ପାନ୍ଥର୍ କ୍ରିକଫେଷ୍ଟ ୨୦୨୨: ଟିମ୍ ଡେୟାର ଡେଭିଲ୍ ଚମ୍ପିୟାନ
ଡିସେମ୍ବର ୨୨, ଅନଗୁଳ : ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି) ର ଜିନ୍ଦଲ ଅଫିସର୍ସ କ୍ଲବ (ଜେଓସି) ଦ୍ୱାରା ଆୟୋଜିତ ଆନ୍ତ-ବିଭାଗୀୟ ମେଗା କ୍ରିକେଟ୍ ଟୁର୍ନାମେଣ୍ଟ ଗତ କାଲି ସନ୍ଧ୍ୟାରେ ଉଦଯାପିତ ହୋଇଅଛି। ସୁରକ୍ଷା ବିଭାଗର ଖେଳାଳିଙ୍କୁ ନେଇ ଗଠିତ ଟିମ୍ ଡେୟାରଡେଭିଲ୍ ଏକ ରୋମାଞ୍ଚକର ଫାଇନାଲ୍ ମ୍ୟାଚ୍ ରେ ପ୍ଲେଟ୍ ମିଲ୍, ବାର୍ ମିଲ୍, ଏସଏସଡି, ଏବଂ ଟିଏସଡି ର ଶ୍ରେଷ୍ଠ ଖେଳାଳିଙ୍କୁ ନେଇ ଗଠିତ ଟିମ୍ ସ୍ପାର୍ଟାନ୍ସକୁ ପରାସ୍ତ କରି ପାନ୍ଥର୍ ଚାମ୍ପିଅନ୍ ଟ୍ରଫି ହାସଲ କରିଛନ୍ତି | ଜେଏସପି ପରିଚାଳନା ନିର୍ଦ୍ଦେଶକ ଶ୍ରୀ ବିମଲେନ୍ଦ୍ର ଝା ଏହି ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦାନ କରି ପୁରସ୍କାର ବିତରଣ କରିଥିଲେ । ଉପସ୍ଥିତ ଅନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ ଜେଏସପି ର ସିଇଓ-ଇସ୍ପାତ ବ୍ୟବସାୟ ଶ୍ରୀ ଦୀନେଶ କୁମାର ସରୋଗୀ, ଅନଗୁଳ କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ହୃଦୟେଶ୍ଵର ଝା, କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଇରନ୍ ଜୋନ୍ ଶ୍ରୀ ଦାମୋଦର ମିତ୍ତଲ, ଜେଓସି ସାଧାରଣ ସମ୍ପାଦକ ଶ୍ରୀ ରବି ଶଙ୍କର ଙ୍କ ସହ ବିଭିନ୍ନ ବିଭାଗୀୟ ମୁଖ୍ୟ, କର୍ମଚାରୀ, ଜିନ୍ଦଲ ନଗର ଟାଉନସିପ୍ ଏବଂ ପାର୍ଶ୍ଵବର୍ତୀ ଅଞ୍ଚଳର କ୍ରୀଡା ପ୍ରେମୀ ଦର୍ଶକ ଉପସ୍ଥିତ ଥିଲେ।
ଟସ୍ ଜିତିବା ପରେ ଟିମ୍ ସ୍ପାର୍ଟାନ୍ସ ପ୍ରଥମେ ଫିଲଡିଂ କରିବାକୁ ନିଷ୍ପତ୍ତି ନେଇଥିଲେ ଏବଂ ଏହାର ପ୍ରତିବଦଳରେ ଟିମ୍ ଡେୟାର ଡେଭିଲ୍ ୧୦ ଓଭରରେ ୯ ୱିକେଟ୍ ହରାଇ ମାତ୍ର ୫୦ ରନ୍ ସଂଗ୍ରହ କରିଥିଲେ। ଟୁର୍ଣ୍ଣାମେଣ୍ଟ ଜିତିବା ପାଇଁ ୫୧ ରନ୍ର ଟାର୍ଗେଟକୁ ଲକ୍ଷ କରି ସ୍ପାର୍ଟାନ୍ସ ଦଳ ୫ ୱିକେଟ୍ ହରାଇ ମାତ୍ର ୪୪ ରନ୍ ହାସଲ କରିପାରିଥିଲେ ଏବଂ ଚମ୍ପିୟାନସିପ୍ ଟ୍ରଫିକୁ ମାତ୍ର ୬ ରନ୍ ରେ ହରାଇଥିଲା ।
୨ ଓଭରରେ ମାତ୍ର ୫ ରନ୍ ଦେଇ ୨ ୱିକେଟ୍ ନେଇଥିବାରୁ ଟିମ୍ ଡେୟାର ଡେଭିଲ୍ସର ନୀତେଶ ବଞ୍ଜାରା ପ୍ଲେୟାର ଅଫ୍ ଦି ମ୍ୟାଚ୍ ଘୋଷିତ ହୋଇଥିବାବେଳେ ୬ ଟି ମ୍ୟାଚରେ ୧୩୭ ରନ୍ ସ୍କୋର କରି ଥିବାରୁ ଡେୟାର ଡେଭିଲ୍ସର ବାପୁନ୍ ସାହୁ ପ୍ଲେୟାର ଅଫ୍ ଦି ଟୁର୍ନାମେଣ୍ଟ ଭାବରେ ବିବେଚିତ ହୋଈଛନ୍ତି । ୬ ଟି ମ୍ୟାଚରେ ୧୩୯ ରନ୍ କରିଥିବାରୁ ସ୍ପାର୍ଟାନ୍ସ ଦଳର ଦିବ୍ୟ ରଞ୍ଜନ ପ୍ରଧାନ ଶ୍ରେଷ୍ଠ ବ୍ୟାଟ୍ସମ୍ୟାନ୍ ଟାଇଟଲ୍ ହାସଲ କରିଛନ୍ତି ଏବଂ ୫ ଟି ମ୍ୟାଚରେ ୧୦ ଟି ୱିକେଟ୍ ହାସଲ କରିଥିବାରୁ ଟୁର୍ନାମେଣ୍ଟର ଶ୍ରେଷ୍ଠ ବୋଲର ଭାବରେ ଏକ୍ସଟ୍ରୀମ ଦଳର ପ୍ରତୀକ ପୁରସ୍କାର ଗ୍ରହଣ କରିଥିଲେ।
୧୦ ଡିସେମ୍ବରରୁ ଆରମ୍ଭ ହୋଈଥିବା ଏହି କ୍ରିକେଟ ଟୁର୍ନାମ୍ଯାନ୍ଟ ରେ ସମୁଦାୟ ୧୦ଟି ଦଳ ଅଂଶଗ୍ରହଣ କରିଥିଲେ ଏବଂ ୨୦ ଟି ଲିଗ୍ ମ୍ୟାଚ୍ ଖେଳାଯାଇଥିଲା |
