ଖୋର୍ଦ୍ଧା ରୋଡ଼ ରେଳ ମଣ୍ଡଳ ଦ୍ୱାରା 74ତମ ଗଣତନ୍ତ୍ର ଦିବସ ପାଳନ
ଖୋର୍ଦ୍ଧା: ଖୋର୍ଦ୍ଧା ରୋଡ଼ ସ୍ଥିଥ ରେଲୱେ ଷ୍ଟାଡିୟମ୍ ଠାରେ, ଖୋର୍ଦ୍ଧା ରୋଡ଼ ରେଳ ମଣ୍ଡଳ ଦ୍ୱାରା 74ତମ ଗଣତନ୍ତ୍ର ଦିବସ ପାଳନ କରାଯାଇଛିl ମଣ୍ଡଳ ରେଳ ପ୍ରବନ୍ଧକ ଶ୍ରୀ ରିଙ୍କେଶ ରୟ ଜାତୀୟ ପତାକା ଉତ୍ତୋଳନ କରି ଆରପିଏଫ, ସିବିଲ୍ ଦିଫେନ୍ସ, ସ୍କାଉଟ୍ସ – ଗାଇଡ୍ସ୍ ଏବଂ ରେଲୱେ ସ୍ଛୋଲ୍ ପ୍ଲାଟୁନଙ୍କ ଠାରୁ ଗାର୍ଡ ଅଫ୍ ଅନର ନେଇଥିଲେ।
74ତମ ଗଣତନ୍ତ୍ର ଦିବସ ଅବସରରେ ଶ୍ରୀ ରିଙ୍କେଶ ରୟ ମଣ୍ଡଳର ସମସ୍ତଙ୍କୁ ଅଭିନନ୍ଦନ ଜଣାଇଥିଲେ ଏବଂ ଆମର ସମ୍ବିଧାନ ଗଠନ କରିଥିବା ମହାନ ନେତାମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ | ଚଳିତ ବର୍ଷରେ ମଣ୍ଡଳ ର ସଫଳତାକୁ ମୂଲ୍ୟାଙ୍କନ କରିଥିଲେ । ଅଧିକାରୀ ଏବଂ କର୍ମଚାରୀଙ୍କ ଆନ୍ତରିକ ଉଦ୍ୟମ ଏବଂ କଠିନ ପରିଶ୍ରମ ହେତୁ ଖୋର୍ଦ୍ଧା ରୋଡ଼ ରେଳ ମଣ୍ଡଳ ଭାରତୀୟ ରେଳବାଇରେ ଉଛ ସ୍ଥାନ ହାସିଲ କରି ପାରୁଛି ବୋଲି ସେ କହିଛନ୍ତି।ଖୋର୍ଦ୍ଧା ରୋଡ ରେଳ ମଣ୍ଡଳ ଦ୍ଵାରା ସର୍ବୋପରି ଲକ୍ଷ୍ୟ ହାସଲ କରିବା ପାଇଁ ସେ ସମସ୍ତ କର୍ମଚାରୀଙ୍କୁ ସମାନ ଧରଣର ଉତ୍ସର୍ଗୀକୃତ ଏବଂ ସହଯୋଗ ସହ କାର୍ଯ୍ୟ କରିବାକୁ ଅନୁରୋଧ କରିଥିଲେ |
ଏହି ଅବସରରେ ଉତ୍କଳ ପବ୍ଲିକ୍ ସ୍କୁଲର ପିଲାମାନେ, ସ୍କାଉଟ୍ସ-ଗାଇଡ୍ ଏବଂ କର୍ମଚାରୀଙ୍କ ଦ୍ୱାରା ଏକ ରଙ୍ଗୀନ ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା। ପ୍ୟାରେଡ ଏବଂ ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ଦଳମାନଙ୍କୁ, ମଣ୍ଡଳ ରେଳ ପ୍ରବନ୍ଧକ ଦ୍ଵାରା ନଗଦ ପୁରସ୍କାର ଘୋଷଣା କରାଯାଇଥିଲା। ଖୋର୍ଦ୍ଧା ରୋଡ ମଣ୍ଡଳର ସମସ୍ତ ବିଭାଗକୁ ମଧ୍ୟ ନଗଦ ପୁରସ୍କାର ପ୍ରଦାନ କରାଯାଇଥିଲା।
ଏହି ଅବସରରେ ପୂର୍ବ ତଟ ରେଲୱେ ମହିଳା କଲ୍ୟାଣ ସଂଗଠନ, ଖୋର୍ଦ୍ଧା ରୋଡ ର, ସଭାନେତ୍ରୀ ଶ୍ରୀମତୀ ଶୁଭଲକ୍ଷ୍ମୀ ଜେନା, ମଣ୍ଡଳର ଅତିରିକ୍ତ ରେଳ ପ୍ରବନ୍ଧକ(ଇନଫା) ଶ୍ରୀ ଅଶୋକ କୁମାର , ମଣ୍ଡଳର ସମସ୍ତ ଶାଖା ଅଧିକାରୀ ଏବଂ ପୂର୍ବ ତଟ ରେଲୱେ ମହିଳା କଲ୍ୟାଣ ସଂଗଠନର ସଦସ୍ୟା ମାନେ ଉପସ୍ଥିତ ଥିଲେ |
