ଭାରତୀୟ ଷ୍ଟେଟ ବ୍ୟାଙ୍କରେ ବିଶ୍ଵ ପରିବେଶ ଦିବସ ପାଳିତ
ବିଶ୍ଵ ପରିବେଶ ଦିବସ ଉପଲକ୍ଷେ ଭାରତୀୟ ଷ୍ଟେଟ ବ୍ୟାଙ୍କ ଭୁବନେଶ୍ବର ମଣ୍ଡଳ ଦ୍ଵାରା ବିଭିନ୍ନ କାର୍ୟ୍ୟକ୍ରମର ଆୟୋଜନ କରାଯାଇଅଛି । ଶ୍ରୀ ଦିନେଶ ପରୁଥି , ମୁଖ୍ୟ ମହାପ୍ରବନ୍ଧକଙ୍କ ନେତୃତ୍ବରେ ଆଜି ଜୁନ ୫ ତାରିଖ ସକାଳ ୬ ଟା ରେ ସ୍ଥାନୀୟ ପ୍ରଧାନ କାର୍ୟ୍ୟାଳୟ ଠାରେ ପରିବେଶ ସୁରକ୍ଷା ସଚେତନତା ନିମିତ୍ତ ଏକ ପଦଯାତ୍ରା ଆୟୋଜନ କରାଯାଇଥିଲା । ଏହି ପଦଯାତ୍ରାରେ ୨୦୦ ରୁ ଅଧିକ କର୍ମଚାରୀ ଓ ଅଧିକାରୀ ଅଂଶଗ୍ରହଣ କରିଥିଲେ । ବିଶ୍ଵ ପରିବେଶ ଦିବସ ୨୦୨୪ର ଶୀର୍ଷକ ‘ଜମିର ପୁନରୁଦ୍ଧାର, ମରୁଭୂମି ଏବଂ ମରୁଡ଼ିର ମୁକାବିଲା’ ବିଷୟରେ ବାର୍ତ୍ତା ଦେବା ନିମନ୍ତେ ଏକ ଆକର୍ଷଣୀୟ ବାଲୁକା କଳା ଉନ୍ମୋଚନ କରାଯାଇଥିଲା ଜ୍ଝ ଶିଶୁମାନଙ୍କ ମଧ୍ୟରେ ପରିବେଶ ସୁରକ୍ଷା ବିଷୟକୁ ଆଧାର କରି ଏକ ଚିତ୍ରାଙ୍କନ ପ୍ରତିଯୋଗୀତା ଆୟୋଜନ କରାଯାଇଥିଲା । ଏହା ବ୍ୟତୀତ , ଏକ ଔଷଧୀୟ ଉଦ୍ୟାନ ଓ ବ୍ୟବହୃତ ପ୍ଲାଷ୍ଟିକ ବୋତଲ ପ୍ରକ୍ରିୟାକରଣ ମେସିନର ସ୍ଥାପନ କରାଯାଇଥିଲା ।
ଏହି ଉପଲକ୍ଷେ ଶ୍ରୀ ପରୁଥି ସମବେତ ଷ୍ଟାଫ ସଦସ୍ୟ ଓ ଅନ୍ୟାନ୍ୟ ଉଚ୍ଚ ପଦାଧିକାରୀ ମାନଙ୍କୁ ପରିବେଶ ସୁରକ୍ଷା ନିମିତ୍ତ ଭାରତ ସରକାରଙ୍କ ଦ୍ଵାରା ସ୍ଥିରିକୃତ ବିଭିନ୍ନ ବିକଳ୍ପ ଉପାୟ ଯଥା ସୌର ଶକ୍ତି , ପ୍ଲାଷ୍ଟିକ ବର୍ଜନ ଇତ୍ୟାଦି ଅବଲମ୍ବନ କରିବା ନିମନ୍ତେ ପରାମର୍ଶ ଦେଇଥିଲେ ।
