ସରକାରୀ ଖୁଚୁରା ଦୋକାନୀ ମାନଙ୍କ ଶାନ୍ତିପୂର୍ଣ୍ଣ ଶୋଭାଯାତ୍ରା

ଯୋଡ଼ା -ଅଲ ଇଣ୍ଡିଆ ଡିଲର୍ସ ଫେଡେରେସନ ଓ ରାଜ୍ୟ ସଭାପତି ଏବଂ ରାଷ୍ଟ୍ରୀୟ ଉପାଧ୍ୟକ୍ଷ ଶ୍ରୀଯୁକ୍ତ ନଗେନ୍ଦ୍ର ନାଥ ଜେନା ଙ୍କ ନିର୍ଦେଶ କ୍ରମେ ଆଜି ଯୋଡ଼ା ଡିଲର୍ସ ଆସୋସିଏ ସନ ତରଫରୁ ଡିଲର ମାନଙ୍କର ବିଭିନ୍ନ ସମସ୍ୟା ନେଇ ସାମୁହିକ ଭାବେ ଏକ ଶାନ୍ତିପୂର୍ଣ୍ଣ ଶୋଭାଯାତ୍ରା ରେ ଯାଇ ଯୋଡ଼ା ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ଙ୍କୁ ସେମାଙ୍କର ଦାବିପତ୍ର ପ୍ରଦାନ କରିଥିଲେ. ଏହି ଦାବିପତ୍ର ରେ ପ୍ରଧାନମନ୍ତ୍ରୀ ଗରିବକଲ୍ୟାଣ ଅର୍ଣ୍ଣ ଯୋଜନା ବଣ୍ଟନ ବାବଦୀୟ ପାରିଶ୍ରମିକ ର ବକେୟା ଅର୍ଥ ପ୍ରଦାନ, ପୋଷ ମେସିନ ବ୍ୟବହାରିକ ଖର୍ଚ୍ଚ ବକେୟା ଥିବା ବର୍ଷ ର ଅର୍ଥ ପ୍ରଦାନ, କରୋନା ସମୟରେ ଛାତ୍ର ଛାତ୍ରୀ ମାନଙ୍କୁ ମାଧ୍ୟାନ୍ନ ଭୋଜନ ଚାଉଳ ବଣ୍ଟନ ର ପାରିଶ୍ରମିକ ଅର୍ଥ ପ୍ରଦାନ, ଆକସ୍ମିକ ଦୁର୍ଘଟଣା ବାର୍ଦ୍ଧକ୍ୟ ଜନିତ ରୋଗାକ୍ରାନ୍ତ ହୋଇ ମୃତ୍ୟୁ ବରଣ କରିଥିବା ରିଟେଲର ପରିବାର କୁ ପୁନର୍ବାର ନିଯୁକ୍ତି ପ୍ରଦାନ, ଖାଉଟି ସାମଗ୍ରୀ ଏକାକାଳୀନ ଖୁଚୁରା ବିକ୍ରୟ କେନ୍ଦ୍ର କୁ ପ୍ରେରଣ କରିବା, ସମଗ୍ର ଭାରତ ବର୍ଷ ଗୋଟିଏ ରେସନ ସନନ୍ଦ ନବୀକରଣ ଏବଂ ପାରିଶ୍ରମିକ ଅର୍ଥ ପ୍ରଦାନ କ୍ଷେତ୍ରରେ ସମାନତା ବଜାଇ ରଖିବା, ଇତ୍ୟାଦି ଦାବି ଗୁଡିକ ଦାବିପତ୍ର ରେ ପ୍ରଦାନ କରାଯାଇଥିଲା. ଏହି ସମସ୍ୟା ର ତୁରନ୍ତ ସମାଧାନ କରା ନ ଗଲେ ଆସନ୍ତା 11ତାରିଖ ଦିନ ପ୍ରତି ଜିଲ୍ଲା ର ଜିଲ୍ଲାପାଳ ଓ ଆସନ୍ତା 18ତାରିଖ ଦିନ ଭୁବନେଶ୍ଵର ବିଧାନସଭା ଠାରେ ବିକ୍ଷୋଭ ପ୍ରଦର୍ଶନ କରାଯିବାପାଇଁ ସଙ୍ଘ ତରଫରୁ ଘୋଷଣା କରାଯାଇଥିଲା ଆଗାମୀ 2.8.2022. ରିଖ ରେ ନୂଆଦିଲ୍ଲୀ ସ୍ଥିତ ଯନ୍ତର ମନ୍ତର ଠାରେ ଏକ ବିରାଟ ବିକ୍ଷୋଭ ପ୍ରଦର୍ଶନ କରାଯିବ ବୋଲି ସରକାରଙ୍କୁ ମଧ୍ୟ ଚେତାବନୀ ଦିଆଯିବା ସହିତ ଡିଲର ମାନଙ୍କ ସମସ୍ୟା ଗୁଡିକୁ ସରକାର ତୁରନ୍ତ ସମାଧାନ କରିବା ପାଇଁ ଦାବିପତ୍ର ରେ ଉଲ୍ଲେଖ କରାଯାଇଥିଲା. ଏଥିରେ ଯୋଡ଼ା ଡିଲର ଆସୋସିଏସନ ର କର୍ମକର୍ତ୍ତା ସମେତ ସମସ୍ତ ଡିଲର ମାନେ ଯୋଗ ଦେଇଥିଲେ.