ଏକାଦଶତମ ଜାତୀୟ ଭୋଟର ଦିବସ ପାଳିତ

ଖୋର୍ଦ୍ଧା : ୨୫/୦୧(ପ୍ରବାହ ନିଉଜ୍) ଖୋର୍ଦ୍ଧା ଜିଲ୍ଲା ସଦର ମହକୁମା ଠାରେ ଏକାଦଶତମ ଜାତୀୟ ଭୋଟର ଦିବସ ପାଳିତ ଅବସରରେ ଜିଲ୍ଲା ସଂସ୍କୃତି ଭବନ ଠାରୁ ଏକ ସଚେତନତା ରାଲି ବାହାରି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା ।


ଜିଲ୍ଲାପାଳ ସନତ କୁମାର ମହାନ୍ତି ଓ ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର ଏହି ସଚେତନତା ରାଲିର ଶୁଭାରମ୍ଭ କରିଥିଲେ । ଅତିରିକ୍ତ ଜିଲ୍ଲାପାଳ ମନୋଜ କୁମାର ପାଢୀ, ଉପଜିଲ୍ଲାପାଳ ଅଶୋକ କୁମାର ବେହୁରିଆ, ଡ଼େପୁଟି କଲେକ୍ଟର ନିର୍ବାଚନ କୁମୁଦିନି ସୁବୁଦ୍ଧି, ପୌର ପରିଷଦର ନିର୍ବାହୀ ଅଧିକାରିଣୀ ଶ୍ଵେତପଦ୍ମା ଡ଼ି.ଶତପଥୀ, ଜିଲ୍ଲାକ୍ରୀଡ଼ା ଅଧିକାରୀ ଓ ଜିଲ୍ଲାପାଳ କାର୍ଯ୍ୟାଳୟ ର ବିଭିନ୍ନ ଅଧିକାରୀଙ୍କ ସମେତ ବୁଥ ଲେଭଲ ଅଧୁକାରୀ ଓ  ନୂତନ ଭାବେ ସାମିଲ ହୋଇଥିବା ଭୋଟର ମାନେ ଯୋଗ ଦେଇଥିଲେ ।

କାର୍ଯ୍ୟାଳୟର ସମ୍ମିଳନୀ କକ୍ଷରେ ଜିଲ୍ଲାପାଳ ସନତ କୁମାର ମହାନ୍ତି ମତଦାତାଙ୍କ ସଙ୍କଳ୍ପ ପାଠ ନୂତନ ଭୋଟର ମାନଙ୍କୁ ଭୋଟର ପରିଚୟ ପତ୍ର ପ୍ରଦାନ କରିଥିଲେ ।

Leave a Reply

Your email address will not be published. Required fields are marked *