ପାରାଦୀପରେ ବିଜେଡି ର ପ୍ରଥମ ନିର୍ବାଚନୀ ସଭା ରେ ଯୋଗଦେଲେ ଭି.କେ.ପାଣ୍ଡିଆନ
ପାରାଦୀପ – ନିର୍ବାଚନ ପରିପ୍ରେକ୍ଷୀରେ ରାଜ୍ୟ ବିଜେଡି ଉପ ମୁଖ୍ୟ ନେତା ତଥା ପୂବତ୍ତନ ୫ଟି ସଚିବ ଗୁରୁବାର ଦିନ ଜଗତସିଂହପୁର ଜିଲ୍ଲାର ବିଭିନ୍ନ ନିର୍ବାଚନ ମଣ୍ଡଳୀ କୁ ତୋଫାନୀ ଗସ୍ତ କରି ସଭା ମାନଙ୍କରେ ବିଜେଡି ଦଳର ସାଂସଦ ଓ ବିଧାୟକ ପ୍ରାର୍ଥୀ ମାନଙ୍କ ବିଜୟ ସୁନିଶ୍ଚିତ କରିବାକୁ ସମବେତ କର୍ମୀ ମାନଙ୍କୁ ଆହ୍ୱାନ ଦେଇଥିଲେ l ସେହିପରି ଅପରାହ୍ନ ରେ ପାରାଦୀପ ବେଳାଭୂମି ସ୍ଥିତ ବିଜୁ ମୈଦାନ ପଡିଆ ଠାରେ ଆୟୋଜିତ ଏକ ସଭାରେ ଭି.କେ.ପାଣ୍ଡିଆନ ଯୋଗଦେଇ ଉପସ୍ଥିତ ହଜାର ହଜାର କର୍ମୀ ଙ୍କୁ ଉତ୍ସାହିତ କରି ଏଥର ନିର୍ବାଚନରେ ସାଂସଦ ପ୍ରାର୍ଥୀନୀ ଡା.ରାଜଶ୍ରୀ ମଲ୍ଲିକ ଏବଂ ବିଧାୟିକା ପ୍ରାର୍ଥୀ ଗୀତାଞ୍ଜଳି ରାଉତରାୟ ଙ୍କୁ ବିପୁଳ ଭୋଟ ରେ ଜିତାଇବାକୁ ଆହ୍ୱାନ ଦେଇଥିଲେ l ତେବେ ଏହି ସଭାକୁ ସଫଳ କରିବାକୁ ପାରାଦୀପ ବିଜେଡି ସଭାପତି ତଥା ପୌରାଧ୍ୟକ୍ଷ ବସନ୍ତ ବିଶ୍ୱାଳ, ଜିଲ୍ଲା ବିଜେଡି ଉପସଭାପତି ଜ୍ୟୋତିକାନ୍ତ ପରିଡା (ବାପୁ) ଏବଂ ବିଧାୟକ ଙ୍କ ପାରାଦୀପ ପ୍ରତିନିଧି ରଶ୍ମିରଞ୍ଜନ ପରିଡାଙ୍କ, ବିଜେଡି ନେତା କୁମରବର ନାୟକ,ଯୁବ ନେତା ଆଲୋକ ମହାପାତ୍ର, ରାଜେଶ ଭୂୟାଁ ପ୍ରମୁଖଙ୍କ ସକ୍ରିୟ ଭୂମିକା ରହିଥିବା ବେଳେ ପୌରାଧ୍ୟକ୍ଷ ଶ୍ରୀ ବିଶ୍ୱାଳ ଙ୍କ ହଜାର ହଜାର ସମର୍ଥକ ଓ ଦଳୀୟ କର୍ମୀ ଏହି କାର୍ଯ୍ୟକ୍ରମରେ ଉପସ୍ଥିତ ଥିବାର ଦେଖିବାକୁ ମିଳିଥିଲା l ପାଣ୍ଡିଆନ ଲୋକଙ୍କୁ ଉଦ୍ବୋଧନ ଦେଇ ଚଳିତ ନିର୍ବାଚନରେ ବିଜେଡିକୁ ପୁଣି ଥରେ କ୍ଷମତାସୀନ କରିବା ପାଇଁ ଅନୁରୋଧ କରିଥିଲେ।
ପାଣ୍ଡିଆନ ବିରୋଧୀଙ୍କୁ ଟାର୍ଗେଟ କରି କହିଥିଲେ ଯେ, ଆଗାମୀ ୧୦ ତାରିଖରେ ଆମ ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଥରେ ଶପଥଗ୍ରହଣ କରିବାକୁ ଯାଉଛନ୍ତି। ମୁଖ୍ୟମନ୍ତ୍ରୀ ଶପଥ ନେବା ପରେ ସର୍ବପ୍ରଥମେ ବିଜୁଳି ବିଲ୍ ଛାଡ଼ ଘୋଷଣା ଉପରେ ଦସ୍ତଖତ କରିବେ। ଜୁଲାଇ ମାସରୁ ଲୋକଙ୍କୁ ବିଜୁଳି ବିଲ୍ ଦେବାକୁ ପଡ଼ିବ ନାହିଁ । ସେହିପରି ମୁଖ୍ୟମନ୍ତ୍ରୀଙ୍କ ୨ୟ କାର୍ଯ୍ୟ ହେବ ବିଏସକେୱାଇ (ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା) ରେ ସମସ୍ତଙ୍କୁ ଅନ୍ତର୍ଭୁକ୍ତ କରିବା ପାଇଁ ହୋଇଥିବା ଘୋଷଣାରେ ଦସ୍ତଖତ କରିବା । ସମସ୍ତ ମଧ୍ୟବିତ୍ତ ପରିବାର ଏହାର ସୁବିଧା ପାଇପାରିବେ। ତୃତୀୟତଃ ମୁଖ୍ୟମନ୍ତ୍ରୀ ଶପଥ ଗ୍ରହଣ ପରେ ମିଶନଶକ୍ତି ମହିଳାମାନଙ୍କୁ ପେନସନ ଯୋଜନା ଉପରେ ଦସ୍ତଖତ କରିବେ ବୋଲି ପାଣ୍ଡିଆନ କହିଥିଲେ l
