ଖୋର୍ଦ୍ଧା ରେ ହେବାକୁ ଥିବା ବିଜୁ ପ୍ରିମିୟର ଲିଗ ମ୍ୟାଚ ସମ୍ବନ୍ଧରେ ସାମ୍ବାଦିକ ସମ୍ମିଳନୀ

ଖୋର୍ଦ୍ଧା : ୧୬/୦୩/୨୦୨୧ ଆସନ୍ତା ୧୭ ମାର୍ଚ୍ଚ ୨୦୨୧ ଠାରୁ ୨୪ ମାର୍ଚ୍ଚ ୨୦୨୧ ପର୍ଯ୍ୟନ୍ତ ବିଜୁ ଯୁବ-ଛାତ୍ର ଜନତା ଦଳ ଖୋର୍ଦ୍ଧା ଜିଲ୍ଲା ଆନୁକୂଲ୍ୟରେ ବିଜେବି ହାଇସ୍କୁଲ ସ୍ଥିତ ମିନି ଷ୍ଟାଡିୟମ ଠାରେ ଅନୁଷ୍ଠିତ ହେବାକୁ ଥିବା *ବିଜୁ ପ୍ରିମିୟର ଲିଗ* ପାଇଁ ଖୋର୍ଦ୍ଧା ଜିଲ୍ଲା ଯୁବ ଏବଂ ଛାତ୍ର ଜନତା ଦଳ ତରଫରୁ ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି ।

ଆୟୋଜିତ ସଭାରେ ଜିଲ୍ଲା ଯୁବ ଜନତା ଦଳର ସଭାପତି ରାଜେଶ ପରିଡ଼ା ବୁଧବାରଠାରୁ ସ୍ଥାନୀୟ ବିଜେବି ହାଇସ୍କୁଲ ଖେଳ ପଡ଼ିଆଠାରେ ରାଜ୍ୟ ବିଜୁ ଯୁବ ଓ ଛାତ୍ର ଜନତା ଦଳର ଖେଳାଳିଙ୍କୁ ନେଇ ବିଜୁ ପ୍ରିମିୟର ଲିଗ କ୍ରିକେଟ୍ ମ୍ୟାଚ ଅନୁଷ୍ଠିତ ହେବାକୁ ଯାଉଛି। ଏଥି ନିମନ୍ତେ ଆୟୋଜନ କରାଯାଇଥିବା ସାଂସ୍କୃତିକ କାର୍ଯ୍ୟକ୍ରମ ରେ ଓଡ଼ିଶାର ସୁନାମଧନ୍ୟ କଣ୍ଠଶିଳ୍ପୀ ହୁମାନ ସାଗର ତାଙ୍କ ସହଯୋଗୀଙ୍କୁ ନେଇ ଉକ୍ତ କାର୍ଯ୍ୟକ୍ରମ ରେ ସଙ୍ଗୀତ ପରିବେଷଣ କରିବେ ବୋଲି ସୂଚନା ଦେଇଥିଲେ ।

ଏହା ସହିତ ଆଗାମୀ ୧୮ତାରିଖ ଠାରୁ ପ୍ରଥମ ଇନିସ ସକାଳ ୯ଟା ସମୟରେ ଆରମ୍ଭ ହୋଇ ଦିନ ୧୨.୩୦ ସମୟରେ ଶେଷ ହେବାକୁ ଧାର୍ଯ୍ୟ କରାଯାଇଥିବା ବେଳ ସେହିପରି ଦ୍ୱିତୀୟ ପର୍ଯ୍ୟାୟ ମ୍ୟାଚ ଦିନ ୧ଟା ସମୟରୁ ଆରମ୍ଭ ହୋଇ ସନ୍ଧ୍ୟା ୪.୩୦ ବେଳେ ସାରିବାକୁ ସ୍ଥିର ହୋଇଛି । ପ୍ରତ୍ୟେକ ମ୍ୟାଚ ୧୫ ଓଭର ବିଶିଷ୍ଟ ନେଇ ସ୍ଥିରୀକୃତ ହୋଇଛି । ଏହି ପ୍ରିମିୟର ଲିଗ ପାଇଁ ବୌଦ୍ଧ, ନୟାଗଡ଼, ଗଞ୍ଜାମ, ପୁରୀ ଓ ଭୁବନେଶ୍ଵର ସମେତ ଖୋର୍ଦ୍ଧାର ଯୁବ ଓ ଛାତ୍ର ବିଜୁ ଜନତା ଦଳରୁ ମନୋନୀତ ହୋଇଥିବା ଖେଳାଳିମାନେ ଅଂଶ ଗ୍ରହଣ କରିବେ ବୋଲି ସେ କହିଥିଲେ।

ତେବେ ସାମ୍ବାଦିକ ଙ୍କ ପ୍ରଶ୍ନର ଉତ୍ତରରେ ମ୍ୟାଚକୁ ନେଇ ଦଳ ଭିତରେ ଥିବା ଗୋଷ୍ଠି କନ୍ଦଳକୁ ନେଇ ସ୍ଥାନୀୟ ଜନସାଧାରଣ ଙ୍କ ମଧ୍ୟରେ ଗତ ଦୁଇଦିନ ତଳେ ଜୋରସୋରରେ ଯେଉଁ ଚାଲିଥିଲା ସେ ସମ୍ପର୍କରେ ଶ୍ରୀ ପରିଡା କହିଥିଲେ ଦଳ ମଧ୍ୟରେ କୌଣସି ଗୋଷ୍ଠୀ କନ୍ଦଳ ନାହିଁ କି ପୂର୍ବତନ ବିଧାୟକଙ୍କୁ କଣଠେସା କରାଯିବା ନେଇ ଉଠିଥିବା କଥା କେବଳ ଏକ ଗୁଜବ ଓ ଏ କଥାରେ କୌଣସି ସତ୍ୟତା ନଥିବା କଥା କହିଥିଲେ ଓ ଭାଇରାଲ ହୋଇଥିବା ପୋଷ୍ଟରରେ ବିଧାୟକ ଶ୍ରୀ ରାଜେନ୍ଦ୍ର ସାହୁଙ୍କ ଫଟୋ ନଥିବାକୁ ନେଇ ଦଳ ତରଫରୁ ଏ ପରି କୌଣସି ପୋଷ୍ଟର ପ୍ରକାଶିତ କରାଯାଇନାହିଁ ବୋଲି ମଧ୍ୟ ମତ ରଖିଥିଲେ । ଏହା ସହିତ ଆୟୋଜିତ ଲିଗ ମ୍ୟାଚରେ  ସ୍ଥାନୀୟ ବିଧାୟକଙ୍କ ସମେତ ପୂର୍ବତନ ବିଧାୟକ ପ୍ରତ୍ୟକ୍ଷ ଭାବେ ସହଯୋଗ କରୁଛନ୍ତି ।

ଆୟୋଜିତ ବୈଠକରେ ରାଜେଶ ପରିଡାଙ୍କ ସମେତ ଜିଲ୍ଲା ବିଜୁ ଛାତ୍ର ଜନତା ଦଳର ସଭାପତି ବିଶ୍ଵଦୀପ ପ୍ରଧାନ, ସ୍ଥାନୀୟ ବିଧାୟକ ଜ୍ୟୋତରିନ୍ଦ୍ର ନାଥ ମିତ୍ର, ଖୋର୍ଦ୍ଧା ଜିଲ୍ଲାପରିଷଦ ସଭାପତି ପ୍ରଫୁଲ୍ଲ କୁମାର ଦଳାଇ, ନଗର ବିଜୁ ଜନତା ଦଳର ସଭାପତି ମହମ୍ମଦ ଆରିଫ, ନଗର ଛାତ୍ର ଜନତା ଦଳର ସଭାପତି ଅବିନାଶ ପଟ୍ଟନାୟକ, ଶିବ ଶଙ୍କର ସାମନ୍ତରାୟ ଓ ପୂର୍ବତନ କାଉନସିଲର ରୂପେଶ ବେହେରା ପ୍ରମୁଖ ଉପସ୍ଥିତ ଥିଲେ।