ଏସ ସି ଡି ଚକ୍ଷୁ ହସ୍ପିଟାଲ୍ ଟିଟିଲାଗଡ ତରଫରୁ ନିୟମିତ ଚକ୍ଷୁ ପରୀକ୍ଷା କେନ୍ଦ୍ର ଭିଜନ ସେଣ୍ଟର ଉଦଘାଟନ

କଣ୍ଟାବାଞ୍ଜି, : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ୍ କଣ୍ଟାବାଞ୍ଜି ରେ ଏସ ସି ଡି ଚକ୍ଷୁ ହସ୍ପିଟାଲ୍ ଟିଟିଲାଗଡ ଦ୍ଵାରା ସ୍ଥାନୀୟ କଣ୍ଟାବାଞ୍ଜି ସ୍ଥିତ ସୀତା ଭବନ ଠାରେ ଚକ୍ଷୁ ପରୀକ୍ଷ ଓ ତାର ଚିକିତ୍ସା ପାଇଁ ଭିଜନ ସେଣ୍ଟର ଉଦଘାଟନ ହେଇଯାଉଛି । ଏଥିରେ ମୂଖ୍ୟ ଅତିଥି ଭାବରେ କଣ୍ଟାବାଞ୍ଜି ନଗରପାଲ ଶ୍ରୀ ବରିୟମ୍ ସିଂ ସାଲୁଜା ଯୋଗ ଦେଇ ଶୁଭ ଉଦଘାଟନ କରି ଥିଲେ l ଏଥିରେ ଡାକ୍ତର, ନର୍ସ ଚକ୍ଷୁ ବିଶେଷଜ୍ଞ ଙ୍କ ଦ୍ଵାରା ଉତ୍ତମ ଚକ୍ଷୁ ଚିକିତ୍ସା ର ବନ୍ଦୋବସ୍ତ ରହିଅଛି । ଏହି ଭିଜନ ସେଣ୍ଟର ଆରମ୍ଭ ହେବ ଦ୍ୱାରା କଣ୍ଟାବାଞ୍ଜି ଅଞ୍ଚଳର ରୋଗୀ ମାନଙ୍କୁ ଚିକିତ୍ସା ପାଇଁ ଆଉ ଟିଟିଲାଗଡ ଯିବାକୁ ପଡିବ ନାହିଁ । ସେମାନେ କଣ୍ଟାବାଞ୍ଜି ରେ ହିଁ ସେବା ପାଇ ପାରିବେ l ଉଦଘାଟନ ଉତ୍ସବରେ ସମ୍ପାଦକ ଅଞ୍ଜଳି ବେହେରା, ସମ୍ପାଦକ ନକୁଳ ବାଗ , କୋଷାଧ୍ୟକ୍ଷ ତାପସ୍ ମହାପାତ୍ର, ପ୍ରୋଜେକ୍ଟ ନିର୍ଦ୍ଦେଶକ ମୋହିତ ମୋହନ ଦାସ, ପ୍ରୋଜେକ୍ଟ କୋଡ଼ିନେଟର ଅମିତାଭ ବେହେରା, ଡକ୍ଟର ହରିଶ୍ଚନ୍ଦ୍ର ପାତ୍ର ଡାକ୍ତର କେ ମାଧୁରୀ ପ୍ରମୁଖ ଉପସ୍ଥିତ ଥିଲେ l ଏଥିରେ କଣ୍ଟାବାଞ୍ଜିର ଆଶିଷ ଖୈତାନ ଓ ଆନ୍ଦନ୍ ମୋଟେ ଆଉ ବିଶେଷ ସହଯୋଗ କରିଥିଲେ l