ବେଦାନ୍ତ ଆଲୁମିିନିୟମ୍ ପକ୍ଷରୁ କୋରାପୁଟରେ କ୍ୟାନସର୍ ସ୍କ୍ରିନିଂ ଶିବିର ଆୟୋଜିତ
ଭୁବନେଶ୍ୱର: ଭାରତର ସର୍ବବୃହତ ଆଲୁମିନିୟମ୍ ନିର୍ମାତା ବେଦାନ୍ତ ଆଲୁମିନିୟମ୍ ପକ୍ଷରୁ ବେଦାନ୍ତ ବାଲ୍କୋ ମେଡିକାଲ୍ ସେଂଟର (ବିଏମ୍ସି) କ୍ୟାନସର ହସ୍ପିଟାଲ୍ ସହଯୋଗରେ କୋରାପୁଟର ଜୟପୁରରେ ଥିବା ଜିଲ୍ଲା ମୁଖ୍ୟ ଚିକିତ୍ସାଳୟରେ ଏକ କ୍ୟାନସର ସ୍କ୍ରିନିଂ ଶିବିର ଓ ସଚେତନତା ଅଭିଯାନ ଆୟୋଜନ କରାଯାଇଛି । ଏହି ମାଗଣା ସ୍କ୍ରିନିଂ ଶିବିରକୁ ଏହି ଅଂଚଳ ଓ ଜିଲ୍ଲାର ଆଖପାଖର ନାଗରିକମାନେ ବିପୁଳ ପରିମାଣରେ ଆସିଥିଲେ । ବିଭିନ୍ନ ପ୍ରକାର କ୍ୟାନସର ଚିହ୍ନଟ ପରୀକ୍ଷଶ ଯଥା ପାପ୍ ସ୍ମିୟର୍ସ ଓ ଓରାଲ ସାଇଟୋଲୋଜିର ସୁବିଧା ଥିବା ଏକ କ୍ୟାନସର ଚିହ୍ନଟ ଭ୍ୟାନ୍କୁ ଏକ ସପ୍ତାହ ପାଇଁ ଜୟପୁର ଓ ଆଖପାଖ ଅଂଚଳର ୪୦ଟି ଗ୍ରାମରେ ମୂତୟନ କରାଯାଇଥିଲା ଯାହା ଏହି ପ୍ରକ୍ରିୟାରେ ୮୦,୦୦୦ରୁ ଅଧିକ ବାସିନ୍ଦାଙ୍କ ନିକଟରେ ପହଂଚିଛି । ବିଏମ୍ସିର ଡାକ୍ତରମାନେ ନାଗରିକଙ୍କୁ ମାଗଣା ପରାମର୍ଶ ଦେଇଥିଲେ ଓ ସମ୍ଭାବ୍ୟ ରୋଗୀଙ୍କୁ ପରବର୍ତୀ ଚିକିତ୍ସା ପାଇଁ ହସ୍ପିଟାଲ୍କୁ ପଠାଇଥିଲେ ।
ଉନ୍ନତ ରେଡିଏସନ ଥେରାପି, ବ୍ରାକାଇଥେରାପି, ନ୍ୟୁକ୍ଲିୟର ମେଡିସିନ୍, ସର୍ଜରି, କେମୋଥେରାପି, ଇମ୍ୟୁନୋଥେରାପି, ଟାର୍ଗେଟେଡ୍ ଥେରାପି, ରକ୍ତ ସମ୍ପର୍କିତ ସମସ୍ୟା, ପ୍ଲାଷ୍ଟିକ୍ ଓ ରିକନଷ୍ଟ୍ରକ୍ଟିଭ୍ ସର୍ଜରି ଏବଂ ଯନ୍ତ୍ରଣା ଓ ପାଲିଆଟିଭ୍ କେୟାର ପାଇଁ ବାଲ୍କୋ ମେଡିକାଲ୍ ସେଂଟର ହେଉଛି ସବୁଠୁ ପସନ୍ଦର ବ୍ୟବସ୍ଥା । କ୍ୟାନସର ନିଦାନ ଓ ଚିକିତ୍ସା ପାଇଁ ଏହି ହସ୍ପିଟାଲ୍ ପିଏସ୍ଏମ୍ଏ ଓ ଡିଓଟିଏ ସ୍କାନ, ମୁଣ୍ଡ ଓ ବେକ କ୍ୟାନସର ସର୍ଜରିରେ ଭର୍ଚୁଆଲ ପ୍ଲାନିଂ ଓ ୩ଡି ମଡେଲରିଂ, ସିଆରଏସ୍ ଓ ଏଚ୍ଆଇପିଏସ୍, ଉନ୍ନତ ମାଇକ୍ରୋଭାସ୍କୁଲାର ସର୍ଜରି, ଲୁଟେଟିଅମ୍ ଥେରାପି ଓ ଆଲୋଜେନେଇକ୍ ବୋନ୍ ମାରୋ ପ୍ରତିରୋପଣ ଭଳି ବହୁ ଉନ୍ନତ ପ୍ରଯୁକ୍ତି ଏହା ପ୍ରଦାନ କରୁଛି । ଶୁଭାରମ୍ଭ ହେବା ପରଠାରୁ ବିଏମ୍ସି ତିନିଟି ପ୍ରମୁଖ ସ୍ତମ୍ଭ ପ୍ରତିଷେଧକ, ସ୍କ୍ରିନିଂ ଓ ଚିକିତ୍ସା ପାଇଁ ଏହାକୁ ଉତ୍ସର୍ଗ କରି ଲକ୍ଷାଧିକ ଲୋକଙ୍କ ଜୀବନରେ ଉନ୍ନତି ଆଣିପାରିଛି ।
ବେଦାନ୍ତର ଗୋଷ୍ଠୀ ଆଉଟ୍ରିଚ୍ ଅଭିଯାନ ସମ୍ପର୍କରେ ବେଦାନ୍ତ ଆଲୁମିନିୟମ୍ର ସିଇଓ-ମାଇନ୍ସ ଶ୍ରୀଯୁକ୍ତ ଭି ଶ୍ରୀକାନ୍ତ କହିଛନ୍ତି ଯେ, “ବେଦାନ୍ତରେ ଆମ ସାମାଜିକ ଉଦ୍ୟମର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ହେଉଛି ଗୋଷ୍ଠୀ ସ୍ୱାସ୍ଥ୍ୟ । ଆମର ସ୍ୱାସ୍ଥ୍ୟ ହସ୍ତକ୍ଷେପରେ ସାମିଲ ରହିଛି ଭ୍ରାମ୍ୟମାଣ ସ୍ୱାସ୍ଥ୍ୟ ୟୁନିଟ୍ ଜରିଆରେ ଡୋର-ଟୁ-ଡୋର ସେବା, ସ୍ୱାସ୍ଥ୍ୟ ଶିବିର ଆମ୍ବୁଲାନ୍ସ ସେବା ଇତ୍ୟାଦି ଓ ଯେଉଁଠାରେ ଏହି ସେବା ନିହାତି ଜରୁରୀ ରାଜ୍ୟର ସେଭଳି ଦୁର୍ଗମ ଅଂଚଳରେ ଏହା ପହଂଚୁଛି ଫଳରେ ଏହି ଅଂଚଳର ଗୁଣାତ୍ମକ ଜୀବନରେ ଉନ୍ନତି ହୋଇଛି । ଆମର କାର୍ଯ୍ୟକ୍ଷେତ୍ର ରହିଥିବା ଅଂଚଳରେ ନିରନ୍ତର ଜୀବନଜୀବିକା, ଗୁଣାତ୍ମକ ଶିକ୍ଷା, କୌଶଳ ବିକାଶ, ମହିଳା ସଶକ୍ତୀକରଣ ଓ ଗୋଷ୍ଠୀ ଭିତିଭୂମି ଭଳି କ୍ଷେତ୍ରରେ ଆମେ ପ୍ରତ୍ୟକ୍ଷ ଭାବେ ପଦକ୍ଷେପ ଗ୍ରହଣ କରି ସ୍ଥାନୀୟ ଗୋଷ୍ଠୀଙ୍କ ଜୀବନରେ ସାମାଜିକ-ଅର୍ଥନୈତିକ ରୂପାନ୍ତରଣ ଆଣୁଛୁ ।’’
ଏହି ଶିବିରରେ ଯୋଗ ଦେଇଥିବା ସାମାଜିକ କର୍ମୀ ଶ୍ରୀଯୁକ୍ତ ସୁବାଷ ରାଉତ କହିଛନ୍ତି ଯେ, “କ୍ୟାନସରକୁ ସଠିକ ସମୟରେ ଚିହ୍ନଟ କରିବା ବହୁ ଜୀବନ ବଂଚାଇବ । ଦୁର୍ଭାଗ୍ୟର ବିଷୟ ହେଉଛି କୋରାପୁଟ ଭଳି ଦୁର୍ଗମର ଅଂଚଳରେ ଲୋକମାନଙ୍କ ପାଖରେ ଗୁଣାତ୍ମକ ଶିକ୍ଷା ମିଳୁନାହିଁ । ଏହ ଅଂଚଳରେ ଉତମ ସ୍ୱାସ୍ଥ୍ୟ ହସ୍ତକ୍ଷେପ ଆଣିବା ଦିଗରେ ବେଦାନ୍ତ ଆଲୁମିନିୟମ ସ୍କ୍ରିନିଂ ଓ ସଚେତନତା ଶିବିର ହେଉଛି ଏକ ହସ୍ତକ୍ଷେପ । ଏହି ଅଭିଯାନ ପାଇଁ ଆଗେଇ ଆସିବା ଓ ଏଠାକାର ବାସିନ୍ଦା ଯେଉଁମାନଙ୍କ ମଧ୍ୟରୁ ଅଧିକାଂଶ ଦୂରାରୋଗ୍ୟ ରୋଗର ପରୀକ୍ଷା ଓ ଚିକିତ୍ସା ଖର୍ଚ୍ଚ ବହନ କରିବାକୁ ଅସମର୍ଥ ସେମାନଙ୍କ ଜୀବନରେ ସକାରାତ୍ମକ ପ୍ରଭାବ ସୃଷ୍ଟି କରୁଛି ।’’
ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦନକାରୀ ବେଦାନ୍ତ ଲିମିଟେଡ୍ର ଏକ ବ୍ୟବସାୟ ବେଦାନ୍ତ ଆଲୁମିନିୟମ୍ ପକ୍ଷରୁ ଭାରତର ଅଧା ଆଲୁମିନିୟମ୍ ଅର୍ଥାତ ୨୦୨୧-୨ ଆର୍ଥିକ ବର୍ଷରେ ୨.୨୬ ନିୟୁତ ଟନ୍ ଉତ୍ପାଦନ କରାଯାଇଛି । ଏହା ମୂଲ୍ୟ ଯୁକ୍ତ ଆଲୁମିନିୟମ୍ ଉତ୍ପାଦନର ଅଗ୍ରଣୀ ସଂସ୍ଥା ଯାହାକୁ ମୌଳିକ ଶିଳ୍ପର ଗୁରୁତ୍ୱପୂର୍ଣ୍ଣ କାର୍ଯ୍ୟରେ ବ୍ୟବହାର କରାଯାଉଛି । ଆଲୁମିିୟମ୍ ଶିଳ୍ପ ପାଇଁ ବିଶ୍ୱ ର୍ୟାଙ୍କିଙ୍ଗ୍ ଡାଓ ଜୋନ୍ସ ସଷ୍ଟେନେବିଲିଟି ଇଣ୍ଡେକ୍ସ (ଡିଜେଏସ୍ଆଇ) ୨୦୨୧ରେ ବେଦାନ୍ତ ଆଲୁମିନିୟମ୍ର ର୍ୟାଙ୍କ ଚତୁର୍ଥ ସ୍ଥାନରେ ରହିଛି ଯାହା ହେଉଛି ଏହାର ନିରନ୍ତରତା ବିକାଶ ପ୍ରଥାର ପ୍ରତିଫଳନ । ଭାରତରେ ବିଶ୍ୱଶ୍ରେଣୀର ଆଲୁମିନିୟମ୍ ସ୍ମେଲଟର, ଆଲୁମିନା ରିଫାଇନାରି ଓ ପାୱାର ପ୍ଲାଂଟ୍କୁ ସହ କଂପାନି ଏକ ସବୁଜ ଭବିଷ୍ୟତ ପାଇଁ “ଭବିଷ୍ୟତର ଧାତବ’ ଭାବେ ଆଲୁମିନିୟମ୍ର ଉଦୀୟମାନ ବ୍ୟବହାରକୁ ବଢ଼ାଇବା ପାଇଁ ଏହାର ଲକ୍ଷ୍ୟ ପୂରଣ କରୁଛି ।
