ବେଦାନ୍ତ ଆଲୁମିନିୟମ ଝାରସୁଗୁଡ଼ା ଠାରେ ଯୁବ ଦକ୍ଷତା ବିକାଶ କାର୍ଯ୍ୟକ୍ରମ ‘ସକ୍ଷମ’ ର ଶୁଭାରମ୍ଭ କରିଛି

ଭୁବନେଶ୍ୱର ୨୭, ଫେବୃଆରି ୨୦୨୩ : ବେଦାନ୍ତ ଆଲୁମିନିୟମ, ଭାରତର ସର୍ବବୃହତ ଆଲୁମିନିୟମ ଉତ୍ପାଦନକାରୀ କମ୍ପାନୀ ଝାରସୁଗୁଡ଼ା ଠାରୀ ଯୁବକମାନଙ୍କ ପାଇଁ ଏକ ବ୍ୟାପକ ଦକ୍ଷତା ବିକାଶ କାର୍ଯ୍ୟକ୍ରମ ସକ୍ଷମ ଆରମ୍ଭ କରିଛି । ଏହିି ପଦକ୍ଷେପ ଅଧୀନରେ କମ୍ପାନୀ କଟକର ଛତିଆ ଠାରେ ଥିବା ଅଶୋକ ଲିଲ୍ୟାଣ୍ଡ ଏଚଏମଭି ଡ଼୍ରାଇଭର ପ୍ରଶିକ୍ଷଣ ପ୍ରତିଷ୍ଠାନ ସୋସାଇଟି ଫର୍ ଓଡ଼ିଶା ସରକାରଙ୍କ ସହଭାଗିତାରେ ଡ଼୍ରାଇଭର ତାଲିମ କାର୍ଯ୍ୟକ୍ରମ ଆରମ୍ଭ କରିଛି ।

ଏହି କାର୍ଯ୍ୟକ୍ରମର ଏକ ଅଂଶ ଭାବରେ ବେଦାନ୍ତ ଆଲୁମିନିୟମ ସ୍ଥାନୀୟ ଯୁବକମାନଙ୍କୁ ଭାରୀ ମୋଟର ଯାନ ଏବଂ ହାଲୁକା ମୋଟର ଯାନ ଯଥାକ୍ରମେ ୨୧ ଦିନ ଓ ୩୧ ଦିନିଆ ଆବାସିକ ଗାଡ଼ି ଚାଳନା ପ୍ରଶିକ୍ଷଣ ପ୍ରଦାନ କରୁଛି । ସକରାତ୍ମକ ଡ଼୍ରାଇଭିଂ ଅଭ୍ୟାସକୁ ଆଧାର କରି ଏହି ତାଲିମ କାର୍ଯ୍ୟକ୍ରମ ଟ୍ରାଫିକ ନିୟମ, ଉପଯୁକ୍ତ ସଡ଼କ ଆଚରଣ ଏବଂ ଅନ୍ୟମାନଙ୍କ ମଧ୍ୟରେ ମୌଳିକ ଯାନ ରକ୍ଷଣାବେକ୍ଷଣ ଓ ଜରୁରୀକାଳୀନ ନିୟନ୍ତ୍ରଣ କୌଶଳର ଏକ ସମୀକ୍ଷା ଉପରେ ତାଲିମ ଦେବା ପାଇଁ ପ୍ରୟାସ କରିଥାଏ । ଝାରସୁଗୁଡ଼ା ଓଡ଼ିଶାର ଶିଳ୍ପାଂଚଳ ହୋଇଥିବାରୁ ଏହାର ଆଖପାଖ ଅଂଚଳରେ ଏକ ବିସ୍ତୃତ ଯୋଗାଣ ଶୃଙ୍ଖଳା ଲଜିଷ୍ଟିକ୍ ନେଟୱର୍କ ରହିଛି, ଯାହା ପ୍ରତିଦିନ ଅନେକ ଯାତ୍ରୀ ଏବଂ ସାମଗ୍ରୀ ପରିବହନ କରିଥାଏ । ଏହି ଦୃଷ୍ଟିରୁ, ଏହି କାର୍ଯ୍ୟକ୍ରମ ଦ୍ୱାରା ଡ଼୍ରାଇଭରମାନଙ୍କର ଗାଡ଼ି ଚାଳନାରେ ଉନ୍ନତି ଆସିବା ସହିତ ପରିବହନ ଏବଂ ଲଜିଷ୍ଟିକ୍ ଶିଳ୍ପରେ ମଧ୍ୟ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ।

କାଟିକେଲା, ଝାରସୁଗୁଡ଼ା, ଭୋଲା ପଡ଼ା ଏବଂ ଅନ୍ୟାନ୍ୟ ଗ୍ରାମର ୧୯ ଜଣ ଶିକ୍ଷାନବିସଙ୍କୁ ନେଇ ପ୍ରଥମ ବ୍ୟାଚ୍ ସେମାନଙ୍କର ପ୍ରଶିକ୍ଷଣ ସଫଳତାର ସହ ସମାପ୍ତ କରିଛନ୍ତି । ଏହି କାର୍ଯ୍ୟକ୍ରମରେ ଏଚଏମଭି/ଏଲଏମଭି ଡ଼୍ରାଇଭର ହେବାକୁ ଇଚ୍ଛା କରୁଥିବା ଅନେକ ଯୁବତୀ ଓ ପୁରୁଷ ଅଂଶଗ୍ରହଣ କରିଥିଲେ । ସକ୍ଷମ ଅଧୀନରେ କମ୍ପାନୀ ବର୍ତମାନ ଏହିପରି ଦକ୍ଷତା ତାଲିମ କାର୍ଯ୍ୟକ୍ରମ ପ୍ରଚଳନ କରିବାକୁ ଯୋଜନା ରଖିଛି ।

ଏହି ଦକ୍ଷତା ବିକାଶ କାର୍ଯ୍ୟକ୍ରମ ବିଷୟରେ ଶ୍ରୀ ସୁନୀଲ ଗୁପ୍ତା, ସିଇଓ-ବେଦାନ୍ତ ଲିମିଟେଡ଼, ଝାରସୁଗୁଡ଼ା କହିଛନ୍ତି ବେଦାନ୍ତ ଆଲୁମିନିୟମ ସ୍ଥାନୀୟ ବାସିନ୍ଦାଙ୍କୁ ସେମାନଙ୍କର ସ୍ଥାୟୀ ଜୀବୀକା ସୃଷ୍ଟି କରିବାର ସୁଯୋଗ ଦେଇଥାଏ ଏବଂ ଯୁବକମାନଙ୍କୁ ସେମାନଙ୍କ ବିକାଶରେ ସାହାଯ୍ୟ କରିଥାଏ । ସକ୍ଷମ ପରି କାର୍ଯ୍ୟକ୍ରମ ସେମାନଙ୍କୁ ଦକ୍ଷତା ପ୍ରଦାନ କରିବା ସହିତ ତାଙ୍କର ଜୀବିକାକୁ ଦୀର୍ଘସ୍ଥାୟୀ କରାଇଥାଏ । ଏହାଦ୍ୱାରା ସେମାନଙ୍କର ଅର୍ଥନୈତିକ ଓ ସାମାଜିକ ପ୍ରଗତି ଘଟିବ । ୧୯ ଜଣ ଶିକ୍ଷାନବିିସଙ୍କୁ ନେଇ ଆରମ୍ଭ ହୋଇଥିବା ଏହି ବ୍ୟାଚ୍ ସେମାନଙ୍କୁ ଭବିଷ୍ୟତରେ ଚାମ୍ପିଅନ କରାଇବ । ଜୀବିକା ବିକାଶ କାର୍ଯ୍ୟକ୍ରମ ସହିତ ଆମେ ବାଣିଜ୍ୟିକ ଦକ୍ଷତା, ଉଦ୍ୟୋଗୀ ଅଭିଜ୍ଞତା, ଓ ଆର୍ଥିକ ଜ୍ଞାନକୁ ଗ୍ରାମାଂଚଳରେ ବିିସ୍ତାର କରିବାରେ ସକ୍ଷମ ହୋଇଛୁ । ସ୍ଥାନୀୟ ଯୁବକମାନଙ୍କୁ କୁଶଳୀ, ରୋଜଗାରକ୍ଷମ ଓ ଆର୍ଥିକ ସଶକ୍ତିକରଣରେ ସାହାଯ୍ୟ କରିଛୁ ।

ଏହି ପ୍ରଶିକ୍ଷଣ ପାଇଁ କମ୍ପାନୀକୁ ଧନ୍ୟବାଦ ଜଣାଇ ଏହି କାର୍ଯ୍ୟକ୍ରମର ଅନ୍ୟତମ ଅଂଶଗ୍ରହଣକାରୀ ଶ୍ରୀମତୀ ପ୍ରୀତିମୟୀ ଧାରୁଆ କହିଛନ୍ତି, ଏହି ବ୍ୟାପକ ଥିଓରି ଓ ପ୍ରାକ୍ଟିକାଲ ପର୍ଯ୍ୟ।।ୟ ଜରିଆରେ, ଆମେ ଗାଡ଼ି ଚାଳନାର ଗୁରୁତ୍ୱପୂର୍ଣ୍ଣ ଦିଗଗୁଡ଼ିକ ବିଷୟରେ ଜାଣିବା ଏବଂ ଶିଖିବାରେ ସମର୍ଥ ହୋଇଛୁ । ଯେତେବେଳେ ମୁଁ ଚାକିରିରେ ସୁଯୋଗ ଖୋଜିବାକୁ ଇଚ୍ଛା କରିବି ଏହା ମୋର ଆତ୍ମବିଶ୍ୱାସକୁ ବୃଦ୍ଧି କରିବ । ଏଭଳି ଏକ ଉପଯୋଗୀ କାର୍ଯ୍ୟକ୍ରମକୁ ଆୟୋଜିତ କରିଥିବାରୁ ମୁଁ ବେଦାନ୍ତକୁ ଧନ୍ୟବାଦ ଦେଉଛି ।

ବେଦାନ୍ତ ଝାରଦୁଗୁଡ଼ା ଦକ୍ଷତା ବିକାଶ ଓ ଶିକ୍ଷା ଭିତିକ କାର୍ଯ୍ୟକ୍ରମ ସହିତ ମଧ୍ୟ ଜଡ଼ିତ:

ଭାରତର ବୃହତମ ଗ୍ରାମୀଣ ମହିଳା ସମବାୟ ସମିତି ମଧ୍ୟରୁ ୪,୧୦୦ ରୁ ଅଧିକ ସଦସ୍ୟ ଥିବା ବେଦାନ୍ତର ଶୁଭଲକ୍ଷ୍ମୀ ସମବାୟ ସମିତି ଗତ ତିନି ବର୍ଷ ମଧ୍ୟରେ ୧,୮୫୦ ରୁ ଅଧିକ ମହିିଳାଙ୍କୁ ଦକ୍ଷତା ବିକାଶ କାର୍ଯ୍ୟକ୍ରମ ମାଧ୍ୟମରେ ସଫଳତାର ସହ ତାଲିମ ଦେଇଛି, ଯେଉଁଥିରେ କୃଷି ଏବଂ ଅଣ କୃଷି ଭିତିକ ଉଦ୍ୟୋଗ ଯେପରିକ ପଶୁ ସମ୍ପଦ, ଛତୁ ଚାଷ ଇତ୍ୟାଦି ଅନ୍ତର୍ଭୁକ୍ତ ।
କୃଷି କ୍ଷେତ୍ରରେ ବେଦାନ୍ତ ଆଲୁମିନିୟମର ସ୍ଥାୟୀ ଜୀବିକା ପ୍ରକଳ୍ପ ଜୀବୀକା ସମୃଦ୍ଧି ଦ୍ୱାରା କମ୍ପାନୀ ସ୍ଥାୟୀ ଜମି ଏବଂ ଜଳ ପରିଚାଳନା ପ୍ରଣାଳୀ, ଜୈବିକ କୃଷି, ପ୍ରାକୃତିକ କୀଟନାଶକ ପରିଚାଳନା ଇତ୍ୟାଦି ଉପରେ ଅନେକ କୌଶଳ ଏବଂ ଦକ୍ଷତା ନିର୍ମାଣ କାର୍ଯ୍ୟକ୍ରମ ଆୟୋଜନ କରିଛି । ଏହାଦ୍ୱାରା ୩୩୦ ରୁ ଅଧିକ ପରିବାର ଲାଭବାନ ହୋଇଛନ୍ତି ।
ବେଦାନ୍ତ କମ୍ପ୍ୟୁଟର ସାକ୍ଷରତା କାର୍ଯ୍ୟକ୍ରମ (ଭିସିଏଲପି) ୨୦୦ ରୁ ଅଧିକ ଯୁବକଙ୍କୁ ବାର୍ଷିକ ଡ଼ିଜିଟାଲ ସାକ୍ଷରତା ଏବଂ କମ୍ପ୍ୟୁଟର ଦକ୍ଷତା ବିକାଶରେ ସାହାଯ୍ୟ କରେ ।

ବେଦାନ୍ତ ଆଲୁମିନିୟମ, ବେଦାନ୍ତ ଲିମିଟେଡ଼ର ଏକ ବ୍ୟବସାୟ ଅଟେ, ଭାରତର ସର୍ବବୃହତ ଆଲୁମିନିୟମ ଉତ୍ପାଦନକାରୀ, ଏହା ଭାରତର ଅଧାରୁ ଅଧିକ ଆଲୁମିନିୟମ ନିର୍ମାଣ କରିିଥାଏ, ଯାହାକି ଆର୍ଥିକ ବର୍ଷ ୨୦୨୨ ରେ ୨.୨୭ ମିଲିଅନ ଟନ୍ । ମୂଲ୍ୟଯୁକ୍ତ ଆଲୁମିିନିୟମ ଉତ୍ପାଦଗୁଡ଼ିକରେ ଏହା ଅଗ୍ରଣୀ ଅଟେ । ବେଦାନ୍ତ ଆଲୁମିିନିୟମ ଡ଼ୋ ଜୋନ୍‌ସ ସଷ୍ଟେନେବିଲିଟି ଇଣ୍ଡେକ୍ସ (ଡ଼ିଜେଏସଆଇ) ୨୦୨୨ ରେ ଆଲୁମିିନିୟମ ଶିଳ୍ପ କ୍ଷେତ୍ରରେ ସାରା ବିଶ୍ୱରେ ୨ୟ ସ୍ଥାନ ଅଧିକାର କରିଛି । ଏହା ସ୍ଥାୟୀ ବିକାଶ ଅଭ୍ୟାସର ପ୍ରତିଫଳନ ଅଟେ । ଭାତରରେ ଏହାର ବିଶ୍ୱ ଶ୍ରେଣୀୟ ଆଲୁମିନିୟମ ସ୍ମେଲ୍‌ଟର, ଆଲୁମିିନା ରିଫାଇନାରୀ ଓ ପାୱାର ପ୍ଲାଂଟ ସହିତ କମ୍ପାନୀ ଆଲୁମିିନିୟମର ଉଦୀୟମାନ ପ୍ରୟୋଗକୁ ଭବିଷ୍ୟତର ଧାତୁ ଭାବରେ ତ୍ୱରାନ୍ୱିତ କରିବାର ଲକ୍ଷ୍ୟ ପୂରଣ କରେ ।