ୱାର୍ଡୱିଜାର୍ଡ ଇନୋଭେସନ୍ସ ଆଣ୍ଡ୍ ମୋବିଲିଟିଲିମିଟେଡ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ପ୍ରଥମ ଅର୍ଧ ବାର୍ଷିକୀରେ ରେକର୍ଡ ଅଭିବୃଦ୍ଧି ହାସଲ
ଭୁବନେଶ୍ୱର: ଜୟ ଇ-ବାଇକ୍ ନାମରେ ଇଲେକ୍ଟ୍ରିକ୍ ଯାନ ନିର୍ମାଣ ଓ ବିକ୍ରି
କରୁଥିବା ସଂସ୍ଥା ୱାର୍ଡୱିଜାର୍ଡ ଇନୋଭେସନ୍ସ ଆଣ୍ଡ୍ ମୋବିଲିଟି ପକ୍ଷରୁ
ଚଳିତ ଆର୍ଥିକ ବର୍ଷ ୨୦୨୨-୨୩ର ଦ୍ୱିତୀୟ ତ୍ରୈମାସିକ ଏବଂ ଅର୍ଧ ବାର୍ଷିକୀ
ଆର୍ଥିକ ଫଳାଫଳ ଘୋଷଣା କରାଯାଇଛି । କଂପାନି ଦ୍ୱିତୀୟ ତ୍ରୈମାସିକରେ ସର୍ବାଧିକ ୬୩.୯୭ କୋଟି ଟଙ୍କାର ରାଜସ୍ୱ ହାସଲ କରିଛି ଯାହା ପୂର୍ବବର୍ଷ ଏହି ତ୍ରୈମାସିକରେ ୩୩.୫୧ କୋଟି ଟଙ୍କା ଥିଲା । ଏଥିରେ ୯୦% ବୃଦ୍ଧି ହୋଇଛି । କଂପାନି ୫,୪୪୬ ତୁଳନାରେ ଏଥର ୮,୪୪୮ ଇଲେକ୍ଟ୍ରିକ୍ ଦୁଇଚକିଆ ଯାନ ବିକ୍ରି କରିଛି । କଂପାନିର ଟିକସ ପବରର୍ତୀ ଲାଭ ୧.୬୧ କୋଟି ଟଙ୍କାରୁ ବୃଦ୍ଧି ପାଇ ୨.୫ କୋଟି ଟଙ୍କା ହୋଇଛି । ଇବିଆଇଟିଡିଏ ମଧ୍ୟ ୨.୮୦ କୋଟି ଟଙ୍କାରୁ ବୃଦ୍ଧି ପାଇ ୪.୫୯ କୋଟି ଟଙ୍କା ହୋଇଛି ।
ସେହିପରି, ୨୦୨୨-୨୩ ଆର୍ଥିକ ବର୍ଷର ପ୍ରଥମ ଅର୍ଧ ବାର୍ଷିକୀରେ କଂପାନିର ରାଜସ୍ୱ ପରିମାଣ ୧୧୮.୬୯ କୋଟି ଟଙ୍କାକୁ ବୃଦ୍ଧି ପାଇଛି ଯାହା ଗତବର୍ଷ ଏହି ସମୟରେ ୪୫.୦୫ କୋଟି ଟଙ୍କା ଥିଲା । ଏହି ଛଅ ମାସରେ କଂପାନି ୧୬,୭୧୫ ଇଲେକ୍ଟ୍ରିକ୍ ଦୁଇଚକିଆ ଯାନ ବିକ୍ରି କରିଛି ଯାହା ପୂର୍ବବର୍ଷର ଏହି ସମୟରେ ହୋଇଥିବା ୭,୩୩୫ ୟୁନିଟ୍ ବିକ୍ରି ତୁଳନାରେ ଅଧିକ । କଂପାନିର ଟିକସ ପରବର୍ତୀ ଲାଭ ୪.୫୬ କୋଟି ଟଙ୍କା ଏବଂ ଇବିଆଇଟିଡିଏ ୮.୨୪ କୋଟି ଟଙ୍କା ହୋଇଛି । ପୂର୍ବବର୍ଷ ଏହି ସମୟରେ କଂପାନିର ଟିକସ ପରର୍ବତୀ ଲାଭ ୨.୩୩ କୋଟି ଟଙ୍କା ଏବଂ
ଇବିଆଇଟିଡିଏ ୩.୮୯ କୋଟି ଟଙ୍କା ଥିଲା । କଂପାନିର ବ୍ୟବସାୟ ଫଳାଫଳ ସମ୍ପର୍କରେ ୱାର୍ଡୱିଜାର୍ଡ ଇନୋଭେସନ୍ସ ଆଣ୍ଡ୍ ମୋବିଲିଟିର ଅଧ୍ୟକ୍ଷ ଓ ପରିଚାଳନା ନିର୍ଦେଶକ ୟତିନ୍ ଗୁପ୍ତେ କହିଛନ୍ତି ଯେ,
“ଭାରତରେ ଅଟୋମୋବାଇଲ୍ ଶିଳ୍ପର ଦୃଶ୍ୟପଟ୍ଟ ଦ୍ରୁତ ଗତିରେ ବଦଳୁଛି ଏବଂ ଇଲେକ୍ଟ୍ରିକ୍ ଗମନାଗମନର ଗ୍ରହଣୀୟତା ବୃଦ୍ଧି ପାଉଛି । ଏହି ପରିବର୍ତନ କେବଳ ସହରାଂଚଳ ନୁହେଁ ବରଂ ଅର୍ଧ ସହରାଚଂଳରେ ଦେଖିବାକୁ ମିଳିଛି । ଇଭି ପ୍ରତି ଲୋକମାନେ ଅଧିକ ଢ଼ଳୁଥିବାର ଏକ କାରଣ ହେଉଛି ଚଢ଼ା ଇନ୍ଧନ ମୂଲ୍ୟ । ସୁଦୃଢ଼ ଉତ୍ପାଦ ପୋର୍ଟଫୋଲିଓ ଓ ଦୃଢ଼ ଉପସ୍ଥିତି ସହ ଏହି ପରିବର୍ତନରେ ଆମେ ଅଗ୍ରଦୂତ ରହିଛୁ ଏବଂ ଆମର ସୁଦୃଢ଼ ପ୍ରଦର୍ଶନ ଆମ ଗ୍ରାହକଙ୍କ ବିଶ୍ୱାସର ମାନ୍ୟତା ବହନ
କରୁଛି । ଉତ୍ସବ ଋତୁରେ ବଜାରରେ ସୁସ୍ଥକର ଗ୍ରାହକ ଚାହିଦା ଯୋଗୁ ଆର୍ଥିକ ବର୍ଷ ୨୦୨୨-୨୩ର ଏହି ତ୍ରୈମାସିକ ଏବଂ ଅର୍ଧ ବାର୍ଷିକୀରେ ଆମେ ସର୍ବକାଳୀନ ସର୍ବାଧିକ ରାଜସ୍ୱ ହାସଲ କରିଛୁ । ଆମର ଉପସ୍ଥିତି ସୁଦୃଢ଼ କରି ଜାତୀୟ ଏବଂ ବିଶ୍ୱ ବଜାରରେ ଆମ ଉପସ୍ଥିତିକୁ ସମ୍ପ୍ରସାରିତ କରୁଛୁ । ବଜାରରେ ବର୍ତମାନ ଜାରି ରହିଥିବା ଗତିଶୀଳତା ଏବଂ ବିଶେଷ କରି ଦୁଇ ଚକିଆ ଇଲେକ୍ଟ୍ରିକ୍ ଯାନର ବର୍ଦ୍ଧିତ ଚାହିଦା ଯୋଗୁ ଆମର ବିଶ୍ୱାସ ରହିଛି ଯେ ଆମେ ନୂତନ ମାଇଲଖୁଂଟ ହାସଲ କରିବୁ ।’’
