ଦାମନଯୋଡିଠାରେ ନାଲକୋ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକଙ୍କ ଦ୍ୱାରା ପତାକା ଉତ୍ତୋଳନ
ଭୁବନେଶ୍ୱର / କୋରାପୁଟ, ୨୬ଜାନୁଆରୀ୨୦୨୩: ଭାରତ ସରକାରଙ୍କ ଖଣି ମନ୍ତ୍ରାଳୟ ଅଧୀନରେ ଥିବା ନବରତ୍ନ ସିପିଏସଇ ‘ନାଲକୋ’ର କର୍ପୋରେଟ କାର୍ଯ୍ୟାଳୟ, ଏହାର ସମସ୍ତ ଉତ୍ପାଦନ ୟୁନିଟ, ଏବଂ କ୍ଷେତ୍ରୀୟ କାର୍ଯ୍ୟାଳୟ ଗୁଡିକରେ ମହାନ ଦେଶପ୍ରେମ ଭାବନା ସହ ୭୪ ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। କୋରାପୁଟ ଜିଲ୍ଲାର ଦାମନଯୋଡିଠାରେ ଥିବା ଖଣି ଓ ପରିଶୋଧନ ପ୍ରକଳ୍ପରେ କମ୍ପାନୀର ଅଧ୍ୟକ୍ଷ ତଥା ପରିଚାଳନା ନିର୍ଦେଶକ ଶ୍ରୀ ଶ୍ରୀଧର ପାତ୍ର ଯୋଗ ଦେଇ ଜାତୀୟ ପତାକା ଉତ୍ତୋଳନ କରିଥିଲେ।
ନିଜ ଅଭିଭାଷଣରେ, ରାଷ୍ଟ୍ର ନିର୍ମାଣରେ ନାଲକୋର ସାମୁହିକ ଉଦ୍ୟମକୁ ଶ୍ରୀ ପାତ୍ର ପ୍ରଶଂସା କରିବା ସହ ନାଲକୋକୁ ବ୍ୟବସାୟିକ ଉତ୍କର୍ଷର ପରବର୍ତ୍ତୀ ସ୍ତରକୁ ନେବା ପାଇଁ ନୂତନ ଉତ୍ସର୍ଗିକୃତତା, ଅନୁଶାସନ ଏବଂ ସଂକଳ୍ପ ସହିତ କାର୍ଯ୍ୟ କରିବା ପାଇଁ ଆହ୍ୱାନ ଦେଇଥିଲେ ଯାହା “ଆତ୍ମନିର୍ଭର ଭାରତ” ର ସ୍ବପ୍ନ ସାକାର କରିବାରେ ସହାୟକ ହେବା ସହ ଏକବିଂଶ ଶତାବ୍ଦୀର ନୂତନ ଭାରତ ନିର୍ମାଣ ଦିଗରେ ଯୋଗଦାନ କରିବ। ଭୁବନେଶ୍ୱରସ୍ଥିତ ମୁଖ୍ୟାଳୟରେ କମ୍ପାନୀର ପୂର୍ବତନ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀ ସି.ଆର. ପ୍ରଧାନ ଜାତୀୟ ପତାକା ଉତ୍ତୋଳନ କରିଥିଲେ ।
