ବେଦାନ୍ତ ଆଲୁମିନିୟମ ପକ୍ଷ୍ୟରୁ ରାଷ୍ଟ୍ରୀୟ କ୍ରୀଡ଼ା ଦିବସରେ ତୃଣମୂଳ ସ୍ତରରେ କ୍ରୀଡ଼ାସଂସ୍କୃତିକୁ ସଶକ୍ତ କରିବା ପାଇଁ ପ୍ରତିଶ୍ରୁତି
ଭୁବନେଶ୍ୱର, ୩୧ ଅଗଷ୍ଟ ୨୦୨୨: ରାଷ୍ଟ୍ରୀୟ କ୍ରୀଡ଼ା ଦିବସରେ ବେଦାନ୍ତ ଆଲୁମିନିୟମ ଭାରତର ବୃହତ ଆଲୁମିନିୟମ ଉତ୍ପାଦ ନିର୍ମାତା ଏହାର କାର୍ଯ୍ୟ ପରିସର ତଥା ଆଖ ପାଖ ଅଂଚଳର ଯୁବ ପ୍ରତିଭାଧାରୀଙ୍କ ଅଂଶଗ୍ରହଣ ସହିତ କ୍ରୀଡ଼ା ସଂସ୍କୃତିକୁ ମଜବୁତ କରିବା ପାଇଁ ପ୍ରତିଶ୍ରୁତି ଦେଇଛି । ଏହି ଲକ୍ଷ୍ୟକୁ ପୂରଣ କରିବା ଉଦ୍ଦେଶ୍ୟରେ ବେଦାନ୍ତ ଆଲୁମିନିୟମ ଝାରସୁଗୁଡ଼ା, ଲାଂଜିଗଡ଼ (କଳାହାଣ୍ଡି ଜିଲ୍ଲା) ଏବଂ ନିକଟବର୍ତୀ ଅଂଚଳରେ ଅନେକ କ୍ରୀଡ଼ା ଫର୍ମାଟ, କାର୍ଯ୍ୟକ୍ରମକୁ ସକ୍ରିୟ ଭାବେ ସମର୍ଥନ କରି ଆସୁଛି । ଯୁବକମାନଙ୍କୁ କ୍ରୀଡ଼ା କ୍ଷେତ୍ରରେ ଉତ୍ସାହ ପ୍ରଦାନ , ସେମାନଙ୍କୁ ଉପଯୁକ୍ତ ତାଲିମ ପ୍ରଦାନ କରିବାରେ କଂପାନି ପକ୍ଷରୁ ସହାୟତା ଦିଆଯାଉଛି । ଏହା ଦ୍ୱାରା ସମାନ୍ତରାଳ ଭାବେ ରାଷ୍ଟ୍ରୀୟ କ୍ରୀଡ଼ା କ୍ଷେତ୍ରରେ ଗ୍ରାମାଂଚଳରୁ ପ୍ରତିନିଧିତ୍ୱ ବୃଦ୍ଧି ପାଇଁ ଇକୋ ସିଷ୍ଟମ ସୃଷ୍ଟି କରୁଛି ।
ଝାରସୁଗୁଡ଼ାରେ ରାଷ୍ଟ୍ରୀୟ କ୍ରୀଡ଼ା ଦିବସ ପାଳନ କରି ଓଡ଼ିଶା ପାଇଁ ଅଖିଳ ଭାରତୀୟ ଫୁଟବଲ ସଂଘର ସହବନ୍ଧିତ ଏକାଡେମି ସହଭାଗିତାରେ ଯୁବକମାନଙ୍କ ପାଇଁ ଏକ ଫୁଟବଲ ଦକ୍ଷତା କୌଶଳ ଆୟୋଜନ କରାଯାଇଥିଲା । ଏହା ପରେ ଝାରସୁଗୁଡ଼ାର ମା ସମଲେଶ୍ୱରୀ ନଗର, ବଘିଆମାଳ, ବନଜାରୀ ଓ କୁରେବଗା ଗ୍ରାମର ଦଳ ମଧ୍ୟରେ ତିନୋଟି ମ୍ୟାଚ ଆୟୋଜିତ ହୋଇଥିଲା । ମା ସମଲେଶ୍ୱରୀ ନଗର ବିଜୟୀ ଟିମ ଭାବରେ ଓ କୁରେବଗା ରନର ଅପ ହୋଇଥିଲା ।
ସଂପ୍ରତି ବେଦାନ୍ତ ଆଲୁମିନିୟମ ମଧ୍ୟ “ ମୋ ସ୍କୁଲ ହକି ଟୁର୍ଣ୍ଣାମେଂଟ’ରେ ଅଂଶ ଗ୍ରହଣ କରିଥିବା ଖେଳାଳୀଙ୍କ ପାଇଁ କ୍ରୀଡ଼ା ଗିୟର ପରିଚାଳନା କରିଥିଲା । ଯେଉଁଥିରେ କଂପାନି ଜିଲ୍ଲା ହକି ଆସୋସିଏସନ, ଜିଲ୍ଲା ପ୍ରଶାସନ ଓ ଝାରସୁଗୁଡ଼ାର ଜିଲ୍ଲା ଶିକ୍ଷା ବିଭାଗ ସହ ସହଭାଗୀ ହୋଇଥିଲା । ସୁନ୍ଦରଗଡ଼ ଜିଲ୍ଲାର ମେନ୍ଦ୍ରା ଗ୍ରାମରେ କଂପାନି ସ୍ଥାନୀୟ ପିଲାମାନଙ୍କୁ ଭଲିବଲ ଓ କ୍ରିକେଟ କିଟ ପ୍ରଦାନ କରିଛି । କଂପାନି ମଧ୍ୟ କୋରାପୁଟରେ ଏକ ଭଲିବଲ ଟୁର୍ଣ୍ଣାମେଂଟ ଆୟୋଜନ କରିଥିଲା ଯେଉଁଥିରେ ୧୬ଟି ଟିମ ଅଂଶଗ୍ରହଣ କରିଥିଲେ ।
ଲାଂଜିଗଡ଼, କଳାହାଣ୍ଡିରେ କରାଟେ ଓ ଆର୍ଚ୍ଚେରୀ ପ୍ରତିଯୋଗିତାରେ ୨୮ରୁ ଅଧିକ ପିଲା ଓ ଯୁବକମାନେ ଭାଗ ନେଇଥିଲେ । କରାଟେ ପ୍ରତିଯୋଗିତାରେ ବିଜେତା ହିତେଶ କୁମାର ମହାକୁଡ଼ ଓ ୨୦ ମିଟର ଓ ୩୦ ମିଟର ବର୍ଗରେ ତୀରନ୍ଦାଜ ପ୍ରତିଯୋଗିତାରେ ଜୁଲି ମୁଣ୍ଡା ଓ ସିମାଂଚଳ ମାଝି ଥିଲେ । ଶ୍ରୀମତୀ ସରସ୍ୱତୀ ମୁଣ୍ଡା, ସରପଂଚ-ଲାଂଜିଗଡ଼ ବିଜେତାମାନଙ୍କୁ ପୁରସ୍କୃତ କରିଥିଲେ । ସଂପ୍ରତି କଂପାନି ଲାଂଜିଗଡ଼ର ଏସଏସଡି ହାଇସ୍କୁଲରେ ତୀରନ୍ଦାଜରେ ୪୦ ଓ କରାଟେରେ ୬୦ ଜଣ ଛାତ୍ର ଛାତ୍ରୀଙ୍କୁ ତାଲିମ ସହାୟତା ପ୍ରଦାନ କରୁଛି । ସେମାନେ ରାଜ୍ୟ ତଥା ରାଷ୍ଟୀୟ ସ୍ତରରେ ବିଭିନ୍ନ ପ୍ରତିଯୋଗିତାରେ ଭାଗ ନେଇ ସଫଳତା ପାଇଛନ୍ତି । ବେଦାନ୍ତ ଆଲୁମିନିୟମ ପକ୍ଷରୁ ମଧ୍ୟ କଳାହାଣ୍ଡିରୁ ତୀରନ୍ଦାଜରେ ରାଷ୍ଟ୍ରୀୟ ଚାଂପିୟନ ଆଖ୍ୟା ଅର୍ଜନ କରିଥିବା ସିମାଂଚଳ କାଦରକାଙ୍କ ଉପରେ ଏକ ସଂକ୍ଷିପ୍ତ ଫିଲମର ଶୁଭାରମ୍ଭ କରାଯାଇଛି । ଏହି ଫିଲମରେ ଦାରିଦ୍ର୍ୟତା ମଧ୍ୟରୁ ଜଣେ ସଫଳ ତୀରନ୍ଦାଜୀ ହେବାର ଗୌରବ କାହାଣୀକୁ ଉପସ୍ଥାପିତ କରାଯାଇଛି । ଏହାକୁ ଷଗ୍ଧଗ୍ଧକ୍ଟ୍ରଗ୍ଦ://ଚ୍ଚକ୍ଟଙ୍କଗ୍ଧଙ୍କ.ଭର/ମଗ୯ସଘଢ୦ଚ୍ଛ୨ଜଟ ରେ ଦେଖାଯାଇ ପାରିବ ।
ବେଦାନ୍ତରେ କ୍ରୀଡ଼ାକୁ ପ୍ରାଧାନ୍ୟ ଦିଆଯାଉଛି । ଲାଂଜିଗଡ଼ରେ କ୍ରୀଡ଼ା କମିଟି ଜାତୀୟ କ୍ରୀଡ଼ା ଦିବସରେ ଏକ ସପ୍ତାହବ୍ୟାପୀ କ୍ରୀଡ଼ା ଉତ୍ସବ ଆରମ୍ଭ କରିଥିଲା । ଯେଉଁଥିରେ ବାସ୍କେଟବଲ, ଭଲିବଲ, ଥ୍ରୋବଲ, ମାରାଥନ, ୱାକାଥନ ଓ ଅନ୍ୟାନ୍ୟ କ୍ରୀଡ଼ା ଆୟୋଜିତ ହୋଇଥିଲା ।
ବେଦାନ୍ତ ଆଲୁମିନିୟମର ଯୁବକମାନଙ୍କ ପାଇଁ କ୍ରୀଡ଼ା ତାଲିମ ପଦକ୍ଷେପ ସଂପର୍କରେ ଏହାର ସିଇଓ ସୁନିଲ ଗୁପ୍ତା କହିଛନ୍ତିଯେ ଆମର ଯୁବକମାନଙ୍କ ମଧ୍ୟରେ କ୍ରୀଡ଼ା ପ୍ରତିଭାକୁ ଉତ୍ସାହିତ କରିବା ପାଇଁ ଆମେ ପ୍ରୟାସ କରି ଆସୁଛୁ । ଭାରତ ପାଇଁ କେତେକ ପ୍ରମୁଖ ହକି ଖେଳାଳୀ ଓ ଫୁଟବଲ ଖେଳାଳୀ ସୃଷ୍ଟି କରିବାରେ ଓଡ଼ିଶାର ଅବଦାନ ରହିଛି । ସେହିମାନଙ୍କ ପନ୍ଥାକୁ ଅନୁସରଣ କରି ଆମେ ଏହି ଅଂଚଳର ଯୁବକମାନଙ୍କ ମଧ୍ୟରେ ମୌଳିକ ସ୍ତରରୁ ସମାଗ୍ରିକ ବିକାଶ ଆଣିବାକୁ ଚାହିଁଛୁ । ଶ୍ରୀ ଜି.ଜି ପାଲ ଡେପୁଟି ସିଇଓ ଆଲମିନା ବ୍ୟବସାୟ କହିଛନ୍ତିିଯେ ଶିକ୍ଷା, ସ୍ୱାସ୍ଥ୍ୟ ଓ ପୌଷ୍ଟିକ ଖାଦ୍ୟ, କ୍ରୀଡ଼ା, ଦକ୍ଷତା ବିକାଶ ଓ ଅନ୍ୟାନ୍ୟ କ୍ଷେତ୍ରରେ ଆମର ବିକାଶ ମୂଳକ ପଦକ୍ଷେପ ପ୍ରସ୍ତୁତ କରାଯାଇଛି । କଂପାନିର ଏହି ପଦକ୍ଷେପକୁ ପ୍ରଶଂସା କରି ଅଲ ଇଣ୍ଡିଆ ଫୁଟବଲ ଫେଡେରସନ ଭୁବନେଶ୍ୱରର ଲାଇସେନଓ ପ୍ରାପ୍ତ କୋଚ ଶ୍ରୀ ଜୟଦେବ ମହାପାତ୍ର କହିଛନ୍ତିଯେ କ୍ରୀଡ଼ା ଜରିଆରେ ଟିମ ୱାର୍କର ମହତ୍ୱ ବୃଦ୍ଧି ପାଇଥାଏ । ପିଲାମାନଙ୍କୁ ସଫଳ ବ୍ୟକ୍ତିତ୍ୱଧାରୀ ଗଢିତୋଳିବାରେ କ୍ରୀଡ଼ାର ଗୁରୁତ୍ୱ ସର୍ବାଧିକ । ଝାରସୁଗୁଡ଼ାରେ ଫୁଟବଲ ପ୍ରତିଭା ପ୍ରତିପୋଷଣରେ ବେଦାନ୍ତର ଏହି ସମର୍ଥନ ବାସ୍ତବିକ ପ୍ରଶଂସନୀୟ ।
ବେଦାନ୍ତର ଏହି ପ୍ରୟାସ ସଂପର୍କରେ ସରସ୍ୱତୀ ମୁଣ୍ଡା , ସରପଂଚ- ଲାଂଜିଗଡ଼ କହିଛନ୍ତିଯେ ଆମ ଗୋଷ୍ଠୀରେ ଆଶାକର୍ମୀ ତୀରନ୍ଦାଜ ଓ କରୋଟେ ଖେଳାଳୀଙ୍କୁ ବେଦାନ୍ତ ପକ୍ଷରୁ ପ୍ରଚୁର ସମର୍ଥନ ଦିଆଯାଉଥିବାରୁ ମୁଁ କଂପାନିକୁ ପ୍ରଶଂସା କରୁଛି ।
