ଖୋର୍ଦ୍ଧା ସହରରୁ ଅଢେଇ ଲକ୍ଷ ଟଙ୍କାର ବ୍ରାଉନସୁଗାର ସହ ଦାମୀ କାର ଓ ମୋବାଇଲ ଜବତ :: ଘଟଣାରେ ସଂପୃକ୍ତ ଦୁଇଜଣ ଗିରଫ
ଖୋର୍ଦ୍ଧା : ୩/୬ (ପ୍ରବାହ ନିଉଜ୍) ପୋଲିସ ଓ ଏସ.ଟି. ଏଫ ର ବାରମ୍ବାର ଚଢ଼ାଉ ସତ୍ତ୍ୱେ ଖୋର୍ଦ୍ଧା ଅ।ଦର୍ଶ ଥାନା ଅଞ୍ଚଳରେ ଧଳାଜହର କାରବାର ଥମିବାର ନାଁ ନେଉନାହିଁ । ଲକଡାଉନ ସଟ୍ଡାଉନର ସୂଯୋଗ ନେଇ ଏବେ ବ୍ରାଉନସୁଗାର କାରବାରରେ ଲିପ୍ତ ବ୍ୟବସାୟୀ ନିର୍ଦ୍ୱନ୍ଦରେ ବ୍ୟବସାୟ କରୁଥିବାର ଦେଖିବାକୁ ମିଳିଛି । ଗତ ଗୁରୁବାର ରାତିରେ ଖୋର୍ଦ୍ଧା ଟାଉନ ଥାନା ପୋଲିସ ସାମନ୍ତରାପୁର ଅଞ୍ଚଳର ସ୍ୱପ୍ନେଶ୍ୱର ବସ୍ତିରେ ଚଢ଼ାଉ କରି ୫୫ଗ୍ରାମ ବ୍ରାଉନସୁଗାର ଜବତ କରିଛି । ଯାହାର ଆନୁମାନିକ ମୁଲ୍ୟ ଅଢ଼େଇ ଲକ୍ଷ ବୋଲି ଜଣାପଡିଛି ।
ସେହିପରି ଚଢ଼ଉ ବେଳେ OD02 BC 3009 ନମ୍ବର ବିଶିଷ୍ଟ ଗୋଟିଏ ତେରଲକ୍ଷ ଟଙ୍କାର ଦାମୀ କାର ଏବଂ କୋଡିଏ ହଜାର ତିନିଶହ ନଗଦ ଟଙ୍କା ସହ ପ୍ରାୟ ଅଢ଼େଇ ଲକ୍ଷ ଟଙ୍କାର ତିନୋଟି ଦାମୀ ମୋବାଇଲ ଫୋନ ମଧ୍ୟ ଅଭିଯୁକ୍ତଙ୍କ ଠାରୁ ଜବତ ହୋଇଛି । ଘଟଣାରେ ଜଡ଼ିତ ଦୁଇଜଣ ଯୁବକ ଖୋର୍ଦ୍ଧା ମହିଳା ମହାବିଦ୍ୟାଳୟ ନିକଟ ସ୍ୱପ୍ନେଶ୍ୱର ବସ୍ତିର ବାୟା ଓରଫ ଶରତ ବେହେରା (୨୧) ଓ ଟିକିନା ଓରଫ ଭରତ ବେହେରା (୨୩) ବୋଲି ଜଣାପଡିଛି ।
ଏମାନେ ଦୀର୍ଘଦିନ ହେବ କାରବାର କରୁଥିବାର ଏବଂ ଏହା ସହିତ ପୂର୍ବରୁ ଏହିପରି ମାମଲାରେ ଅନେକ ଥର ଜେଲ ଯାଇ ବେଲରେ ଆସି ପୂର୍ବପରି ଏହି ବ୍ୟବସାୟ କରୁଥିବା କଥା ତଦନ୍ତରୁ ଜଣାପଡିଛି । ତେବେ ଏମାନେ ବ୍ରାଉନସୁଗାର ବାଲେଶ୍ୱରର ଜଳେଶ୍ୱର ଅଞ୍ଚଳରୁ ଆଣି ଖୋର୍ଦ୍ଧାରେ କାରବାର କରୁଥିବାର ପୋଲିସ ସୂଚନା ଦେଇଛି । ଉଭୟ ଅଭିଯୁକ୍ତଙ୍କ ବିରୁଦ୍ଧରେ ଖୋର୍ଦ୍ଧା ଆଦର୍ଶ ଥାନାରେ ଏନ.ଡ଼ି.ପି.ଏସ. ଆକ୍ଟରେ ମାମଲା ରୁଜ୍ଜୁ କରାଯାଇଥିବା ବେଳେ ଉଭୟଙ୍କୁ କୋର୍ଟ ଚାଲାଣ କରାଯାଇଛି ।
