ଜଟଣୀର ସମାଜସେବୀଙ୍କ ରାମ ମନ୍ଦିର ନିର୍ମାଣାର୍ଥେ ଏକ ଲକ୍ଷ ଟଙ୍କା ସାହାଯ୍ୟ

ଜଟଣୀ : ୨୬/୦୨/୨୦୨୧ : ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଜଟଣୀ ସହର ଅଞ୍ଚଳର ଦୁର୍ଗା ମାଧବ ବଳିଆରସିଂହ ଜଣେ ସୁନାମଧନ୍ୟ ସମାଜସେବୀ ଭାବେ ପରିଚିତ । ସେ ସମାଜସେବା କୁ ନିଜ ଜୀବନର ବ୍ରତ ଭାବେ ପାଳନ କରନ୍ତି ।

ସେ ନିଜର କଷ୍ଟଲବ୍ଧ ଉପାର୍ଜିତ ଧନରାଶିରୁ ପ୍ରଭୁ ଶ୍ରୀ ରାମଙ୍କ ଜନ୍ମସ୍ଥାନ ଅଯୋଧ୍ୟା ଠାରେ ନିର୍ମିତ ହେଉଥିବା ଭବ୍ୟ ରାମ ମନ୍ଦିର ନିର୍ମାଣ କାର୍ଯ୍ୟ ନିମନ୍ତେ ଏକ ଲକ୍ଷ ଟଙ୍କା ଦାନ କରିଛନ୍ତି ।

ତାଙ୍କର ଏହି ଦାନରାଶି ପ୍ରଭୁ ଶ୍ରୀରାମ ଙ୍କ ମନ୍ଦିର ନିର୍ମାଣ କାର୍ଯ୍ୟ ରେ ଲାଗିବା ନେଇ ନିଜକୁ ଧନ୍ୟ ମନେ କରିଛନ୍ତି ଓ ଏହା ସହିତ ଅଞ୍ଚଳର ସମସ୍ତ ଆର୍ଥିକ ସ୍ତରରେ ସ୍ୱଚ୍ଛଳ ବଦାନ୍ୟ ବ୍ୟକ୍ତି ମାନଙ୍କୁ ସ୍ୱଇଛାରେ ମନ୍ଦିର ନିର୍ମାଣ ନିମନ୍ତେ ଆର୍ଥିକ ସାହାଯ୍ୟ କରିବାକୁ ଅନୁରୋଧ କରିଛନ୍ତି ।