ମା’ ତାରେଣୀଙ୍କ ପୀଠରେ ୭୨ତମ ବିଶ୍ୱଶାନ୍ତି ମହାଯଜ୍ଞ
ଭୁବନେଶ୍ୱର, ତା ୧୧ା୪ : ଚଳିତ ଚୈତ୍ରମାସ ଶୁକ୍ଳପକ୍ଷ ମା’ ତାରେଣୀ ଚାରିଟେବୁଲ୍ ଟ୍ରଷ୍ଟ ପକ୍ଷରୁ ୟୁନିଟ୍-୩, ଖାରବେଳ ନଗର ଅଞ୍ଚଳରେ ପଣାସଂକ୍ରାନ୍ତି ଅବସରରେ ୭୨ତମ ବିଶ୍ୱଶାନ୍ତି ମହାଯଜ୍ଞ ଆଜିଠାରୁ ୧୩ ତାରିଖ ପର୍ଯ୍ୟନ୍ତ ଚାରି ଦିନ ଧରି ଯଥାବିଧି ଅନୁଷ୍ଠିତ ହେବ । ୧୧ ତାରିଖରେ ଅଙ୍କୁରାରୋପଣ, ମଣ୍ଡଳ ଅଧିବାସ, ୧୨ ତାରିଖରେ ଜଳଧିବାସ, ଅଗ୍ନିସ୍ଥାପନ, ମଣ୍ଡଳାଧିପୂଜା ଓ ଭଜନ ପରିବେଷଣ, ୧୩ ତାରିଖରେ ସୂର୍ଯ୍ୟପୂଜା, ମଣ୍ଡଳାଧିପୂଜା ସପ୍ତଚଣ୍ଡୀ ହବନ ଓ ପାଲା ପରିବେଷଣ କରାଯିବା ସହ ୧୪ତାରିଖରେ ସୂର୍ଯ୍ୟପୂଜା, ଗୋ-ପୂଜା, ହନୁମାନ ସ୍ନାନଦିପୂଜା, ଭଗବତ ଗୀତାରେ ହବନ ଓ ପୂର୍ଣ୍ଣାହୂତି ଆଦି କାର୍ଯ୍ୟକ୍ରମ ଅନୁଷ୍ଠିତ ହେବ । ବରିଷ୍ଠ ପ୍ରଶାସକ ଗଣେଶ୍ୱର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପଦେଷ୍ଟା ତଥା ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ କୁମାର ମହାନ୍ତି ଓ ସନତ୍ ମିଶ୍ର, ମନ୍ଦିରର ପୂଜକ ସନାତନ ନାୟକ ଓ ବସନ୍ତ ରଥ, ମନ୍ଦିର ଟ୍ରଷ୍ଟର ସଭାପତି ବିଦ୍ୟାଧର ମିଶ୍ର ଓ ସମ୍ପାଦକ ଦିଲ୍ଲୀପ କୁମାର ମିଶ୍ର, କୋଷାଧ୍ୟକ୍ଷ ଈଶ୍ୱର କୁମାର ମୂର୍ତ୍ତି, ପୃଷ୍ଟପୋଷକ ପୂର୍ଣ୍ଣଚନ୍ଦ୍ର ବରାଳ, ବିଶ୍ୱଜିତ୍ ମହାନ୍ତି ଓ ଅକ୍ଷୟ କୁମାର ମହାନ୍ତି ପ୍ରମୁଖ ଅଂଶଗ୍ରହଣ କରିଥିଲେ ।
