ଜିନ୍ଦଲ ପାନ୍ଥର୍ କପ୍୨୦୨୨ : ମହିଳା ବର୍ଗରର ରେୟର ରେଭିଲ୍ସଚମ୍ପିୟାନ
ଅନୁଗୋଳ : ତା ୧୯.୧୨.୨୨ ରିଖ; ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି) ର ଜିନ୍ଦଲ ଅଫିସର୍ସ କ୍ଲବ (ଜେଓସି) ଦ୍ୱାରା ଆୟୋଜିତ ଆନ୍ତ-ବିଭାଗୀୟ ମହିଳା କ୍ରିକେଟ୍ ଟୁର୍ନାମେଣ୍ଟ ଗତ ସନ୍ଧ୍ୟାରେ ଉଦଯାପିତ ହୋଈଅଛି। ଏହି ଟୁର୍ନାମେଣ୍ଟର ଫାଇନାଲ ମ୍ୟାଚରେ ସୁରକ୍ଷା ବିଭାଗର ଖେଳାଳିଙ୍କୁ ନେଇ ଗଠିତ ଡେୟର ଡେଭିଲ୍ସ ଲେଡିଜ ଦଳ ଜିନ୍ଦଲ ମହିଳା ସମିତି (ଜେଏମଏସ) କୁ ୯ ୱିକେଟରେ ପରାସ୍ତ କରିଥିଲା। ଜେଏସପିର ଇସ୍ପାତ ବ୍ୟବସାୟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଦୀନେଶ କୁମାର ସରୋଗୀ, ଏହି ଫାଇନାଲ ମ୍ୟାଚ୍ ର ମୁଖ୍ୟ ଅତିଥି ଭାବରେ ଯୋଗଦେବା ସହ ଖେଳାଳି ମାନଙ୍କୁ ପୁରସ୍କାର ବିତରଣ କରିଥିଲେ । ଏହି ଚିତ୍ତାକର୍ଷକ ଫାଇନାଲ ମ୍ଯାଚ ଟିକୁ ଦେଖିବା ପାଇଁ ଅନ୍ୟ ଗଣମାନ୍ୟ ବ୍ୟକ୍ତିଙ୍କ ମଧ୍ୟରେ ଜେଏସପି ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ହୃଦେଶ୍ଵର ଝା, ଶ୍ରୀମତୀ ସୁଜତା ସରୋଗୀ, ଶ୍ରୀମତୀ ଅନୀତା ମିତ୍ତଲ ଏବଂ ଅନ୍ୟମାନେ ଉପସ୍ଥିତ ଥିଲେ।
ଟସ୍ ଜିତିବା ପରେ ଡେୟର ଡେଭିଲ୍ସ ଦଳ ଜିନ୍ଦଲ ମହିଳା ସମିତି ଦଳକୁ ପ୍ରଥମେ ବ୍ୟାଟିଂ କରିବାକୁ କହିଥିଲେ, ଫଳସ୍ୱରୂପ ଜେଏମଏସ୍ ଦଳ ନିର୍ଧାରିତ ୧୦ ଓଭରରେ ୪ ୱିକେଟ୍ ହରାଇ ମାତ୍ର ୩୮ ରନ୍ ସ୍କୋର କରିପାରିଥିଲା ।
୩୯ ରନ୍ର ଟାର୍ଗେଟକୁ ହାସଲ କରିବା ପାଇଁ ଡେୟର ଡେଭିଲ୍ସ ୬.୩ ଓଭରରେ ମାତ୍ର ୧ ୱିକେଟ୍ ହରାଇ ଟୁର୍ନାମେଣ୍ଟର ଚାମ୍ପିଅନ୍ ହୋଇଥିଲେ।
୩ ଓଭରରେ ମାତ୍ର ୭ ରନ୍ ବିନିମୟରେ ୩ ୱିକେଟ୍ ହାସଲ କରିଥିବାରୁ ହରିପ୍ରିୟା ନାୟକଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଘୋଷିତ କରାଯାଇଥିଲା।
