ଫୋକସ୍ ଫାଉଣ୍ଡେସନ୍ ତରଫରୁ ବୃକ୍ଷ ରୋପଣ
ନୟାଗଡ଼଼, (ପ୍ରବାହ ନ୍ୟୁଜ୍): ସାରା ରାଜ୍ୟରେ ବନ ମହୋତ୍ସବ ପାଳିତ ହେଉଥିବା ବେଳେ ନୂଆଗାଁ ବ୍ଲକ୍ ଏଥିରୁ ବାଦ୍ ପଡିନି । ଗଛ ଲଗାଇବାର ପ୍ରୟାସ ପିଲାଟି ଦିନରୁ ଅଭ୍ୟାସରେ ପରିଣତ କରିଆସୁଥିବା ନୂଆଗାଁ ବ୍ଲକ୍ ଢେଙ୍କେଣା ପଞ୍ଚାୟତ ମଧୁବନ ଗ୍ରାମର ଜଣେ ପରିବେଶ ବିତ୍ ହିସାବରେ ଦିନେଶ ବୃକ୍ଷ ରୋପଣ କରିବାର ସଂକଳ୍ପ ନେଇଥିଲେ । ତେବେ ଆଜି ତାଙ୍କ ସଂକଳ୍ପ ପୂର୍ଣ୍ଣ ହୋଇଛି । ମିଳିଥିବା ସୂଚନା ଅନୁସାରେ, ବନ ମହୋତ୍ସବକୁ ଦୃଷ୍ଟିରେ ରଖି ନୟାଗଡ଼ ଜିଲ୍ଲା ନୂଆଗାଁ ବ୍ଲକ୍ ଫୋକସ୍ ଫାଉଣ୍ଡେସନ୍ ସଂସ୍ଥାର ଦିନେଶ କୁମାର ବିଶ୍ୱାଳଙ୍କ ଅଧ୍ୟକ୍ଷତାରେ ଶିମିଳିସାହି ୫୭ନଂ ଜାତୀୟ ରାଜପଥକୁ ସଂଯୋଗ କରୁଥିବା ଚାହାଳି, ଢେଙ୍କେଣା ପଞ୍ଚାୟତ ଗ୍ରାମ୍ୟ ଆର୍ଡି ରାସ୍ତାର ଦୁଇ କଡରେ ବୃକ୍ଷ ରୋପଣ କରି ୩୦ଟି ମୂଲ୍ୟବାନ ଗଛ ଲଗାଇଥିବା ଜଣାପଡିଛି । ତେବେ ଉକ୍ତ ବୃକ୍ଷ ରୋପଣ କାର୍ଯ୍ୟକ୍ରମରେ ସଭାପତି ବିଜୟ କୁମାର ସ୍ୱାଇଁ, ସୁଭ୍ରାଶୁଂ ବିଶ୍ୱାଳ, ଶରତ ଚନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ ।
