ଏସ୍ବିଆଇ ପକ୍ଷରୁ ଆର୍ମି ସେଂଟ୍ରାଲ୍ ୱେଲ୍ଫେୟାର୍ ଫଣ୍ଡ୍କୁ ୪.୭୦ କୋଟି ଟଙ୍କାର ସହାୟତା ପ୍ରଦାନ
ଭୁବନେଶ୍ୱର: ସେନା ବାହିନୀକୁ ସହାୟତା ପ୍ରଦାନ କରିବାର ଉଦ୍ୟମ ସ୍ୱରୂପ ଦେଶର ସର୍ବବୃହତ ଋଣ ପ୍ରଦାନକାରୀ ଭାରତୀୟ ଷ୍ଟେଟ୍ ବ୍ୟାଙ୍କ୍(ଏସ୍ବିଆଇ) ପକ୍ଷରୁ ଆର୍ମି ସେଂଟ୍ରାଲ୍ ୱେଲ୍ଫେୟାର୍ ଫଣ୍ଡ୍କୁ ୪.୭୦ କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ମୁଖ୍ୟତଃ, ଏହି ଫାଣ୍ଠି ମୋହାଲିରେ ଥିବା ଭାରତୀୟ ସେନାର ପାରାପ୍ଲେଜିକ୍ ହୋମ୍ର କାର୍ଯ୍ୟକଳାପ ଏବଂ ଦିବ୍ୟାଙ୍ଗ ସେନା କର୍ମଚାରୀ / ଭେଟେରାନ୍ଙ୍କ ଅନ୍ୟାନ୍ୟ କଲ୍ୟାଣମୂଳକ କାର୍ଯ୍ୟକଳାପ ପ୍ରତି ସହାୟତା ପ୍ରଦାନ କରିବ ।
ନୂଆଦିଲ୍ଲୀରେ ଏସ୍ବିଆଇ ଡିଏମ୍ଡି ପି ସି କାଣ୍ଡପାଳ,ଏସ୍ବିଆଇର ସିଜିଏମ୍ ଦେବେନ୍ଦ୍ର କୁମାର ଓ ଭାରତୀୟ ସେନାର ଆଡଜୁଟାଂଟ୍ ଜେନେରାଲ୍ ଲେଫଟନାଂଟ୍ ଜେନେରାଲ୍ ସି ବି ପୋପନ୍ନାଙ୍କ ଉପସ୍ଥିତିରେ ଚିଫ୍ ଅଫ୍ ଆର୍ମି ଷ୍ଟାଫ୍ ଜେନେରାଲ୍ ମନୋଜ ପାଣ୍ଡେଙ୍କୁ ଏସ୍ବିଆଇର ଅଧ୍ୟକ୍ଷ ଦୀନେଶ ଖାରା ଚେକ୍ ହସ୍ତାନ୍ତର କରିଛନ୍ତି ।
ଏହି ଚେକ୍ ହସ୍ତାନ୍ତର ଅବସରରେ ଏସ୍ବିଆଇର ଅଧ୍ୟକ୍ଷ ଶ୍ରୀ ଦିନେଶ ଖାରା କହିଛନ୍ତି ଯେ, “ସାରା ଦେଶରେ ପ୍ରତିରକ୍ଷା କର୍ମଚାରୀଙ୍କୁ ବ୍ୟାଙ୍କିଙ୍ଗ୍ ଓ ଆର୍ଥିକ ସେବା ପ୍ରଦାନ କରିବାରେ ଏହାର ପ୍ରତିବଦ୍ଧତା ପାଇଁ ଏସ୍ବିଆଇ ଗର୍ବିତ ମନେ କରୁଛି । ଏସ୍ବିଆଇରେ ଆମେ ନିରନ୍ତର ନବସୃଜନ ଜାରି ରଖିବାକୁ ଏବଂ ବ୍ୟାଙ୍କିଙ୍ଗ୍ ସମାଧାନ ଆଣିବାକୁ ଲକ୍ଷ୍ୟ ରଖିଛୁ ଯାହା ସୀମାରେ ରହୁଥିବା ହିରୋ ଓ ସେମାନଙ୍କ ପରିବାରର ଜୀବନରେ ମୂଲ୍ୟ ଯୋଡ଼ିବ । ଆମ ଦେଶର ସୁରକ୍ଷା ପାଇଁ ଏହି ହିରୋମାନେ ନିଜ ଜୀବନର ସଂକଳ୍ପ କରୁଥିବା ଦେଖି ଆମେ କୃତଜ୍ଞ ମନେ କରୁଛୁ । ତେଣୁ, ଆମ ତରଫରୁ ଛୋଟ ଉଦ୍ୟମ ସ୍ୱରୂପ ଆମେ ଆମ ଶ୍ରେଷ୍ଠ ଦକ୍ଷତା ସହ ପ୍ରତିରକ୍ଷା ବଳକୁ ସହାୟତା ପାଇଁ ଆମର ପ୍ରତିଶ୍ରୁତି ପ୍ରଦାନ କରୁଛୁ ।’’
ବିଭିନ୍ନ ପ୍ରକାର ଅନ୍ତର୍ଭୁକ୍ତୀକରଣ ଓ ନିରନ୍ତରତା ଅଭିବୃଦ୍ଧି ଜରିଆରେ କର୍ପୋରେଟ୍ ସାମାଜିକ ଦାୟିତ୍ୱବୋଧ ଅଧୀନରେ ଏହାର ଦାୟିତ୍ୱ ପୂରଣ କରିବାରେ ଏସ୍ବିଆଇ ଉଦାହରଣ ସୃଷ୍ଟି କରିବାରେ ଅଗ୍ରଣୀ ରହିଛି । ଏହାର ସିଏସ୍ଆର୍ କାର୍ଯ୍ୟକଳାପ ବାହାରେ ଏସ୍ବିଆଇ ସର୍ବଦା ଦେଶର ପ୍ରତିରକ୍ଷା ବଳକୁ ସେବା ପ୍ରଦାନ କରିବା ଲାଗି ସର୍ବାଧିକ ଗୁରୁତ୍ୱ ପ୍ରଦାନ କରୁଛି । ଏଭଳି ଏକ ଉଦ୍ୟମ ହେଉଛି ୫୦୦ ଅଧିକ ପ୍ରତିରକ୍ଷା ସମ୍ବେଦନଶୀଳ ଶାଖା ଏବଂ ପ୍ରତିରକ୍ଷା ବ୍ୟାଙ୍କିଙ୍ଗ୍୍ ପରାମର୍ଶଦାତାଙ୍କ ଏକ ଉତ୍ସର୍ଗୀକୃତ ଟିମ୍ ।
ପ୍ରତିରକ୍ଷା ବେତନ ପ୍ୟାକେଜ୍ ଅଧୀନରେ ଏସ୍ବିଆଇ ଏହାର ବ୍ୟାପକ ଶାଖା, ଏଟିଏମ୍ ଓ ଡିଜିଟାଲ୍ ବ୍ୟାଙ୍କିଙ୍ଗ୍ ଚ୍ୟାନେଲ୍ରେ ପ୍ରତିରକ୍ଷା କର୍ମଚାରୀଙ୍କୁ ସହଜ, ଆରାମଦାୟକ ଓ ସୁବିଧାଜନକ ଉନ୍ନତ ବ୍ୟାଙ୍କିଙ୍ଗ୍ ସେବା ଓ ସୁବିଧା ପ୍ରଦାନ କରୁଛି ।
