ପୁବୁସାହିରୁ ଯୁବକ ନିଖୋଜ:ପୋଲିସର କାର୍ଯ୍ୟାନୁଷ୍ଠାନକୁ ଘର ଲୋକଙ୍କ ଅପେକ୍ଷା

ଖୋର୍ଦ୍ଧା: ୨୪/୮(ପ୍ରବାହ ନିୟୁଜ) ଆଦର୍ଶ ଥାନା ଅନ୍ତର୍ଗତ ପୁବୁସାହି ଗ୍ରାମରୁ ଯୁବକ ନିଖୋଜ । ଘଟଣାକୁ ଦୀର୍ଘ ଚାରିଦିନ ବିତି ଯାଇଥିଲେ ସୁଦ୍ଧା ନିଖୋଜ ଥିବା ବ୍ୟକ୍ତିଙ୍କ ଖୋଜ ଖବର ପାଉନି ପୋଲିସ।

ସୁଚନା ମୁତାବକ ପୁବୁସାହି ଗ୍ରାମର ବାସୁଦେବ ପ୍ରଧାନ(୪୫) ନାମକ ବ୍ୟକ୍ତି ସେହି ଅଞ୍ଚଳର ରବି ମୁଦୁଲି ନାମକ ବ୍ୟକ୍ତିଙ୍କ କବାଡିଆ ଗୋଦାମରେ ଦୀର୍ଘ ଦଶବର୍ଷ ଧରି କାମ କରି ଆସୁଥିବା ବେଳେ କୌଣସି କାରଣରୁ ବାସୁଦେବ ଏବଂ ରବି ମୁଦୁଲିଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।

ଖବର ପାଇ ବାସୁଦେବଙ୍କ ସ୍ତ୍ରୀ ଅମୀୟବାଳା ପ୍ରଧାନ ରବିଙ୍କ ଗୋଦାମରେ ପହଞ୍ଚି ତାଙ୍କ ସ୍ବାମୀଙ୍କୁ ମାଡ଼ ମାରାଯାଇଥିବା ଜାଣିବାକୁ ପାଇଥିଲା ବେଳେ ସତୁରୀ ହଜାର ଟଙ୍କା ଦେଲେ ଯାଇ ତୋ ସ୍ବାମୀ ଏଠାରୁ ଯାଇପାରିବ ବୋଲି କବାଡ଼ିଆ ଗୋଦାମ ମାଲିକ ରବି ତାଙ୍କୁ କହିଥିଲେ ଏବଂ ତୁମେ ଏଠାରୁ ଚାଲିଯାଅ ବୋଲି କହିଥିବା ଅଭିଯୋଗ ଆଣିଛନ୍ତି ନିଖୋଜ ବାସୁଦେବଙ୍କ ପରିବାର ଲୋକ।

କିନ୍ତୁ ସେହଦିନ ରାତିରେ ପରିବାର ଲୋକ ରବିଙ୍କୁ ଯୋଗାଯୋଗ କରିବାରୁ ବାସୁଦେବ ଘରକୁ ଫେରିଲେଣି ବୋଲି ରବି ଫୋନ ଯୋଗେ କହିଥିବା ଅଭିଯୋଗ ଆଣିଛନ୍ତି ବାସୁଦେବଙ୍କ ସ୍ତ୍ରୀ ଅମୀୟବାଳା। ବାସୁଦେବଙ୍କ ପରିବାର ଲୋକ ଏ ନେଇ ଥାନାରେ ଅଭିଯୋଗ କରିବା ପରେ ପୋଲିସ୍ ଅଭିଯୁକ୍ତ ରବିଙ୍କୁ ଥାନରେ ଆଣି ଅଟକ ରଖିଥିବା ବେଳେ ଏ ପର୍ଯ୍ୟନ୍ତ ନିଖୋଜ ବାସୁଦେବଙ୍କ କୌଣସି ପତ୍ତା ମିଳିନାହିଁ।

ପ୍ରକାଶ ଥାଉ କି ବିଗତ ଦିନରେ ଏହି ପୁବୁସାହି ଅଞ୍ଚଳରୁ ଗାଇ ଚରେଇବାକୁ ଯାଇ ନିଖୋଜ ହୋଇଥିବା ରାଜା ନାମକ ଜଣେ ଯୁବକ ନିଖୋଜ ଘଟଣାକୁ ଦୀର୍ଘ ଏକବର୍ଷରୁ ଉର୍ଦ୍ଧ ସମୟ ବିତିଯାଇଥିଲେ ମଧ୍ୟ ଏପର୍ଯ୍ୟନ୍ତ ପୋଲିସର ହାତଖାଲି ଥିବା ବେଳେ ବାସୁଦେବଙ୍କ ଘଟଣାରେ ପୋଲିସର ପାରିବାପଣିଆ ଉପରେ ପ୍ରଶ୍ନ ଉଠାଇଛନ୍ତି ନିଖୋଜଙ୍କ ସମ୍ପର୍କୀୟ । ଏପଟେ ବାସୁଦେବଙ୍କୁ ଖୋଜି ଆଣିବାକୁ ଗୁହାରୀ କରିଛନ୍ତି ବୁଢ଼ୀମା, ସ୍ତ୍ରୀ ଓ ଝିଅ।