ଖୋର୍ଦ୍ଧା ବିଜୁ ପ୍ରିମିୟର ଲିଗ ମ୍ୟାଚର ଶୁଭାରମ୍ଭ ସହିତ ଉଦଘାଟନୀ ଉତ୍ସବ

ଖୋର୍ଦ୍ଧା : ୧୭/୦୩/୨୦୨୧ : ବିଜୁ ଯୁବ ଓ ଛାତ୍ର ଜନତା ଦଳ ଖୋର୍ଦ୍ଧା ଜିଲ୍ଲା ଆନୁକୂଲ୍ୟରେ ବିଜେବି ହାଇସ୍କୁଲ ଖେଳ ପଡ଼ିଆ ଠାରେ ଅନୁଷ୍ଠିତ ହେବାକୁ ଥିବା ବିଜୁ ପ୍ରିମୟର ଲିଗ ନିମନ୍ତେ ବୁଧବାର ଖୋର୍ଦ୍ଧା ବିଜେବି ହାଇସ୍କୁଲ ଖେଳ ପଡ଼ିଆରେ ନିର୍ମିତ ହୋଇଥିବା ମିନି ଷ୍ଟାଡିୟମ ଠାରେ  ଉଦଘାଟନୀ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ବିଜୁ ଜନତା ଦଳର ଯୁବ ବ୍ୟାପାର ଅଧ୍ୟକ୍ଷ ତଥା ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ ମୁଖ୍ୟ ଅତିଥି ଭାବେ ଯୋଗଦେଇ ଖେଳକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହ ସମଗ୍ର ରାଜ୍ୟର ବିଜୁପ୍ରେମୀ ଙ୍କ ମଧ୍ୟରେ ଭାଇଚାରା ଓ ସଦ୍ଭାବନା ବଜାୟ ରଖିବାରେ ଏହି ଭଳି ମ୍ୟାଚ ଗୁରୁତ୍ୱପୂର୍ଣ ଭୂମିକା ବହନ କରିବ ବୋଲି କହିଛନ୍ତି ।

ଏହା ସହିତ ଅନ୍ୟତମ ଅତିଥି ଭାବେ ଚାନ୍ଦବାଲି ବିଧାୟକ ଡକ୍ଟର ବ୍ୟୋମକେଶ ରାୟ, ଦଳର ଯୁବ ବ୍ୟାପାର ମହାସଚିବ ଶୁଶ୍ରୀ ଏଲିନା ଦାସ ପ୍ରମୁଖ ଯୋଗଦେଇ ପ୍ରିମିୟର ଲିଗରେ ଭାଗ ନେଇଥିବା ସମସ୍ତ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ । ଏହି ପ୍ରିମିୟର ଲିଗ ପାଇଁ ବୌଦ୍ଧ, ନୟାଗଡ଼, ଗଞ୍ଜାମ, ପୁରୀ ଓ ଭୁବନେଶ୍ଵର ସମେତ ଖୋର୍ଦ୍ଧାର ଯୁବ ଓ ଛାତ୍ର ବିଜୁ ଜନତା ଦଳରୁ ମନୋନୀତ ହୋଇଥିବା ଖେଳାଳିମାନଙ୍କ ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି ଜଣାପଡିଛି । ହେଲେ ଖେଳ ପଡ଼ିଆରେ ଦଳର ଜିଲ୍ଲା ସଭାପତି କି ଜିଲ୍ଲା ପରିଷଦ ଅଧ୍ୟକ୍ଷ ଙ୍କୁ ଦେଖିବାକୁ ମିଳି ନଥିଲା ।

ଏହା ସହିତ ଉଦଘାଟନୀ ଉତ୍ସବରେ ଆୟୋଜିତ ହୋଇଥିବା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ରେ ଓଡ଼ିଶାର ସୁନାମଧନ୍ୟ କଣ୍ଠଶିଳ୍ପୀ ହୁମାନ ସାଗର ତାଙ୍କ ସହଯୋଗୀଙ୍କୁ ନେଇ ଉକ୍ତ କାର୍ଯ୍ୟକ୍ରମ ରେ ସଙ୍ଗୀତ ପରିବେଷଣ କରିଥିଲେ । ସ୍ଥାନୀୟ ବିଧାୟକ ଜ୍ୟୋତିରିନ୍ଦ୍ର ମିତ୍ରଙ୍କ ନେତୃତ୍ୱରେ  ଆୟୋଜିତ ଏହି ଲିଗ ମ୍ୟାଚର ଉଦଘାଟନୀ ଉତ୍ସବ ଅନୁଷ୍ଠିତ ଠାରୁ ନେଇ ଉଦଯାପନୀ ପର୍ଯ୍ୟନ୍ତ ଖେଳରେ ବେଗୁନିଆ-ବୋଲଗଡ ବିଧାୟକ ରାଜେନ୍ଦ୍ର ସାହୁ ସହଯୋଗ କରୁଛନ୍ତି । 

ଉଦଘାଟନୀ ଉତ୍ସବରେ ଖୋର୍ଦ୍ଧା ଜିଲ୍ଲା ବିଜୁ ଯୁବ ଜନତା ଦଳର ସଭାପତି ରାଜେଶ ପରିଡ଼ା ନିମନ୍ତ୍ରିତ ଅତିଥି ମାନଙ୍କ ସ୍ୱାଗତ କରିଥିବା ବେଳେ ବିଧାୟକ ଶ୍ରୀ ସାହୁ କାର୍ଯ୍ୟକ୍ରମ କୁ ପରିଚାଳନା କରିବା ସହିତ ମଞ୍ଚାସୀନ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ ।  ଏଥିରେ ବିଧାୟକ ଙ୍କୁ ଜିଲ୍ଲା ବିଜୁ ଛାତ୍ର ଜନତା ଦଳର ସଭାପତି ବିଶ୍ଵଦୀପ ପ୍ରଧାନ, ନଗର ବିଜୁ ଜନତା ଦଳର ସଭାପତି ମହମ୍ମଦ ଆରିଫ, ନଗର ଛାତ୍ର ସଭାପତି ଅବିନାଶ ପଟ୍ଟନାୟକ, ଶିବ ଶଙ୍କର ସାମନ୍ତରାୟ ଓ ଅନେକ ସମର୍ଥକ ଉପସ୍ଥିତ ରହି ସହଯୋଗ କରିଥିଲେ ଓ ହୁମାନ ସାଗର ଙ୍କ ଦ୍ଵାରା ପରିବେଷିତ ରଙ୍ଗାରଙ୍ଗ କାର୍ଯ୍ୟକ୍ରମ କୁ ଉପସ୍ଥିତ ଦେଖଣାହାରୀ ଉପଭୋଗ କରିଥିଲେ ।

Leave a Reply

Your email address will not be published. Required fields are marked *