ଓଡ଼ିଆ ଭାଷା ଶିକ୍ଷକ ନିଯୁକ୍ତି ଓଡ଼ିଆ ଭାଷା ପାଇଁ ଏକ ଐତିହାସିକ ପଦକ୍ଷେପ
ଭୁବନେଶ୍ୱର, ପ୍ରବାହ ନ୍ୟୁଜ୍ :- ଭାରତବର୍ଷର ପ୍ରଥମ ଭାଷା ଭିତ୍ତିକ ରାଜ୍ୟରେ ମାତୃଭାଷାରେ ବିଦ୍ୟାଳୟ ଗୁଡିକରେ ପାଠ ପଢେଇବାପାଇଁ ଓଡ଼ିଆ ଭାଷା ଶିକ୍ଷକ କେବେହେଲେ ନିଯୁକ୍ତି ପାଇନଥିଲେ , ଯେତେବେଳେକି ଓଡ଼ିଶାର ସମସ୍ତ ବିଦ୍ୟାଳୟ ଗୁଡିକରେ ସଂସ୍କୃତ,ହିନ୍ଦୀ,ତେଲଗୁ,ଇଂରାଜୀ ଓ ଉର୍ଦ୍ଦୁ ଶିକ୍ଷକ ନିଯୁକ୍ତି ପାଉଥିଲେ | ଓଡ଼ିଆ ଭାଷା ଶିକ୍ଷକ ନିଯୁକ୍ତି ସମ୍ଭବ ନଥିଲା | ଗତ ସରକାରର ଶେଷ ସମୟରେ ଆଲୋଚନା ଆରମ୍ଭ କରିଥିଲେ ସୁଦ୍ଧା ତାହା କାର୍ଯ୍ୟକାରୀ କରିପାରିନଥିଲେ | ନିର୍ବାଚନ ସମୟରେ ବିଜେପି ଓଡ଼ିଆ ଅସ୍ମିତାର ସୁରକ୍ଷା ପାଇଁ ପ୍ରତିଶୃତିବଦ୍ଧ ବୋଲି ଘୋଷଣା କରିଥିଲେ | ପ୍ରଶାସନିକ ଅଜ୍ଞତା ହେତୁ ଗତ 09/08/2024 ଷ୍ଟାଫ ସିଲେକସନ କମିଶନଙ୍କ ଦ୍ୱାରା 6025 ଶିକ୍ଷକ ନିଯୁକ୍ତି ବିଜ୍ଞପ୍ତିରେ ଓଡ଼ିଆ ଭାଷା ଶିକ୍ଷକ ନିଯୁକ୍ତି ପ୍ରସଙ୍ଗ ଉଲ୍ଲେଖ ନଥିଲା | ତୁରନ୍ତ ଏହାର ସମାଧାନ ପାଇଁ ବିଜେପିର ବରିଷ୍ଠ ପ୍ରବକ୍ତା ପ୍ରଫେସର ପୂର୍ଣଚନ୍ଦ୍ର ମଲ୍ଲିକଙ୍କ ନେତୃତ୍ୱରେ ଡ଼. ଇନ୍ଦ୍ରମଣି ସାହୁ , ଭାଷା ଆନ୍ଦୋଳନର ଆବାହକ ,ପବିତ୍ର ମହାରଥା, ଓଡ଼ିଆ ସମ୍ମାନ ଛାତ୍ର ସଂସଦର ଡ଼.ଗୀତାଞ୍ଜଳୀ ସାହୁ, ଡ଼.ସୁମନ୍ତ କୁମାର ଭୋଇ, ସୌଭାଗ୍ୟମୟୀ ସେଠୀ ପ୍ରମୁଖ ମାନ୍ୟବର ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ସହ ଆଲୋଚନା କରିବାରୁ ସେ ତୁରନ୍ତ ବିଭାଗୀୟ ଅଧିକାରୀଙ୍କ ସହ ଆଲୋଚନା କରି ପ୍ରତିଶୃତି ଦେଇ ଥିଲେ କି ଆମେ ଏହାର ତୁରନ୍ତ ସମାଧାନ କରିବୁ ଏବଂ ଓଡ଼ିଶାରେ ଓଡ଼ିଆ ଭାଷାରେ ଓଡ଼ିଆ ଶିକ୍ଷକ ନିଯୁକ୍ତି କରିବୁ | ଫଳସ୍ୱରୂପ ସ୍ୱାଧୀନତାର 78 ବର୍ଷ ପରେ ପ୍ରଥମ ଥର ପାଇଁ ଉଚ୍ଚ ମାଧ୍ୟମିକ ସ୍କୁଲ ଗୁଡିକରେ ଓଡ଼ିଆ ଶିକ୍ଷକ ନିଯୁକ୍ତି କରିବା ପାଇଁ ବିଜ୍ଞପ୍ତି ସଂଖ୍ୟା – 29642 ତା /28/11/2024ରିଖରେ ପ୍ରକାଶ କରିଛନ୍ତି | ଯାହାକି ଓଡ଼ିଶା ପାଇଁ ଗୋଟିଏ ଐତିହାସିକ ଘଟଣା ନିଶ୍ଚୟ, ଏଥିପାଇଁ ମାନ୍ୟବର ମନ୍ତ୍ରୀ ଶ୍ରୀ ନିତ୍ୟାନନ୍ଦ ଗଣ୍ଡଙ୍କୁ ଯେତେ ପ୍ରସଂଶା କଲେ ତାହା କମ ହେବ | ଆଜି ସମ୍ମାନ ଛାତ୍ରସଂସଦର କର୍ମକର୍ତ୍ତା ସଭାପତି ଡ଼.ଗୀତାଞ୍ଜଳୀ ସାହୁ , ସମ୍ପାଦକ ଡ଼.ସୁମନ୍ତ କୁମାର ଭୋଇ, କୋଷାଧକ୍ଷ କମଳ ଲୋଚନ ଦାସ,ଡ଼. ତରୁଣ ସା, ସୌଭାଗ୍ୟମୟୀ ସେଠୀ,ସୂର୍ଯ୍ୟକାନ୍ତ ସାହୁ ,ସଞ୍ଜୟ ସାହୁ , ବିଷ୍ନୁପ୍ରିୟା ପତି ,ଦମୟନ୍ତୀ କିଷାନ ,ସସ୍ମିତା ଦାସ ,ସୂର୍ଯ୍ୟନାରାୟଣ ସାହୁ,ସତ୍ୟଜିତ ରାଉତ ,ସୁନାଥ କହ୍ନର, ଗୌତମ ଲେଙ୍କା,ଶୁଭମ ଦାସଙ୍କ ସମେତ ଭାଷା ଆନ୍ଦୋଳନ ଓଡ଼ିଶାର,ଆବାହକ ପବିତ୍ର ମହାରଥା, ସାରଦା ପ୍ରସାଦ ମହାପାତ୍ର, ଡମ୍ବୁରଧର ହରଣସିଂହ ଏବଂ ଉତ୍କଳ ସାମ୍ବାଦିକ ସଂଘର ସଭାପତି ବିଭୁତି ଭୂଷଣ କର ପ୍ରମୁଖ ମାନ୍ୟବର ମନ୍ତ୍ରୀଙ୍କୁ ଭେଟି ଧନ୍ୟବାଦ ଅର୍ପଣ କରିବା ସହ ଶିକ୍ଷକ ନିଯୁକ୍ତି ପ୍ରକ୍ରିୟା ସମ୍ପର୍କରେ ଆଲୋଚନା କରିଥିଲେ | ଆଜି ମାନ୍ୟବର ମନ୍ତ୍ରୀଙ୍କୁ ଭେଟିବା ପରେ ଗୋଟିଏ ସାମ୍ବାଦିକ ସମ୍ମିଳନୀରେ ଓଡ଼ିଆ ଭାଷା ଶିକ୍ଷକ ନିଯୁକ୍ତି ସମ୍ପର୍କର ଦୀର୍ଘ ଦିନର ଯାତ୍ରା ସମ୍ପର୍କରେ ସାମ୍ବାଦିକଙ୍କ ମାନଙ୍କ ପାଖରେ ଆଲୋଚନା କରିଥିଲେ ଯାହାକି ଭାଷା ଆନ୍ଦୋଳନ , ଓଡ଼ିଶାର ଦୀର୍ଘ ଦିନର ଆନ୍ଦୋଳନ ମଧ୍ୟ ବେଶ ପ୍ରଭାବ ପକାଇଥିଲା ବୋଲି ଛାତ୍ର ଛନ୍ତି ମାନେ ପ୍ରକାଶ କରିଥିଲେ | ସାମ୍ବାଦିକ ସମ୍ମିଳନୀରେ ଭାଷା ଆନ୍ଦୋଳନ , ଓଡିଶା , ଉତ୍କଳ ସାମ୍ବାଦିକ ସଂଘର ସଭାପତି ମଧ୍ୟ ଉପସ୍ଥିତ ଥିଲେ | ସମସ୍ତ ପ୍ରକାଶଥାଉ କି 2014 ମସିହାରୁ ସୁଦୂର ଶାନ୍ତିନିକେତନରୁ ସାଇକଲ ଶୋଭାଯାତ୍ରା , ସମ୍ବଲପୁରରୁ ଭୁବନେଶ୍ୱର ପର୍ଯ୍ୟନ୍ତ ପଦଯାତ୍ରା ଏବଂ ଭିଭିନ୍ନ ପ୍ରକାର ପ୍ରତିବାଦ ଆଲୋଚନା କରିଥିବାବେଳେ ଭାଷା ଆନ୍ଦୋଳନ, ଓଡିଶା ଭାଷା ପାଇଁ ଗଣ ଓ ଗଣମାଧ୍ୟମର ଭୂମିକା ଉପରେ ଓଡ଼ିଆ ଭାଷା ଶିକ୍ଷକ ନିଯୁକ୍ତି ସମ୍ପର୍କରେ ସରକାରଙ୍କ ସହ ପ୍ରତିବାଦ ଓ ଆଲୋଚନା ଚାଲୁ ରଖିଥିଲେ | ମୋହନ ସରକାରଙ୍କର ଓଡ଼ିଆ ଅସ୍ମିତା ମାନସିକତା ଯୋଗୁ ଭାଷା ଭିତ୍ତିକ ରାଜ୍ୟ ଓଡି଼ଶାରେ ଓଡ଼ିଆ ଭାଷା ଶିକ୍ଷକ ନିଯୁକ୍ତି ସମ୍ଭବ ହୋଇପାରିଛି | ଓଡିଶା ପାଇଁ ତଥା ଓଡ଼ିଆ ଜାତି ପାଇଁ ମହାନ ପର୍ବ ସହିତ ଗର୍ବ ଓ ଗୌରବର ବାର୍ତା ନିଶ୍ଚୟ ଏହିପାଇଁ ବିଜେପି ପରିଚାଳିତ ମୋହନ ସରକାରକ ଏବଂ ମାନ୍ୟବର ମନ୍ତ୍ରୀ ଏବଂ ସଚିବ ଶାଳିନୀ ପଣ୍ଡିତଙ୍କୁ ଭାଷା ଆନ୍ଦୋଳନ,ଓଡିଶା , ଓଡ଼ିଆ ସମ୍ମାନ ଛାତ୍ର ସଂସଦ ଏବଂ ଉତ୍କଳ ସାମ୍ବାଦିକ ସଂଘ ତରଫରୁ ଅଶେଷ ଅଶେଷ କୃତଜ୍ଞତା ଜ୍ଞାପନ କରିବା ସହିତ ଧନ୍ୟବାଦ ଅର୍ପଣ କରୁଛୁ |
