ଟ୍ରେନ୍ ରେ କଟି ଯୁବକ ମୃତ

ଖୋର୍ଦ୍ଧା: ୧୯/୧୧(ପ୍ରବାହ ନିଉଜ) ଟ୍ରେନରେ କଟି ଯୁବକଙ୍କ ମୃତ୍ୟୁ । ଘଟଣା ଘଟିଛି ଖୋର୍ଦ୍ଧା ସଦର ଥାନା ଥାନା ଅନ୍ତର୍ଗତ କରଡ ଗାଡିଆ ଗ୍ରାମ ଦେଇ ଯାଇଥିବା ଖୋର୍ଦ୍ଧା ରୋଡ – ବଲାଙ୍ଗୀର ରେଳ ଲାଇନ୍ ରେ । ଟ୍ରେନ ତଳକୁ ଆସି ଯୁବକଙ୍କ ମୃତ୍ୟୁ ହୋଇଥିବା ଜଣାପଡିଥିବା ବେଳେ ମୃତକ ଯୁବକ ବୋଲଗଡ଼ ଅଞ୍ଚଳର ହରିପୁର ପାଟଣା ଗ୍ରାମର ନାରାୟଣ ସୁବୁଦ୍ଧି ବୋଲି ସୂଚନା ମିଳିଛି । ଘରୋଇ କଳହକୁ ନେଇ ଯୁବକ ଜଣକ ଗତକାଲି ଅପରାହ୍ନରେ ଘରୁ ଚାଲି ଆସିଥିବା ବେଳେ ରେଳ ଲାଇନ୍ ରେ ଆସି ଆତ୍ମହତ୍ୟା କରିଥିବା କୁହାଯାଉଛି । ଖୋର୍ଦ୍ଧା ସଦର ଥାନା ପୋଲିସ୍ ଓ ରେଲୱେ ପୋଲିସ୍ ଘଟଣା ସ୍ଥଳରେ ପହଞ୍ଚି ଶବ ଜବତ କରି ଘଟଣାର ଯାଞ୍ଚ କରୁଛି । ସ୍ଥାନୀୟ ଅଞ୍ଚଳରେ ନାରାୟଣ ଜଣେ ମେଲାପୀ ସ୍ଵଭାବର ଲୋକ ହୋଇଥିବା ସହିତ ବୋଲଗଡ ମହୋତ୍ସବ କମିଟିର ସକ୍ରିୟ ସଦସ୍ୟ ଥିଲେ। ତାଙ୍କର ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳଯାଇଛି।