ମଡେଲ ଡିଗ୍ରୀ କଲେଜ୍ ଖଡ଼ିଆଳର ରାସ୍ତା ଦୁରାବସ୍ଥା

0
nuapaa st collage

ନୂଆପଡ଼ାPRABAHA NEWS: ନୂଆପଡ଼ା ଜିଲ୍ଲାର ଖଡିଆଳ  ପୁଟୁପଡା ଠାରେ ତିଆରି ହେଲା ଡିଗ୍ରୀ କଲେଜ୍। ଖର୍ଚ୍ଚ ହେଲା କୋଟି କୋଟି ଟଙ୍କା । ୨୦୧୬ ରୁ ନାମଲେଖା ଆରମ୍ଭ ହୋଇ ବର୍ତ୍ତମାନ ଶହ ଶହ ଛାତ୍ର-ଛାତ୍ରୀ ପାଠ ପଢୁଛନ୍ତି ଏହି ମହାବିଦ୍ୟାଳୟରେ କିନ୍ତୁ ଦୁଃଖର ବିଷୟ ଏହିକି ଯେ ଆଜି ପର୍ଯ୍ୟନ୍ତ ମହାବିଦ୍ୟାଳୟ କୁ ଯିବା ପାଇଁ ଉପଯୁକ୍ତ ରାସ୍ତା ଟିଏ ନାହିଁ। ଯାହା ଅଛି ତାହାର ଅବସ୍ଥା ଅତ୍ୟନ୍ତ ଶୋଚନୀୟ । ଖଡ଼ିଆଳ ପୂର୍ତ୍ତ ବିଭାଗ ରାସ୍ତା ଠାରୁ  ୱାର୍ଡ ନମ୍ବର ୧୧ (ପୁଟୁପଡ଼ା)  କଲେଜ ପର୍ଯ୍ୟନ୍ତ ରାସ୍ତାର ଅବସ୍ଥା କହିଲେ ନସରେ। ଟାଙ୍ଗରା ଭୂଇଁରେ ପଥର ଉପୁଡ଼ି ଅସଂଖ୍ୟ ଗର୍ତ୍ତମାନ ସୃଷ୍ଟି ହେଇଛି। ବର୍ତମାନ ବର୍ଷାଦିନ ଏବଂ କୋଭିଡ ପରିସ୍ଥିତି ଭିତରେ କଲେଜ ସବୁ ଖୋଲିଛି କିନ୍ତୁ ମହାବିଦ୍ୟାଳୟ ଯିବାକୁ ଥିବା ରାସ୍ତା କାଦୁଅରେ  ଭରି ଗଲାଣି, ସ୍ଥାନରେ ସ୍ଥାନରେ ଆଣ୍ଠୁଏ ପାଣି ଜମି ରହିଛି । ସେହିପରି ମହାବିଦ୍ୟାଳୟ ମୁଖ୍ୟ ପ୍ରବେଶ ଦ୍ଵାର ରୁ ମହାବିଦ୍ୟାଳୟ ପରିସରକୁ ରାସ୍ତା ନାହିଁ ; ଯାହା ଅଛି ସମ୍ପୂର୍ଣ୍ଣ ଶୋଚନୀୟ ଅବସ୍ଥାରେ, ପାର୍କିଂ ସୁବିଧା ତଥା ପିଇବା ପାଣି ର ବି ବ୍ୟବସ୍ଥା ନାହିଁ ଏ ପରିସ୍ଥିତିରେ ଛାତ୍ରମାନେ ସରକାରଙ୍କ ଦ୍ଵାରା ଯୋଗାଇ ଦିଆଯାଉଥିବା ବିଭିନ୍ନ ସାଧାରଣ ସୁବିଧାରୁ ମଧ୍ୟ ବଞ୍ଚିତ ହେଉଛନ୍ତି। ଏମିତି ୪ ବର୍ଷ ହେଲା ଚାଲି ଆସିଛି । ପ୍ରକାଶ ଥାଉକି ମହାବିଦ୍ୟାଳୟ କର୍ତୃପକ୍ଷ ଓ ଛାତ୍ରସଂଘ ଲିଖିତ ଆକାରରେ ଦୁଇ ଥର ମାନନୀୟ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରି ସାରିଥିଲେ ହେଁ ଏ ପର୍ଯ୍ୟନ୍ତ କୌଣସି ସୁଫଳ ମିଳିନାହିଁ ଯାହାଫଳରେ ରେ ମହାବିଦ୍ୟାଳୟ କର୍ତୃପକ୍ଷ ଓ ଛାତ୍ର ମହଲରେ ଅସନ୍ତୋଷ ଦେଖା ଦେଇଛି।ବିଦ୍ୟାଳୟ ଯେ ଜ୍ଞାନର ମନ୍ଦିର ଏବଂ ଏହି ମନ୍ଦିରରେ ତପସ୍ୟା କରୁଥିବା ପ୍ରତ୍ୟେକ ଛାତ୍ର ଛାତ୍ରୀ ମାନଙ୍କ ସୁବିଧା କରିବା ସରକାରଙ୍କ  ଯଥାର୍ଥ କର୍ତ୍ତବ୍ୟ ଓ ଛାତ୍ରମାନଙ୍କ ମୌଳିକ ଅଧିକାର। ସରକାରଙ୍କ ନିୟମାନୁଯାୟୀ କୌଣସି ଛାତ୍ର ଛାତ୍ରୀ ନିଜର ଶିକ୍ଷା ଗ୍ରହଣରୁ ବଞ୍ଚିତ ହୋଇପାରିବେ ନାହିଁ, ସେଥିପାଇଁ ଏହି ଖବର ଉପର ଅଧିକାରୀ, ନେତା, ମନ୍ତ୍ରୀ ତଥା ସରକାରଙ୍କ ଦୃଷ୍ଟିଗୋଚର ହେବା ସଙ୍ଗେ ତୁରନ୍ତ ଏହାର ସମାଧାନ ହେବ ବୋଲି ଆଶା ଓ ବିଶ୍ବାସ।

Leave a Reply

Your email address will not be published. Required fields are marked *