ବିକାଶରେ ସାଧାରଣତନ୍ତ୍ର ଦିବସ ଓ ସରସ୍ୱତୀ ପୂଜା
ତା.୨୬.୦୧, ଶାସନ, ସମ୍ବଲପୁର : ଶାସନସ୍ଥିତ ବିକାଶ କ୍ୟାମ୍ପସରେ ୭୪ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ଏହି ଅବସରରେ ବିକାଶ ଗ୍ରୁପ୍ର ମେନେଜିଂ ଡାଇରେକ୍ଟର ଶ୍ରୀଯୁକ୍ତ ଜି. ଭାସ୍କର ରାଓ ମୁଖ୍ୟଅତିଥି ଭାବରେ ଯୋଗଦେଇ ସମସ୍ତ ଛାତ୍ରଛାତ୍ରୀ ତଥା ଶିକ୍ଷକ-ଶିକ୍ଷୟିତ୍ରୀଙ୍କ ଗହଣରେ ପତାକା ଉତ୍ତୋଳନ କରି ବ୍ରିଟିଶ ସାମ୍ବିଧାନିକ ବ୍ୟବସ୍ଥାର ଅପସାରଣ ହୋଇ ଭାରତ ଏକ ସାର୍ବଭୌମ ଗଣତାନ୍ତ୍ରିକ ରାଷ୍ଟ୍ରରେ ପରିଣତ ହେବା ସହ ଏକ ଲିଖିତ ସମ୍ବିଧାନ କାର୍ଯ୍ୟକାରୀ ହୋଇଥିବା ବିଷୟରେ ନିଜ ମତ ରଖିଥିଲେ । ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ସଂଜୀବ କୁମାର ବାବୁ ସମସ୍ତ ଛାତ୍ରଛାତ୍ରୀଙ୍କୁ ଜାତୀୟ ପ୍ରେମରେ ଉଦ୍ବୁଦ୍ଧ ହେବା ପାଇଁ କହିଥିଲେ । ବିକାଶ ଦ କନ୍ସେପ୍ଟ ସ୍କୁଲ ଅଧ୍ୟକ୍ଷ ଶ୍ରୀଯୁକ୍ତ ମନୋରଂଜନ ପତି ସ୍ୱାଗତ ଭାଷଣ ଦେବା ପ୍ରସଙ୍ଗରେ ଭାରତ ଏକ ମହାନ ଦେଶ ଏବଂ ତାର ସୁରକ୍ଷା ଆମର ଦାୟିତ୍ୱ ବୋଲି କହିଥିଲେ ।
ଚାରୋଟି ହାଉସ୍ର ଶିକ୍ଷକ-ଶିକ୍ଷୟିତ୍ରୀ ତଥା କ୍ରୀଡ଼ା ଶିକ୍ଷକ ବିନ୍ମୋଲ ଚୌଧରୀ, ରାଜେନ୍ଦ୍ର ବେହେରା, ସନ୍ତୋଷ କୁମାର ଶାହା, ବଦ୍ରି ନାରାୟଣ ପୁରୋହିତଙ୍କ ତତ୍ୱାବଧାନରେ ବିଦ୍ୟାଳୟର ଚାରୋଟି ହାଉସ୍ ‘ଅଗ୍ନି’, ‘ପୃଥ୍ୱୀ’, ‘ନିର୍ଭୟା’, ସୌର୍ଯ୍ୟା’ ଏବଂ ସିବିଏସ୍ଇ, ସିଏଚ୍ଏସ୍ଇ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀମାନେ ଭବ୍ୟ ପ୍ୟାରେଡ୍ରେ ଯୋଗ ଦେଇଥିଲେ । ସଂଗୀତ ଶିକ୍ଷକ ଲବ ଭୂୟାଁ, ନବ କୁମାର ଦାଶ ଏବଂ ନୃତ୍ୟ ଶିକ୍ଷକ ପିତାମ୍ବର କୁମ୍ଭାର, ନରେନ୍ଦ୍ର ଚାନ୍ଦଙ୍କ ତତ୍ୱାବଧାନରେ ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବିଭିନ୍ନ ପ୍ରତିଯୋଗିତାରେ ଭାଗନେଇ ସଫଳତା ପାଇଥିବା ଛାତ୍ରଛାତ୍ରୀଙ୍କୁ ମୁଖ୍ୟଅତିଥିଙ୍କ ଦ୍ୱାରା ମେଡାଲ୍ ଓ ପ୍ରମାଣପତ୍ର ଦିଆଯାଇଥିଲା । ଚାରୋଟି ହାଉସ୍ ମଧ୍ୟରୁ ସୌର୍ଯ୍ୟ ହାଉସ୍, ସିଏଚ୍ଏସ୍ଇ ଦ୍ୱାଦଶ ଟ୍ରୁପ୍ ପ୍ୟାରେଡ୍ରେ ପ୍ରଥମ ହୋଇଥିବା ବେଳେ ନିର୍ଭୟା ହାଉସ୍ ନୃତ୍ୟ ପ୍ରଦର୍ଶନୀରେ ପ୍ରଥମ ହୋଇଥିଲା । ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହିଥିବା ବେଳେ ଏକାଡେମିକ୍ ଅଫିସର ଶ୍ରୀମତୀ ପୁ୍ଷ୍ପିତା ପଣ୍ଡା ଧନ୍ୟବାଦ ଅର୍ପଣ କରିଥିଲେ । ସାଧାରଣତନ୍ତ୍ର ଦିବସ ପାଳନ ପରେ ସମସ୍ତ ଛାତ୍ରଛାତ୍ରୀ, ଶିକ୍ଷକ-ଶିକ୍ଷୟିତ୍ରୀଙ୍କ ଉପସ୍ଥିତିରେ ସରସ୍ୱତୀ ପୂଜା ପାଳିତ ହୋଇଥିଲା ।
