ଏସ୍ବିଆଇ ଲାଇଫ୍ ଇନ୍ସ୍ୟୁରାନ୍ସର ୨୦୨୨ ଜୁନ୍ ୩୦ ତ୍ରୈମାସିକରେ ୫,୫୯୧ କୋଟି ଟଙ୍କାର ନୂଆ ବ୍ୟବସାୟ ପ୍ରିମିୟମ୍ ହାସଲ
ଭୁବନେଶ୍ୱର: ଦେଶର ଅଗ୍ରଣୀ ଜୀବନ ବୀମା କଂପାନି ଏସବିଆଇ ଲାଇଫ୍ ଇନ୍ସ୍ୟୁରାନ୍ସ ୨୦୨୨ ଜୁନ୍ ୩୦ ତ୍ରୈମାସିକରେ ୫,୫୯୧ କୋଟି ଟଙ୍କାର ନୂଆ ବ୍ୟବସାୟ ପ୍ରିମିୟମ୍ ହାସଲ କରିଛି ଯାହା ୨୦୨୧ ଜୁନ୍ ୩୦ ସୁଦ୍ଧା ଶେଷ ତ୍ରୈମାସିକରେ ୩,୩୪୫ କୋଟି ଟଙ୍କା ଥିଲା । ୨୦୨୧ ଜୁନ୍ ୩୦ ତ୍ରୈମାସିକ ତୁଳନାରେ ନିୟମିତ ପ୍ରିମିୟମ୍ ୮୩% ବୃଦ୍ଧି ପାଇଛି ।
ସୁରକ୍ଷା ଉପରେ ଗୁରୁତ୍ୱ ବଜାୟ ରଖି ଏସବିଆଇ ଲାଇଫ୍ର ପ୍ରୋଟେକ୍ସନ ନୂଆ ବ୍ୟବସାୟ ପ୍ରିମିୟମ୍ ୨୦୨୨ ଜୁନ୍ ୩୦ ତ୍ରୈମାସିକରେ ୬୯୫ କୋଟି ଟଙ୍କା ହୋଇଛି ଓ ଏଥିରେ ୬୩%ର ବୃଦ୍ଧି ଘଟିଛି । ପ୍ରୋଟେକ୍ସନ ବ୍ୟକ୍ତିଗତ ନୂଆ ବ୍ୟବସାୟ ପ୍ରିମିୟମ୍ ଏହି ସମୟରେ ୫୫% ବୃଦ୍ଧି ପାଇ ୨୦୩ କୋଟି ଟଙ୍କା ହୋଇଛି । ୨୦୨୧ ଜୁନ୍ ୩୦ ତ୍ରୈମାସିକ ତୁଳନାରେ ବ୍ୟକ୍ତିଗତ ନୂଆ ବ୍ୟବସାୟ ପ୍ରିମିୟମ୍ ୮୭% ବୃଦ୍ଧି ପାଇ ୩,୪୩୦ କୋଟି ଟଙ୍କା ହୋଇଛି ।
ଏସବିଆଇ ଲାଇଫ୍ର ଟିକସ ପରବର୍ତୀ ଲାଭ ୨୦୨୨ ଜୁନ୍ ୩୦ ତ୍ରୈମାସିକ ସୁଦ୍ଧା ୨୬୩ କୋଟି ଟଙ୍କା ହୋଇଛି ।
କଂପାନିର ସଲ୍ଭେନ୍ସି ରେସିଓ ଏହି ସମୟରେ ୨.୨୧ ରହିଛି ଯାହା ନିୟାମକ ଆବଶ୍ୟକତା ୧.୫୦ ଠାରୁ ଯଥେଷ୍ଟ ଅଧିକ ।
ଏସବିଆଇ ଲାଇଫ୍ର ପରିଚାଳନା ଅଧୀନ ସଂପତି (ଏୟୁଏମ୍)ରେ ବୃଦ୍ଧି ଜାରି ରହିବା ସହ ୨୦୨୨ ଜୁନ୍ ୩୦ ସୁଦ୍ଧା ଶେଷ ତ୍ରୈମାସିକରେ ତାହା ୧୩% ବୃଦ୍ଧି ପାଇ ୨,୬୨,୩୪୯ କୋଟି ଟଙ୍କା ହୋଇଛି ଓ ଡେବ୍ଟ ଓ ଇକ୍ୱିଟି ଅନୁପାତ ୭୩:୨୭ ରହିଛି । ୯୭%ରୁ ଅଧିକ ଡେବ୍ଟ ନିବେଶ ଏଏଏ ଓ ସୋଭରେନ୍ ଉପକରଣରେ ହୋଇଛି ।
କଂପାନିର ୨,୨୨,୯୫୭ ତାଲିମପ୍ରାପ୍ତ ବୀମା ପେସାଦାରମାନଙ୍କ ଏକ ବିବିଧ ନେଟ୍ୱର୍କ ରହିଛି ଏବଂ ସାରା ଦେଶରେ ୯୭୦ କାର୍ଯ୍ୟାଳୟ ଜରିଆରେ ଏହାର ଉପସ୍ଥିତି ରହିଥିବା ବେଳେ ବ୍ୟାଙ୍କାସ୍ୟୁରାନ୍ସ ଚ୍ୟାନେଲ୍, ଏଜେନ୍ସି ଚ୍ୟାନେଲ୍, କର୍ପୋରେଟ୍ ଏଜେଂଟ୍, ବ୍ରୋକର, ପଏଂଟ୍ ଅଫ ସେଲ୍, ବୀମା ମାର୍କେଟିଂ ସଂସ୍ଥା, ୱେବ ଏଗ୍ରିଗ୍ରେଟର ଓ ପ୍ରତ୍ୟକ୍ଷ ବ୍ୟବସାୟର ବଳିଷ୍ଠ ମିଶ୍ରଣ ମଧ୍ୟ ରହିଛି ।
