ବେଦାନ୍ତ ଆଲୁମିନିୟମ କୌଶଳ ଏବଂ କୃଷି ନବସୃଜନ ମାଧ୍ୟମରେ ଗ୍ରାମୀଣ ଜୀବିକା ବୃଦ୍ଧି ପାଇଁ ନାବାର୍ଡ ସହିତ ସହଭାଗୀ
ଭୁବନେଶ୍ୱର,ପ୍ରବାହ ନ୍ୟୁଜ୍ : ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ, ଓଡ଼ିଶାର କଳାହାଣ୍ଡି ଜିଲ୍ଲାରେ କର୍ମଶକ୍ତି ଦକ୍ଷତା, ଜଳସମ୍ପଦ ପରିଚାଳନା ଏବଂ କୃଷି ବିବିଧତା ଉପରେ କେନ୍ଦ୍ରିତ ୧ କୋଟି ଟଙ୍କାର ଗ୍ରାମୀଣ ବିକାଶ ପଦକ୍ଷେପ କାର୍ଯ୍ୟକାରୀ କରିବା ପାଇଁ ଜାତୀୟ କୃଷି ଏବଂ ଗ୍ରାମୀଣ ବିକାଶ ବ୍ୟାଙ୍କ (ନାବାର୍ଡ) ସହିତ ସହଭାଗୀ ହୋଇଛି। ମଞ୍ଜୁରୀ ପତ୍ର ଆଦାନପ୍ରଦାନ ମାଧ୍ୟମରେ ଆନୁଷ୍ଠାନିକ ହୋଇଥିବା ଏହି ସହଯୋଗ, ସମ୍ବଳ ସମୃଦ୍ଧ ତଥା ଆର୍ôଥକ ଦୃଷ୍ଟିରୁ ଅନୁନ୍ନତ ଅଂଚଳରେ ଏକ ଦକ୍ଷ କର୍ମଶକ୍ତି ନିର୍ମାଣ ଏବଂ କୃଷି ସ୍ଥିରତାକୁ ସୁଦୃଢ଼ କରିବାରେ ଏକ ଗୁରୁତ୍ୱପୂର୍ଣ୍ଣ ନିବେଶକୁ ଚିହ୍ନିତ କରିଛି।
ଏହି ସହଭାଗୀତା ଅଧୀନରେ, ଦୁଇଟି ସଂଗଠନ ନିଯୁକ୍ତି ସୁଯୋଗ ବୃଦ୍ଧି ଏବଂ ଦୀର୍ଘକାଳୀନ କୃଷି ସ୍ଥାୟୀତ୍ୱ ସୁନିଶ୍ଚିତ କରିବା ଲକ୍ଷ୍ୟରେ ଏକ ଶୃଙ୍ଖଳା ହସ୍ତକ୍ଷେପ କରିବେ। ଏହି ପଦକ୍ଷେପ ଲାଞ୍ଜିଗଡ଼ରେ ବେଦାନ୍ତର ଦକ୍ଷତା ତାଲିମ କେନ୍ଦ୍ରରେ ‘ଖାଦ୍ୟ ଏବଂ ପାନୀୟ ଷ୍ଟିୱାର୍ଡ ପାଠ୍ୟକ୍ରମ’ ଅଧୀନରେ ୬୦ ଜଣ ଗ୍ରାମୀଣ ଯୁବକଙ୍କୁ ତାଲିମ ପ୍ରଦାନ କରିବ, ସେମାନଙ୍କୁ ଏହି ଅଂଚଳର ବର୍ଦ୍ଧିତ ନିଯୁକ୍ତି ପରିଦୃଶ୍ୟ ସହିତ ସମନ୍ୱିତ ଶିଳ୍ପ-ପ୍ରାସଙ୍ଗିକ ଦକ୍ଷତା ସହିତ ସଜ୍ଜିତ କରିବ। ଏହି ପ୍ରକଳ୍ପର ପ୍ରଥମ ପର୍ଯ୍ୟାୟରେ ପୂର୍ବରୁ ୨୧୦ ଜଣ ଯୁବକଙ୍କୁ ତାଲିମ ଦିଆଯାଇଛି। ସମାନ୍ତରାଳ ଭାବରେ, କୃଷି ଭିତିଭୂମିକୁ ସୁଦୃଢ଼ କରିବା ପାଇଁ ପ୍ରୟାସ କରାଯିବ, ଯେଉଁଥିରେ ସମୁଦାୟ ପୋଖରୀ, ଫାର୍ମ ପୋଖରୀ, ଚେକ୍ ଡ୍ୟାମ ସମେତ ୨୭୫ ଟି ଜଳ ସଂରଚନା ସୃଷ୍ଟି କରାଯିବ, ଯାହା ଦ୍ୱାରା କୃଷକମାନଙ୍କ ପାଇଁ ଜଳ ସୁରକ୍ଷା ବୃଦ୍ଧି ପାଇବ ଏବଂ ୨୩୮୦ ଏକର ଚାଷ ଜମିରେ ହଳଦୀ, ଅଦା ଏବଂ ମାରିଗୋଲ୍ଡ ଭଳି ଉଚ୍ଚ-ମୂଲ୍ୟର ଫସଲ ପ୍ରଚଳନ କରାଯିବ, ଯାହା ସ୍ଥାନୀୟ କ୍ଷୁଦ୍ର ଉଦ୍ୟୋଗଗୁଡ଼ିକର ବିକାଶକୁ ପ୍ରୋତ୍ସାହିତ କରିବ।
ବେଦାନ୍ତ ଲିମିଟେଡର ଆଲୁମିନା ବ୍ୟବସାୟର ସିଇଓ ପ୍ରଣବ କୁମାର ଭଟ୍ଟାଚାର୍ଯ୍ୟ ଏବଂ ଭୁବନେଶ୍ୱରର ନାବାର୍ଡ ଆଂଚଳିକ କାର୍ଯ୍ୟାଳୟର ମୁଖ୍ୟ ମହାପ୍ରବନ୍ଧକ ଡକ୍ଟର ସୁଧାଂଶୁ କେକେ ମିଶ୍ରଙ୍କ ମଧ୍ୟରେ ଚୁକ୍ତିନାମା ସ୍ୱାକ୍ଷରିତ ହୋଇଥିଲା, ଯାହା ସ୍ଥାୟୀ ଗ୍ରାମୀଣ ବିକାଶ ପାଇଁ ଏକ ସହଭାଗୀ ପ୍ରତିବଦ୍ଧତାକୁ ଗୁରୁତ୍ୱ ଦେଇଥିଲା। ଭାରତର ଗ୍ରାମୀଣ ସ୍ୱାବଲମ୍ବନ ଏବଂ ଆର୍ôଥକ ବିବିଧତାର ଜାତୀୟ ଲକ୍ଷ୍ୟ ସହିତ ସମନ୍ୱୟ ରଖି, ଏହି ସହଯୋଗ କ୍ଷେତ୍ରୀୟ ଆର୍ôଥକ ପରିବର୍ତନ ପାଇଁ ଶିଳ୍ପ ବିଶେଷଜ୍ଞତାକୁ ବ୍ୟବହାର କରିବା ପାଇଁ ବେଦାନ୍ତ ଆଲୁମିନିୟମର ପ୍ରତିବଦ୍ଧତାକୁ ସୁଦୃଢ଼ କରିଛି।
ଏହି ଅବସରରେ ବେଦାନ୍ତ ଆଲୁମିନିୟମର ମୁଖ୍ୟ ପରିଚାଳନା ଅଧିକାରୀ ଶ୍ରୀ ସୁନୀଲ ଗୁପ୍ତା ଏହି ପଦକ୍ଷେପର ବ୍ୟାପକ ପ୍ରଭାବ ଉପରେ ଗୁରୁତ୍ୱାରୋପ କରି କହିଥିଲେ, “ବେଦାନ୍ତ ଆଲୁମିନିୟମରେ, ଆମେ ବିଶ୍ୱାସ କରୁ ଯେ ସ୍ଥାୟୀ ବିକାଶ ସମ୍ପ୍ରଦାୟକୁ ସଶକ୍ତ କରିବା ସହିତ ଆରମ୍ଭ ହୁଏ। ନାବାର୍ଡ ସହିତ ଆମର ସହଭାଗୀତା ହେଉଛି ଯୁବପିଢ଼ିଙ୍କୁ ଶିଳ୍ପ-ପ୍ରସ୍ତୁତ କୌଶଳ ସହିତ ସଜ୍ଜିତ କରି ଏବଂ ଅଭିନବ କୃଷି ପଦ୍ଧତି ପ୍ରଚଳନ କରି ଏକ ଆତ୍ମନିର୍ଭରଶୀଳ ଗ୍ରାମୀଣ ଅର୍ଥନୀତି ସୃଷ୍ଟି କରିବା ଦିଗରେ ଏକ ପଦକ୍ଷେପ ଅଟେ।”
ନାବାର୍ଡର ମୁଖ୍ୟ ମହାପ୍ରବନ୍ଧକ ଡକ୍ଟର ସୁଧାଂଶୁ କେକେ ମିଶ୍ର ଗ୍ରାମାଂଚଳ ବିକାଶରେ ରଣନୈତିକ ସହଭାଗୀତାର ଗୁରୁତ୍ୱ ଉପରେ ଆଲୋକପାତ କରି କହିଛନ୍ତି, “ନାବାର୍ଡ ଜୀବିକା ବୃଦ୍ଧି ଏବଂ କୃଷି ସ୍ଥିରତାକୁ ସୁଦୃଢ଼ କରୁଥିବା ଅଭିନବ ସହଭାଗୀତା ମାଧ୍ୟମରେ ସ୍ଥାୟୀ ଗ୍ରାମାଂଚଳ ବିକାଶକୁ ପ୍ରୋତ୍ସାହିତ କରିବା ପାଇଁ ପ୍ରତିବଦ୍ଧ। ବେଦାନ୍ତ ଆଲୁମିନିୟମ ସହିତ ଆମର ସହଯୋଗ ଅର୍ଥପୂର୍ଣ୍ଣ ପରିବର୍ତନ ଆଣିବାରେ ଶିଳ୍ପ-ନେତୃତ୍ୱାଧୀନ ପଦକ୍ଷେପର ଶକ୍ତିର ପ୍ରମାଣ। ଆମର ଶକ୍ତିକୁ ମିଶ୍ରଣ କରି, ଏହି କାର୍ଯ୍ୟକ୍ରମ ଓଡ଼ିଶାର ଗ୍ରାମାଂଚଳ ସମ୍ପ୍ରଦାୟ ପାଇଁ ସ୍ଥାୟୀ ଆର୍ôଥକ ସୁଯୋଗ ସୃଷ୍ଟି କରିବ, ଚାଷୀ ଏବଂ ଯୁବକମାନଙ୍କୁ ଏକ ଅଧିକ ସମୃଦ୍ଧ ଭବିଷ୍ୟତ ପାଇଁ ଆବଶ୍ୟକ ସମ୍ବଳ ଏବଂ ଦକ୍ଷତା ସହିତ ସଶକ୍ତ କରିବ।”
ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୪ ରେ ୨.୩୭ ନିୟୁତ ଟନ୍ ଆଲୁମିିନିୟମ ଉତ୍ପାଦନ କରିଥିବା ସଂସ୍ଥା। ବେଦାନ୍ତ ଆଲୁମିନିୟମ ଏସଆଣ୍ଡପି ଗ୍ଲୋବାଲ କର୍ପୋରେଟ ସସଟାନବିଲିଟି ଆସସମେଂଟ ୨୦୨୪ରେ ଆଲୁମିନିୟମ ଉଦ୍ୟୋଗ ପାଇଁ ୨ୟ ର୍ୟାଙ୍କ ଧାରୀ ଆଖ୍ୟା ଅର୍ଜନ କରିଛି ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା। ବେଦାନ୍ତର ବିଶ୍ୱ ଶ୍ରେଣୀୟ ଆଲୁମିନିୟମ ସ୍ମେଲଟର, ଆଲୁମିନିୟମ ରିଫାଇନାରୀ ଓ ପାୱାରପ୍ଲାଂଟର ଅତ୍ୟାଧୁନିକ ସୁବିଧା, ଦକ୍ଷ ଇଂଜିନିୟରିଂ ଶକ୍ତିକୁ ନେଇ ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି।
