ଖୋର୍ଦ୍ଧା ବନଖଣ୍ଡରେ ହାତୀ ଆକ୍ରମଣରେ ଜଣେ ମହିଳା ମୃତ ଓ ଚାରିଜଣ ଗୁରୁତର

ଖୋର୍ଦ୍ଧା: ୦୩/୦୪/୨୦୨୧ : ଖୋର୍ଦ୍ଧା ବନଖଣ୍ଡ ଅନ୍ତର୍ଗତ ଧଉଳିମୁଁହ ପଞ୍ଚାୟତର ରାମଚଣ୍ଡି ଦୁର୍ଗାପ୍ରସାଦ ଗାଁରେ ଦନ୍ତାହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଦନ୍ତାହାତୀ ଆକ୍ରମଣକୁ ନେଇ ଗାଁରେ ଚାପା ଉତ୍ତେଜନା ସୃଷ୍ଟି ହୋଇଛି ।

ସୂଚନା ଅନୁସାରେ, ରାମଚଣ୍ଡି ଦୁର୍ଗାପ୍ରସାଦ ଗ୍ରାମରେ ଆଜି ଭୋର ୫ଟା ସମୟରେ ଓଲା ବେହେରାଙ୍କ ସ୍ତ୍ରୀ ମଞ୍ଜୁ ବେହେରା ବାରି ପଛପଟକୁ ନିତ୍ୟକର୍ମ ସାରିବାକୁ ଯିବାବେଳେ ଖାଦ୍ୟ ଅନ୍ୱେଷଣରେ ଆସିଥିବା ଦନ୍ତାହାତୀ ଆକ୍ରମଣର ଶିକାର  ହୋଇଥିଲେ । ଘଟଣା ସ୍ଥଳରେ ମଞ୍ଜୁଙ୍କ ମୃତ୍ୟୁ ହୋଇଥିଲା ଏବଂ ତା ସହିତ ହାତୀ ଆକ୍ରମଣରେ ଗୁରୁତର ହୋଇଥିବା ଆହତଙ୍କ ନାମ ନିତ୍ୟାନନ୍ଦ ବେହେରା, ମମତା ଭାରୀମଲ୍ଲ ବୟସ ଓ ସସ୍ମିତା ଭାରୀମଲ୍ଲ ଓ ସମସ୍ତେ ଗୋଟିଏ ପରିବାରର ସଦସ୍ୟ ବୋଲି ଜଣାପଡିଛି ।

ସେହିପରି ଟାଙ୍ଗୀ ବନାଞ୍ଚଳ ଅଧୀନ ଡମଣଭୂଇଁ ଗ୍ରାମରେ ହାତୀ ଆକ୍ରମଣ ରେ  ଜଣେ ମହିଳା ଗୁରୁତର ଆହତ ହୋଇଛନ୍ତି। ଆହତ ଜଣକ ହେଲେ ଗୀତାଞ୍ଜଳି ମାର୍ଥା ବୋଲି ଜଣାପଡିଛି । ଖବର ପାଇ ବନ କର୍ମଚାରୀ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କରି ତାଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ, ହେଲେ ଆହତ ଗୀତାଞ୍ଜଳୀଙ୍କ ଅବସ୍ଥା ଗୁରୁତର ହେବାରୁ କଟକ ବଡ ମେଡିକାଲ ସ୍ଥାନାନ୍ତରିତ କରାଯାଇଥିବା ଜଣାପଡିଛି ।