କଂସ ବରଣ ଓ ଧନୁଯାତ୍ରା ମହୋତ୍ସବ ଶୁଭସ୍ତମ୍ଭ ସ୍ଥାପନ
ପାଇକମାଲ :ପ୍ରବାହ ନ୍ୟୁଜ୍ : ବରଗଡ ଜିଲ୍ଲା ପାଇକମାଲ ବ୍ଲକର ୮ମ ରାଜବୋଡାସମ୍ବର ଧନୁଯାତ୍ରା ମହୋତ୍ସବ ୨୦୨୬ ଗୋଇବାହାଲି ଉପଲକ୍ଷେ ଶୁକ୍ରବାର ଶୁଭସ୍ତମ୍ଭ ସ୍ଥାପନ କଂସ ବରଣ କାର୍ଯ୍ୟକ୍ରମ ଅନ୍ତର୍ଗତ ହୋଇଯାଇଛି । ସକାଳେ ପ୍ରଥମେ ଗ୍ରାମର ଦେବାଦେବୀଙ୍କ ପୂଜାର୍ଚ୍ଚନା ପରେ ସାଂସ୍କୃତିକ ଦଳ ସହିତ ଗ୍ରାମ ତଥା ଆଖପାଖ ଗ୍ରାମର ମହିଳା ଓ ପୁରୁଷଙ୍କୁ ନେଇ ଏକ ବିଶାଳ କଳସ ଶୋଭାଯାତ୍ରାରେ ପୂଜାସ୍ଥଳକୁ ପହଞ୍ଚିଥିଲେ ।

ଏଥିରେ ମଥୁରା ନଗରୀର ମିନିକେତନ ସାହୁ ଓ ତାଙ୍କ ଧର୍ମପତ୍ନୀ ଫୁଲବେଣୀ ସାହା ଦମ୍ପତି କର୍ତ୍ତା ଭାବେ ଓ ପୁରୋହିତ ଭାବେ ସରୋଜ କୁମାର ପାଣିଗ୍ରାହୀ ଦାୟିତ୍ବ ବହନ କରିଥିଲେ । ନୃସିଂହନାଥ ମନ୍ଦିରରୁ ଆଜ୍ଞାମାଲ ଅଣାଯିବା ପରେ ପୂଜାରମ୍ଭ ହୋଇଥିଲା । ଏହି ଅବସରରେ ଧନୁଯାତ୍ରା ଉପଲକ୍ଷେ ଅନୁଷ୍ଠିତ କଳାକାର ବରଣ କାର୍ଯ୍ୟକ୍ରମରେ କଂସ ଭାବେ ଅଭିନେତା ଶ୍ରୀଯୁକ୍ତ ରବୀନ୍ଦ୍ର କୁମାର ସାହୁ ଓ କେସି ରୂପେ ଦୟାନିଧି ମାଝୀକୁ ବରଣ କରାଯାଇଥିଲା ଓ ପ୍ରତ୍ୟୁତ୍ତରରେ ଏହା ଆମର ସୌଭାଗ୍ୟ ବୋଲି ସେମାନେ ମତ ବ୍ୟକ୍ତ କରିଥିଲେ ।


ସମିତି ସଭାପତି ଭୋଜରାଜ ସିଂ ବରିହା, ଉପ-ସଭାପତି ହରିଚରଣ ସାହୁ, ସମ୍ପାଦକ ଦୁଷ୍ମନ୍ତ କୁମାର କାଲୁ, କୋଷାଧ୍ୟକ୍ଷ ଭୋଜରାଜ ବିଶି ନୀଳାମ୍ବର ତାଣ୍ଡିଙ୍କ ସମେତ ମଥୁରା ନଗରୀ କମିଟି, ଗୋପ ପୁର କମିଟି, ଉପଦେଷ୍ଟା କମିଟି, ଶାନ୍ତି କମିଟି,
ପରିଚାଳନା କମିଟି ଓ ପ୍ରତ୍ୟେକ ଓ୍ବାର୍ଡ ମେମ୍ବର ସାମିିଲ ଥିଲେ । ଶେଷରେ ସମସ୍ତଙ୍କ ପାଇଁ କରାଯାଇଥିବା ଅନ୍ନଭୋଗ ସମସ୍ତେ ସେବନ କରିଥିଲେ ।
