ଉତ୍କଳ ଆଲୁମିନା’ ଦ୍ୱାରା ପାରିପାଶ୍ୱିର୍କ ବିଦ୍ୟାଳୟରେ ବିଜ୍ଞାନାଗାର ଓ ପୁସ୍ତକାଳୟ ସ୍ଥାପନ
ଭୁବନେଶ୍ୱର/ଟିକିରି: ଏହି ଅଞ୍ଚଳରେ ଗୁଣାତ୍ମକ ଶିକ୍ଷା ଯୋଗାଇଦେବା କ୍ଷେତ୍ରରେ ନିଜର ଅବଦାନ ରଖିବା ପ୍ରୟାସରେ ଆଦିତ୍ୟ ବିର୍ଲା ଗ୍ରୁପ୍ର ହିଣ୍ଡାଲ୍କୋ ଇଣ୍ଡଷ୍ଟ୍ରିଜ ଲିମିଟେଡର ଏକ ସହଯୋଗୀ ସଂସ୍ଥା ଉତ୍କଳ ଆଲୁମିନା ଇଣ୍ଟରନ୍ୟାସନାଲ ଲିମିଟେଡ ରାୟଗଡା ଜିଲ୍ଲା କାଶୀପୁର ବ୍ଲକ ଏବଂ କଳାହାଣ୍ଡି ଜିଲ୍ଲାର ଥୁଆମୂଳ ରାମପୁର ବ୍ଲକରେ ଏହାର ପାରିପାଶ୍ରିକ ଅଞ୍ଚଳରେ ଥିବା ବିଦ୍ୟାଳୟଗୁଡିକରେ ଚଳିତ ମାସ ୨୮ ଓ ୨୯ ତାରିଖ ଦିନ ପୃଥକ ପୃଥକ ଭାବରେ ଆୟୋଜିତ କାର୍ଯ୍ୟକ୍ରମରେ ୩ଟି ବିଜ୍ଞାନାଗାର ଏବଂ ୫ଟି ପୁସ୍ତକାଳୟ (ଲାଇବ୍ରେରୀ) ସ୍ଥାପନ କରିଛି ।
ପ୍ରାକ୍ଟିକାଲ ଶିକ୍ଷଣ ଏବଂ ମଜାଦାର ଶିକ୍ଷା ଆହରଣ ପଦ୍ଧତି ଜରିଆରେ ଛାତ୍ରଛାତ୍ରୀଙ୍କ ମଧ୍ୟରେ ବିଜ୍ଞାନ ଓ ଗଣିତ ବିଷୟ ପ୍ରତି ଆଗ୍ରହ ସୃଷ୍ଟି କରିବା ସକାଶେ ଉତ୍କଳ ଆଲୁମିନା ସରକାରୀ ହାଇସ୍କୁଲ, କାଶୀପୁର, ସରକାରୀ ହାଇସ୍କୁଲ ମାଇକଞ୍ଚ ଏବଂ ସରକାରୀ ହାଇସ୍କୁଲ ଆଦ୍ରିଠାରେ ଷ୍ଟେମ ଲର୍ଣ୍ଣିଂ ପ୍ରାଇଭେଟ ଲିମିଟେଡ, ମୁମ୍ବଇ ସହଯୋଗରେ ୩ଟି କ୍ଷୁଦ୍ର ସାଇନ୍ସ ସେଣ୍ଟର ସ୍ଥାପନ କରିଛି ।
ଅନୁରୂପ ଭାବରେ ଛାତ୍ରଛାତ୍ରୀଙ୍କ ମଧ୍ୟରେ ପଢିବା, ବୁଝିବା ଏବଂ ଅଭିବ୍ୟକ୍ତି କୌଶଳରେ ବୃଦ୍ଧି ଘଟାଇବାକୁ ଉତ୍କଳ ଆଲୁମିନା ସରସ୍ୱତୀ ଶିଶୁ ବିଦ୍ୟା ମନ୍ଦିର, ଟିକିରି, ସରସ୍ୱତୀ ଶିଶୁ ବିଦ୍ୟା ମନ୍ଦିର କାଶୀପୁର, ସରକାରୀ ୟୁଜିଏମ୍ଇ ସ୍କୁଲ ମାଇକଞ୍ଚ, ସରକାରୀ ହାଇସ୍କୁଲ ହାଡିଗୁଡା ଏବଂ ସରକାରୀ ହାଇସ୍କୁଲ ଆଦ୍ରିଠାରେ ଆଞ୍ଜେଳିକ୍ ଫାଉଣ୍ଡେସନ,
ନୂଆଦିଲ୍ଲୀ ସହଯୋଗରେ ୫ଟି ଅନନ୍ୟ ପୁସ୍ତକାଳୟ (ଲାଇବ୍ରେରୀ) ସ୍ଥାପନ କରିଛି । ଶ୍ରୀ ଭୀମସେନ ସବର, ସବ୍ କଲେକ୍ଟର ରାୟଗଡା, ଶ୍ରୀ ଦେବାଶିଷ କର, ବିଡିଓ, କାଶୀପୁର, ଶ୍ରୀ ଶରତ ସବର,
ତହସିଲଦାର, କାଶୀପୁର, ଶ୍ରୀ ମଜହର ବେଗ୍, ୟୁନିଟ ହେଡ ଓ ପ୍ରେସିଡେଣ୍ଟ, ଉତ୍କଳ ଆଲୁମିନା ଏବଂ ଡ. ଲୋପାମୁଦ୍ରା ପ୍ରିୟଦର୍ଶିନୀ, ଜିଏମ୍ ସିଏସଆର, ସିଆର୍ ଏବଂ ସଷ୍ଟେନେବିଲିଟି ଏହି କାର୍ଯ୍ୟକ୍ରମରେ ଉପସ୍ଥିତ ରହିବା ସହିତ ଚଳିତ ମାସ ୨୮ ଓ ୨୯ ତାରିଖରେ ପୃଥକ ପୃଥକ ଭାବରେ ଆୟୋଜିତ ଉତ୍ସବରେ ଏହି କେନ୍ଦ୍ରଗୁଡିକ ଉଦ୍ଘାଟନ କରିଥିଲେ ।
ଶ୍ରୀମତୀ ଗୀତା ହରିଶ, ସିନିୟର କନ୍ସଲଟାଣ୍ଟ ଆଞ୍ଜେଲିକ୍ ଫାଉଣ୍ଡେସନ, ଶ୍ରୀ ପ୍ରଭାତ ଦାସ, ପ୍ରୋଗ୍ରାମ ଅଫିସର ଷ୍ଟେମ ଲର୍ଣ୍ଣିଂ ଉଦ୍ଘାଟନୀ କାର୍ଯ୍ୟକ୍ରମରେ ଅତିଥି ଭାବରେ ଯୋଗ ଦେଇଥିଲେ । ତାଙ୍କର ଆୟୋଜକ ଅଭିଭାଷଣରେ ଶ୍ରୀ ମଜହର ବେଗ୍ ବରିଷ୍ଠ ସରକାରୀ ପଦାଧିକାରୀଙ୍କୁ ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିବାରୁ ନିଜର ହାର୍ଦ୍ଦିକ କୃତଜ୍ଞତା ଜଣାଇଥିଲେ । ପାରିପାଶ୍ରିକ ଗ୍ରାମଗୁଡିକରେ ଛାତ୍ରଛାତ୍ରୀଙ୍କ ମଧ୍ୟରେ ଶିକ୍ଷାର ମାନରେ ଉନ୍ନତି ସାଧନ ନିମନ୍ତେ ଉତ୍କଳ ଆଲୁମିନାର ପ୍ରତିବଦ୍ଧତା ଉପରେ ସେ ଗୁରୁତ୍ୱ ଦେଇଥିଲେ । ସେ ମଧ୍ୟ କହିଥିଲେ ଯେ, ଉତ୍କଳ ଆଲୁମିନା ଭବିଷ୍ୟତରେ ଏହିଭଳି ସମ୍ପୂର୍ଣ୍ଣ ନୂତନ ଓ ଅନନ୍ୟ ପ୍ରୟାସସମୂହ କାର୍ଯ୍ୟକାରୀ କରିବ ଏବଂ ଏହି ଅଞ୍ଚଳରେ ଶିକ୍ଷାର ସୂଚକରେ ଉନ୍ନତି ଆଣିବା ଦିଗରେ ନିଜର ଅବଦାନ ରଖିବ ।
ଶ୍ରୀ ଭୀମସେନ ସବର ଗୁଣାତ୍ମକ ଶିକ୍ଷା ଦିଗରେ ଉତ୍କଳ ଆଲୁମିନାର ପ୍ରୟାସକୁ ପ୍ରଶଂସା କରିଥିଲେ । ସେ କହିଥିଲେ ଯେ କମ୍ପାନୀର ଏହିଭଳି ଅନନ୍ୟ ପ୍ରୟାସ ନିଶ୍ଚିତ ଭାବରେ ଏହି ଆଦିବାସୀ ଅଧ୍ୟୁଷିତ ଅଞ୍ଚଳରେ ଶିକ୍ଷାର ମାନ ଉପରେ ସକାରାତ୍ମକ ପ୍ରଭାବ ପକାଇବା ସହିତ ସେଥିରେ ରୂପାନ୍ତରଣ ଆଣିବ । ଏହି ସୁବିଧାର ସର୍ବାଧିକ ସୁଯୋଗ ନେବାକୁ
ସେ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀଙ୍କୁ ଉତ୍ସାହିତ କରିଥିଲେ ।
ସମସ୍ତ କାର୍ଯ୍ୟକ୍ରମରେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଏବଂ ସ୍ଥାନୀୟ ଜନସାଧାରଣ ଉପସ୍ଥିତ ଥିଲେ । କାର୍ଯ୍ୟକ୍ରମଗୁଡିକୁ ଉତ୍କଳ ଆଲୁମିନାର ଟିମ୍ ସିଏସଆର୍ ଆୟୋଜନ କରିଥିଲା । ୟୁଏଆଇଏଲ ଏକ ଦାୟିତ୍ୱସମ୍ପନ୍ନ କର୍ପୋରେଟ ସଂସ୍ଥା ଭାବରେ ନିଜର ସିଏସ୍ଆର ଏବଂ ସିଆର୍ ଓ ସଷ୍ଟେନେବିଲିଟି ପ୍ରୟାସସମୂହ ଅଧୀନରେ ରାୟଗଡା ଓ କଳାହାଣ୍ଡି ଆଦି ଦୁଇଟି ଜିଲ୍ଲାର ଦୁଇଟି ବ୍ଲକ ଅନ୍ତର୍ଗତ ୧୨ଟି ପଞ୍ଚାୟତର ୨୩୨ଟି ଗ୍ରାମରେ ପାରପାଶ୍ରିକ ବିକାଶମୂଳକ କାର୍ଯ୍ୟରେ ଗଭୀର ଭାବରେ ନିୟୋଜିତ ରହିଛି । ଶିକ୍ଷା, ସ୍ୱାସ୍ଥ୍ୟସେବା, ଦୀର୍ଘସ୍ଥାୟୀ ଜୀବିକା ଉପାର୍ଜନ ଏବଂ ଗ୍ରାମାଞ୍ଚଳ ଭିତ୍ତିଭୂମି ଆଦି ଏବିଜିର ୫ ପିଲାର ଅଫ ଇଣ୍ଟରଭେନ୍ସନ ଅଧୀନରେ ଏବଂ ସାମାଜିକ ପ୍ରସଙ୍ଗଗୁଡିକର ସମାଧାନ ପ୍ରୟାସରେ ୟୁଏଆଇଏଲ ମୋଟାମୋଟି ଭାବରେ ୨ ଲକ୍ଷରୁ ଅଧିକ ଲୋକଙ୍କ ଜୀବନକୁ ସ୍ପର୍ଶ କରୁଛି । ୟୁଏଆଇଏଲ୍ର ଅନନ୍ୟ ବହୁଧା ସହଭାଗୀ ଭିତ୍ତିକ ପ୍ରୟାସ ପ୍ରାୟ ଦୁଇ ଦଶନ୍ଧରି ଅଧିକ କାଳ ଧରି
ଜନସାଧାରଣଙ୍କ ଜୀବନକୁ ସମୃଦ୍ଧ କରିଆସୁଛି ।
