ବେଦାନ୍ତ ଆଲୁମିନିୟମ ସାରା ଓଡ଼ିଶାରେ ରକ୍ତଦାନ ଶିବିର ଆୟୋଜନ ସହିତ ବିଶ୍ୱ ରକ୍ତଦାତା ଦିବସ ପାଳନ
ଭୁବନେଶ୍ୱର, ପ୍ରବାହ ନ୍ୟୁଜ୍ : ବିଶ୍ୱ ରକ୍ତଦାତା ଦିବସ ଅବସରରେ, ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ସରକାରୀ ସ୍ୱାସ୍ଥ୍ୟ ସଂସ୍ଥା ଏବଂ ସ୍ଥାନୀୟ ଅଂଶୀଦାରମାନଙ୍କ ସହଯୋଗରେ ଓଡ଼ିଶାରେ ଏହାର କାର୍ଯ୍ୟକ୍ଷେତ୍ରରେ ରକ୍ତଦାନ ଶିବିର ଆୟୋଜନ କରି ସାମୁଦାୟିକ ସ୍ୱାସ୍ଥ୍ୟ ଏବଂ କଲ୍ୟାଣ ପ୍ରତି ଏହାର ପ୍ରତିବଦ୍ଧତାକୁ ପୁନଃସ୍ଥାପିତ କରିଛି। ସ୍ଥାନୀୟ ସ୍ୱାସ୍ଥ୍ୟସେବା ବ୍ୟବସ୍ଥାର ଗୁରୁତ୍ୱପୂର୍ଣ୍ଣ ରକ୍ତ ଯୋଗାଣ ଆବଶ୍ୟକତାକୁ ପୂରଣ କରିବା ପାଇଁ ଏକ ଦୃଢ଼ ପ୍ରୟାସରେ, କମ୍ପାନୀ ଝାରସୁଗୁଡା, ଲାଞ୍ଜିଗଡ ଏବଂ ଭବାନୀପାଟଣାରେ ଏକାଧିକ ରକ୍ତଦାନ ଶିବିର ଆୟୋଜନ କରିଥିଲା, ଯାହା ସାମୂହିକ ଭାବରେ ଏହାର କର୍ମଚାରୀ, ବ୍ୟବସାୟିକ ଅଂଶୀଦାର ଏବଂ ସ୍ଥାନୀୟ ବାସିନ୍ଦାଙ୍କ ଦ୍ୱାରା ଦାନ କରାଯାଇଥିବା ୮୦୦ ୟୁନିଟ୍ ରୁ ଅଧିକ ରକ୍ତ ସଂଗ୍ରହ କରିଥିଲା।
ବିଶ୍ୱ ସ୍ତରରେ ସର୍ବବୃହତ ସମନ୍ୱିତ ଆଲୁମିନିୟମ ପ୍ଲାଂଟ ମଧ୍ୟରୁ ଗୋଟିଏ, ବେଦାନ୍ତର ଝାରସୁଗୁଡା କାର୍ଯ୍ୟସ୍ଥଳ ପ୍ଲାଂଟ ପରିସରରେ ଆୟୋଜିତ ଏକ ମେଗା ରକ୍ତଦାନ ଶିବିରରେ ୬୮୦ ୟୁନିଟ୍ ରକ୍ତ ସଂଗ୍ରହ ହୋଇଥିଲା, ଯାହା ସାଇଟ୍ ପାଇଁ ଏକ ରେକର୍ଡ ସଂଖ୍ୟା ଥିଲା। ଏହି କାର୍ଯ୍ୟକ୍ରମରେ ଝାରସୁଗୁଡାରେ ପୁନଃନିର୍ମିତ ସାଟେଲାଇଟ୍ ହସ୍ପିଟାଲର ଉଦଘାଟନ ମଧ୍ୟ ହୋଇଥିଲା, ଯାହା ସ୍ଥାନୀୟ ସ୍ୱାସ୍ଥ୍ୟସେବା ଭିତିଭୂମିକୁ ସୁଦୃଢ଼ କରିବା ପାଇଁ ବେଦାନ୍ତର ନିରନ୍ତର ପ୍ରୟାସରେ ଆଉ ଏକ ଗୁରୁତ୍ୱପୂର୍ଣ୍ଣ ମାଇଲଖୁଂଟ ଅଟେ।
ଲାଞ୍ଜିଗଡ଼, ଯେଉଁଠାରେ ବେଦାନ୍ତ ଏହାର ଆଲୁମିନା ରିଫାଇନାରୀ ପରିଚାଳନା କରେ, କମ୍ପାନୀର ନେତୃତ୍ୱରେ ଏକ ସ୍ୱେଚ୍ଛାକୃତ ରକ୍ତଦାନ ଅଭିଯାନ ସ୍ଥାନୀୟ ସରକାରୀ ହସ୍ପିଟାଲ ପାଇଁ ୧୩୦ ୟୁନିଟ୍ ରକ୍ତ ସଂଗ୍ରହ କରିବାରେ ସାହାଯ୍ୟ କରିଥିଲା, ଯାହା ଏହି ଅଂଚଳରେ ନିର୍ଭରଯୋଗ୍ୟ ରକ୍ତ କ୍ରୟ ଉତ୍ସର ଚାହିଦାକୁ ଯଥେଷ୍ଟ ହ୍ରାସ କରିଥିଲା।
ଏହି ସମୟରେ, ଏହାର ସିଜିମାଲି ଖଣି ନିକଟରେ, ବେଦାନ୍ତ ଆଲୁମିନିୟମ୍ ଓଡ଼ିଶା ରାଜ୍ୟ ରକ୍ତ ସ୍ଥାନାନ୍ତର ପରିଷଦ ଏବଂ ସ୍ଥାନୀୟ ଯୁବ କ୍ଲବ ସହିତ ସହଭାଗୀ ହୋଇ ଭବାନୀପାଟଣାର ଜିଲ୍ଲା ମୁଖ୍ୟାଳୟ ହସ୍ପିଟାଲରେ ଏକ ଶିବିର ମଧ୍ୟ ଆୟୋଜନ କରିଥିଲା। ପ୍ରାୟତଃ ତୀବ୍ର ରକ୍ତ ଅଭାବ ସହିତ ସଂଘର୍ଷ କରୁଥିବା ଏହି ହସ୍ପିଟାଲକୁ ଏହି ସହଯୋଗ ପ୍ରୟାସ ମାଧ୍ୟମରେ ୫୦ ୟୁନିଟ୍ ରକ୍ତ ମିଳିଥିଲା, ଯାହା ସ୍ୱାସ୍ଥ୍ୟସେବା ପ୍ରଦାନରେ ସମ୍ପ୍ରଦାୟର ନିୟୋଜିତତାର ପ୍ରଭାବକୁ ପ୍ରଦର୍ଶନ କରିଥିଲା।
ଏହି ଅବସରରେ ବେଦାନ୍ତ ଆଲୁମିନିୟମର ସିଇଓ ରାଜୀବ କୁମାର କହିଛନ୍ତି, “ବେଦାନ୍ତ ଆଲୁମିନିୟମରେ, ଆମେ ବିଶ୍ୱାସ କରୁ ଯେ ଗୁଣାତ୍ମକ ସ୍ୱାସ୍ଥ୍ୟସେବା ଏକ ମୌଳିକ ଅଧିକାର ଅଟେ। ରକ୍ତଦାନ ଶିବିର ଏବଂ ଚିକିତ୍ସା ପ୍ରସାର ଭଳି ନିରନ୍ତର ପଦକ୍ଷେପ ମାଧ୍ୟମରେ, ଆମେ ଆମ ଚାରିପାଖରେ ଥିବା ସମ୍ପ୍ରଦାୟର କଲ୍ୟାଣକୁ ସମର୍ଥନ କରୁଛୁ। ଏହି ପ୍ରୟାସଗୁଡ଼ିକ ‘ଭଲ ପାଇଁ ପରିବର୍ତନ’ର ଆମର ଗଭୀର ତତ୍ୱ ଦ୍ୱାରା ପରିଚାଳିତ, ଯେଉଁଠାରେ ଆମେ ସ୍ଥାନୀୟ କର୍ତୃପକ୍ଷ ଏବଂ ନାଗରିକମାନଙ୍କ ସହିତ ସହଭାଗୀତାରେ ଏକ ସୁସ୍ଥ, ଅଧିକ ସ୍ଥିର ସମାଜ ଗଠନ ପାଇଁ କାର୍ଯ୍ୟ କରୁ।”
ବେଦାନ୍ତ ଆଲୁମିନିୟମ ସ୍ଥାନୀୟ ରକ୍ତଭଣ୍ଡାରଗୁଡ଼ିକୁ ସମର୍ଥନ କରିବା ଏବଂ ବିଭିନ୍ନ ପଦକ୍ଷେପ ମାଧ୍ୟମରେ ସାର୍ବଜନୀନ ସ୍ୱାସ୍ଥ୍ୟସେବା ସେବାକୁ ସୁଦୃଢ଼ କରିବା ପାଇଁ ନିରନ୍ତର କାର୍ଯ୍ୟ କରିଆସୁଛି, ଯେଉଁଥିରେ ମୋବାଇଲ୍ ସ୍ୱାସ୍ଥ୍ୟ ୟୁନିଟ୍, ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମ, ପରିମଳ ଅଭିଯାନ ଏବଂ ସରକାରୀ ସ୍ୱାସ୍ଥ୍ୟ ବିଭାଗ ସହିତ ସହଭାଗୀତା ଅନ୍ତର୍ଭୁକ୍ତ। କମ୍ପାନୀର ସ୍ୱାସ୍ଥ୍ୟସେବା ପ୍ରସାର ବାର୍ଷିକ ୬ ଲକ୍ଷରୁ ଅଧିକ ଲୋକଙ୍କୁ ଛୁଇଁଛି, ଯାହା ଏହାର କାର୍ଯ୍ୟକ୍ଷେତ୍ରରେ ଉନ୍ନତ ସ୍ୱାସ୍ଥ୍ୟ ଫଳାଫଳ ପ୍ରଦାନ କରେ।
ବେଦାନ୍ତ ଲିମିଟେଡର ଏକ ବ୍ୟବସାୟ, ବେଦାନ୍ତ ଆଲୁମିନିୟମ୍, ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦକ, ଯାହା ଆର୍ôଥକ ବର୍ଷ ୨୫ ମସିହାରେ ଭାରତର ଅଧାରୁ ଅଧିକ ଅର୍ଥାତ୍ ୨.୪୨ ନିୟୁତ ଟନ୍ ଆଲୁମିନିୟମ୍ ଉତ୍ପାଦନ କରିଛି। ଏହା ମୂଲ୍ୟଯୁକ୍ତ ଆଲୁମିନିୟମ୍ ଉତ୍ପାଦରେ ଅଗ୍ରଣି ଭାବରେ ଉଭା ହୋଇଛି ଯାହାକି ମୁଖ୍ୟ ଶିଳ୍ପଗୁଡ଼ିକରେ ଗୁରୁତ୍ୱପୂର୍ଣ୍ଣ ପ୍ରୟୋଗ ବ୍ୟବହାର କରିଥାଏ। ଆଲୁମିନିୟମ୍ ଶିଳ୍ପ ପାଇଁ ଏସଏଣ୍ଡପି ଗ୍ଲୋବାଲ୍ କର୍ପୋରେଟ୍ ସଷ୍ଟେନେବିଲିଟି ଆସେସମେଂଟ୍ ୨୦୨୪ ବିଶ୍ୱ ରାଙ୍କିଂରେ ବେଦାନ୍ତ ଆଲୁମିନିୟମ୍ ଦ୍ୱିତୀୟ ସ୍ଥାନରେ ଅଛି, ଯାହା ଏହାର ପ୍ରମୁଖ ସ୍ଥାୟୀ ବିକାଶ ଅଭ୍ୟାସର ପ୍ରତିଫଳନ। ଭାରତରେ ଏହାର ବିଶ୍ୱସ୍ତରୀୟ ଆଲୁମିନିୟମ୍ ସ୍ମେଲ୍ଟର, ଆଲୁମିନା ରିଫାଇନାରୀ ଏବଂ ପାୱାର ପ୍ଲାଂଟ ସହିତ, କମ୍ପାନୀ ଏକ ସବୁଜ ଆସନ୍ତାକାଲି ପାଇଁ ‘ଭବିଷ୍ୟତର ଧାତୁ’ ଭାବରେ ଆଲୁମିନିୟମ୍ର ଉଦୀୟମାନ ପ୍ରୟୋଗଗୁଡ଼ିକୁ ପ୍ରୋତ୍ସାହିତ କରିବାର ଏହାର ଲକ୍ଷ୍ୟ ପୂରଣ କରୁଛି।
