ ରହିବାକୁ ନିବେଦନ କରିଥିଲେ ll ବିଶିଷ୍ଟ ସମାଜ ସେବୀ ଦିବାକର ଜେନାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବ୍ଲକ ଅଧକ୍ଷା ଶ୍ରୀମତୀ ସୁମତି ସେଠୀ, ସରପଞ୍ଚ ରମେଶ ଜେନା, ସମିତି ସଭ୍ୟା ସୁମତି ଜେନା, ବ୍ଲକ ଦଳିତ ସଙ୍ଘ ସଭାପତି ଉମାକାନ୍ତ ଜେନା, ସମ୍ପାଦକ ଉମାକାନ୍ତ ଜେନା, ଗଗନ ସେଠୀ, ଧରିତ୍ରୀ ଜେନା ପ୍ରମୁଖ ମୁଖ୍ୟ ବକ୍ତା, ସମ୍ମାନିତ ଅତିଥି ଭାବେ ଯୋଗ ଦେଇ ଭାରତ ରତ୍ନ ଡ଼ଃ ବାବା ସାହେବ ଆମ୍ବେଦକରଙ୍କ ବହୁମୁଖୀ ପ୍ରତିଭା ସମ୍ପର୍କ ରେ ବକ୍ତବ୍ୟ ଦେବା ସହ ବାବା ସାହେବ ଆମ୍ବେଦକରଙ୍କ ନୀତି ଆଦର୍ଶରେ ଅନୁପ୍ରାଣିତ ହେବାକୁ ବକ୍ତବ୍ୟ ଦେଇଥିଲେ ll ଯୁବ ସମାଜ ସେବୀ ଅକ୍ଷୟ ଜେନାଙ୍କ ସଂଯୋଜନାରେ ଅନୁଷ୍ଠିତ ଏହି ସମାବେଶରେ ବ୍ଲକ ର ବିଭିନ୍ନ ପଂଚାୟତ ର ପ୍ରାୟ 8 ଶହରୁ ଉର୍ଦ୍ଧ ଦଳିତ ସମ୍ପ୍ରଦାୟ ମହିଳା/ପୁରୁଷ ଯୋଗ ଦେଇଥିଲେ ll ବିଭିନ୍ନ ବର୍ଗର କୃତିତ୍ୱ ଅର୍ଜନ କରିଥିବା ଦଳିତ ବର୍ଗ ର ଛାତ୍ର/ଛାତ୍ରୀ, ପୁରୁଷ ଓ ବୟୋଜ୍ୟେଷ୍ଟ ବ୍ୟକ୍ତି ମାନଙ୍କୁ ମୁଖ୍ୟ ଅତିଥି ଏବଂ ସମ୍ମାନିତ ଅତିଥି ମାନେ ଉପଢୌକନ ଓ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରି ଥିଲେ ll ଏହି ସମାବେଶରେ ନାରୀ ନେତ୍ରୀ ଜ୍ୟୋସ୍ନାରାଣୀ ଜେନା,ପ୍ରଶାନ୍ତ ଜେନା, ନବକିଶୋର ଜେନା,ପ୍ରତାପ ଜେନା,ଆକାଶ ଜେନା, ଦୁର୍ଯ୍ୟୋଧନ ଜେନା,ପଞ୍ଚାନନ ଜେନା, ପୀତବାସ ଜେନା,ଧୀରେନ୍ଦ୍ର ଜେନା ପ୍ରମୁଖ ଯୋଗଦେଇ ଅଂଶ ଗ୍ରହଣ କରିଥିଲେ ll