ମୁଁ…!!!

ମୁଁ ଏକ …
ଆତ୍ମ ବଡିମାର ବାଲି ଘରଟିଏ
ହିମ ଶିଖର ରେ ଅଗ୍ନି ସିଖାଟିଏ
ନଷ୍ଟ ଉଗ୍ର ଅହଂ ସନ୍ତ୍ରାସବାଦ ର
ଏକ କଦର୍ଯ୍ୟ ବୃଥା ଆସ୍ଫାଳନଟିଏ ।
ଯିଏ ସୁସ୍ଥ ମନରେ କରେନା କେବେ
ନିଜକୁ ବିଶ୍ଳେଷଣ ଅବା ଅନୁଶୀଳନ
ବରଂ ମାରେ ଉଦ୍ଦାମ କୁହାଟେ
ସ୍ୱାର୍ଥ ସର୍ବସ୍ବ ଓ ନିଜ ସର୍ବନାଶର
ବୈଭବ ପ୍ରତିପତ୍ତି ଦିଣ୍ଡିମ ଗର୍ବରେ ।
ସକଳ ଅନିଶ୍ଚିନ୍ତତା ମଧ୍ୟରେ ଏଠି
ମୁଁ ଖାଲି ଘୁରିବୁଲେ ଅଜ୍ଞାନରେ
ସଙ୍ଗେ ଧରି ଦର୍ପ ଧମ୍ଭ ଅହାମିକା ଥାଟ
ଭୁଲି ଦିବ୍ୟ ଚେତନାର ଆତ୍ମଜ୍ଞାନ ।
ପରମାତ୍ମାଙ୍କ ଅଂଶବିଶେଷ ହୋଇ
ପାସୋରିଯାଏ ଏ ଦୁର୍ଲଭ ଜନ୍ମ ଓ
ଜୀବନର ଉଦ୍ଦେଶ୍ୟ ଓ ରହସ୍ୟ ।
ନୀରବ ନିଃଶ୍ଚଳ ନଶ୍ୱର ଆତ୍ମଲିପି
ଶାଶ୍ଵତ ନିଗୁଡ ନିଃସ୍କାମ କର୍ମ ଛାଡ଼ି
ଧାଉଁଥାଏ ଅମଣିଷ ଆବେଗ ପଣରେ
ଏଣେତେଣେ ଉଜାଣୀ ଉତ୍ତଳେ
ଖୋଜେନାହିଁ ଭଜେନାହିଁ ଓଁ ର
ତାତ୍ୱିକ ଅମୃତ ଆଧ୍ୟାତ୍ମିକ ଜ୍ଞାନ
ଲିପ୍ତରହେ ବାଚାଳର ମୂଢ ମନେ
ସାର୍ଥକତା ଲଭେ ନାହିଁ ତେଣୁ ।

ଛବିରାଣୀ ପତି , ମଧ୍ୟଶାସନ
ବିରିଡ଼ି , ଜଗତସିଂହପୁର