ରାଜ୍ୟ ସ୍କାଉଟ୍ ଓ ଗାଇଡ଼୍ ତରଫରୁ ମହାଶିବିରାତ୍ରୀ ସେବା ଶିବିର
ଭୁବନେଶ୍ୱର(ପ୍ରବାହ ନ୍ୟୁଜ୍) :ତା୮.୩.୨୦୨୪ରିଖ ଦିନ ମହାଶିବରାତ୍ରୀ ଅବସରରେ ଶ୍ରୀମହାଦେବଙ୍କର ଦର୍ଶନାଭିଳାଷୀ ଶ୍ରଦ୍ଧାଳୁ ଭକ୍ତମାନଙ୍କର ସମାବେଶ ଶ୍ରୀଲିଙ୍ଗରାଜ ମନ୍ଦିର ଶୈବପୀଠରେ ସମବେତ ହୋଇଥିଲା । ଏହି ଅବସରରେ ରାଜ୍ୟ ମୁଖ୍ୟ କମିଶନର ତଥା ଜାତୀୟ ଉପସଭାପତି ଡଃ. କାଳି ପ୍ରସାଦ ମିଶ୍ରଙ୍କ ନିର୍ଦ୍ଦେଶ କ୍ରମେ ଓଡ଼ିଶା ରାଜ୍ୟ ଭାରତ ସ୍କାଉଟସ୍ ଓ ଗାଇଡ଼ସ୍ ତରଫରୁ ସେବା ଶବିର ଆୟୋଜନ କରାଯାଇଥିଲା । ୧୮୦ ଜଣ ସ୍କାଉଟ୍, ଗାଇଡ଼୍, ରୋଭର ଓ ରେଂଜରମାନେ ଲିଙ୍ଗରାଜ ମନ୍ଦିର, ରାମମନ୍ଦିର, ୟୁନିଟ୍-୯ ଇତ୍ୟାଦି ଭୁବନେଶ୍ୱରର ବିଭିନ୍ନ ଶୈବପୀଠରେ ବିଭିନ୍ନ ସେବା କାର୍ଯ୍ୟ କରିଥିଲେ । ମନ୍ଦିର ପରିପାଶ୍ୱର୍ ସଫାସୁତୁରା କରିବା ସଂଗେ ସଂଗେ ଜଳବଣ୍ଟନ, ଜଳସିଞ୍ଚନ କରିଥିଲେ । ଧାଡ଼ିରେ ରହିବା ପାଇଁ ଶୃଙ୍ଖଳା ରକ୍ଷା କରିଥିଲେ । ରାଜ୍ୟ କାର୍ଯ୍ୟାଳୟର ରାଜ୍ୟ ସଂପାଦକ ଶ୍ରୀ ଶରତ ଚନ୍ଦ୍ର ପାଇକରାୟଙ୍କ ତତ୍ତ୍ୱାବଧାନରେ ଯୁଗ୍ମ ରାଜ୍ୟ ସଂପାଦକ ଶ୍ରୀ ମିହିର ରଂଜନ ପଟ୍ଟନାୟକଙ୍କ ଦ୍ୱାରା ପରିଚାଳିତ ହୋଇଥିଲା । ଏହି ସେବା ଶିବିରରେ ରାଜ୍ୟ ମୁଖ୍ୟାଳୟର ସମସ୍ତ କର୍ମକର୍ତ୍ତାମାନେ ସହଯୋଗ କରିଥିଲେ ।
