ରାଜଭାଷାର ପ୍ରଚାର ଏବଂ ପ୍ରସାର ପାଇଁ ନାଲକୋ ଦ୍ୱାରା ଭୁବନେଶ୍ୱରରେ ଅବସ୍ଥିତ କେନ୍ଦ୍ରୀୟ ଲୋକଉଦ୍ୟମ କାର୍ଯ୍ୟାଳୟଗୁଡ଼ିକ ମଧ୍ୟରେ ପ୍ରଶ୍ନୋତ୍ତରୀ ପ୍ରତିଯୋଗିତା ଆୟୋଜିତ

ଭୁବନେଶ୍ୱର, 23.06.2022: ଭାରତ ସରକାରଙ୍କ ଗୃହ ମନ୍ତ୍ରଣାଳୟ ଅଧୀନସ୍ଥ ରାଜଭାଷା ବିଭାଗର ନିର୍ଦ୍ଦେଶାନୁସାରେ ଗଠିତ ନଗର ରାଜଭାଷା କାର୍ୟ୍ୟାନ୍ୱୟନ ସମିତି (ଉପକ୍ରମ), ଭୁବନେଶ୍ୱର ଦ୍ୱାରା କେନ୍ଦ୍ରୀୟ ନବରତ୍ନ ଉଦ୍ୟୋଗ ନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍ (ନାଲକୋ) ର ଅଧ୍ୟକ୍ଷତାରେ ଏବଂ ଆଜାଦୀ କା ଅମୃତ ମହୋତ୍ସବ ଅନ୍ତର୍ଗତ ଏକ କାର୍ଯ୍ୟକ୍ରମ ହିସାବରେ, ଭୁବନେଶ୍ୱରଠାରେ, ରାଜଭାଷା ହିନ୍ଦୀ ପ୍ରଚାର ଏବଂ ପ୍ରସାର ପାଇଁ ଏକ ପ୍ରଶ୍ନୋତ୍ତରୀ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ନଗର ରାଜଭାଷା କାର୍ୟ୍ୟାନ୍ୱୟନ ସମିତି (ଉପକ୍ରମ)ର ଅଧ୍ୟକ୍ଷ କାର୍ଯ୍ୟଳୟ ହିସାବରେ ନାଲକୋ ସର୍ବଦା ପ୍ରେରଣା ଏବଂ ପ୍ରୋତ୍ସାହନ ମାଧ୍ୟମରେ ରାଜଭାଷାର କାର୍ଯ୍ୟକାରିତା ପାଇଁ ଅଭିନବ ପଦକ୍ଷେପ ଗ୍ରହଣ କରି ଆସିଛି।

ନାଲକୋ, ବିଭିନ୍ନ ପଦକ୍ଷେପ ମାଧ୍ୟମରେ, ଭୁବନେଶ୍ୱରରେ ଅବସ୍ଥିତ କେନ୍ଦ୍ରୀୟ ଲୋକ ଉଦ୍ୟମର ସଦସ୍ୟ କାର୍ଯ୍ୟାଳୟକୁ ଦୈନନ୍ଦିନ  କାର୍ଯ୍ୟରେ ହିନ୍ଦୀର ବ୍ୟବହାର ବୃଦ୍ଧି କରିବାକୁ ଉତ୍ସାହିତ କରିଆସିଛି | ଏହି କ୍ରମରେ ଏକ ପ୍ରଶ୍ନୋତ୍ତରୀ ପ୍ରତିଯୋଗତାର ଆୟୋଜନ କରାୟାଇଥିଲା, ଯେଉଁଥିରେ ଇଣ୍ଡିଆନ୍ ଅଏଲ୍, ଭାରତ ପେଟ୍ରୋଲିୟମ, ଫୁଡ୍ କର୍ପୋରେସନ୍ ଅଫ୍ ଇଣ୍ଡିଆ, ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ, ନାଲକୋ, ଭାରତ ସଞ୍ଚାର ନିଗମ, ଭାରତ ପର୍ଯ୍ୟଟନ ବିକାଶ ନିଗମ ସହିତ 15 ଟି ଅନୁଷ୍ଠାନ ଅଂଶଗ୍ରହଣ କରିଥିଲେ।

ଏହି ଅବସରରେ ନରାକାସ୍ (ଉପକ୍ରମ) ଭୁବନେଶ୍ୱରର ଅଧ୍ୟକ୍ଷ ତଥା ନାଲକୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀ ଶ୍ରୀଧର ପାତ୍ର ନିଜ ବକ୍ତବ୍ୟରେ କହିଛନ୍ତି ଯେ “ଭାଷା ଆମର ସାଂସ୍କୃତିକ ଐତିହ୍ୟର ପରିଚାୟକ ଏବଂ ଆମେ ଆମର ଦୈନନ୍ଦିନ କାର୍ଯ୍ୟରୁ ସମୟ ବାହାର କରି ରାଜଭାଷାର ବିଭିନ୍ନ କାର୍ଯ୍ୟକ୍ରମରେ ଯୋଗଦେଇ ଏହାର ପ୍ରୟୋଗ ବୃଦ୍ଧି ପାଇଁ ପର୍ୟାସ କରିବା ଆମ ସମସ୍ତଙ୍କର ନୈତିକ ଏବଂ ସମ୍ୱିଧାନିକ କର୍ତ୍ତବ୍ୟ ଅଟେ।”

ବିଜେତାମାନଙ୍କୁ ଶ୍ରୀ ପାତ୍ର ପୁରସ୍କାର ପ୍ରଦାନ କରିଥିଲେ | ଏହି କାର୍ଯ୍ୟକ୍ରମରେ ନରାକାସ ଉପାଧ୍ୟକ୍ଷ ତଥା ନାଲକୋର ନିର୍ଦ୍ଦେଶକ (ମାନବ ସମ୍ବଳ) ଶ୍ରୀ ରାଧାଶ୍ୟାମ ମହାପାତ୍ର ମଧ୍ୟ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମଟିକୁ ନାଲକୋର ମହାପ୍ରବନ୍ଧକ ଶ୍ରୀ ଅଶୁତୋଷ ରଥ ସଂଯୋଜନା କରିଥିବା ବେଳେ ନରାକାସ (ଉପକ୍ରମ) ସଦସ୍ୟ ସଚିବ ଶ୍ରୀ ରୋଶନ ପାଣ୍ଡେ କୁଇଜ୍ ମାଷ୍ଟର ଭାବରେ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ।

ଫୁଡ୍ କର୍ପୋରେସନ୍ ଅଫ୍ ଇଣ୍ଡିଆ (ଆଞ୍ଚଳିକ କାର୍ଯ୍ୟାଳୟ) ପ୍ରଥମ ପୁରସ୍କାର, ନ୍ୟାସନାଲ୍ ଆଲୁମିନିୟମ୍ କମ୍ପାନୀ (ନାଲକୋ) ଦ୍ୱିତୀୟ ପୁରସ୍କାର ଏବଂ ଫୁଡ୍ କର୍ପୋରେସନ୍ ଅଫ୍ ଇଣ୍ଡିଆ (ଡିଭିଜନାଲ ଅଫିସ୍) ତୃତୀୟ ପୁରସ୍କାର ପ୍ରାପ୍ତ କରିଥିଲେ |