ସଡ଼କ ସୁରକ୍ଷା ପାଳନ ଅବସରରେ ଖୋର୍ଦ୍ଧା ଜିଲ୍ଲା ପ୍ରଶାସନ ର ସାଇକେଲ ସଚେତନତା ରାଲି

ଖୋର୍ଦ୍ଧା : ୨୪/୦୧ (ପ୍ରବାହ ନିଉଜ୍) ଏ ବର୍ଷ ପ୍ରଥମ କରି ସଡ଼କ ସୁରକ୍ଷା ଉତ୍ସବ କୁ ସପ୍ତାହକ ବଦଳରେ ମାସ ଧରି ପାଳନ କରିବାକୁ ରାଜ୍ୟ ସରକାର ଘୋଷଣା କରିଥିଲେ । ଏଥିନେଇ ସାରା ଓଡ଼ିଶାରେ ସଡ଼କ ସୁରକ୍ଷା କୁ ନେଇ ବିଭିନ୍ନ ସଚେତନତା ଅଭିଯାନ ପାଳନ କରାଯାଉଛି ।

ସଡ଼କ ସୁରକ୍ଷା ଉତ୍ସବ ପାଳନ ଅବସରରେ ଆଜି ସପ୍ତମ ଦିବସରେ ଆଜି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ସ୍ଲାଇକ୍ଲୋଥନ ନାମରେ ଏକ ସାଇକେଲ ରାଲି ଆୟୋଜିତ ହୋଇଯାଇଛି ।ଜିଲ୍ଲାପାଳ ଶ୍ରୀଯୁକ୍ତ ସନତ କୁମାର ମହାନ୍ତି ଆଜି ସକାଳ ୭ଟା ସମୟରେ ପତାକା ଦେଖାଇ ଏହି ଟ୍ରାଫିକ  ସଚେତନତା ସାଇକେଲ ରାଲିର ଶୁଭାରମ୍ଭ କରିଥିଲେ ।

ଏହି କାର୍ଯ୍ୟକ୍ରମରେ ଜିଲ୍ଲାପାଳ ସନତ କୁମାର ମହାନ୍ତିଙ୍କ ସମେତ ଜିଲ୍ଲା ଆରକ୍ଷୀ ଅଧିକ୍ଷକ ଅଜେୟ ପ୍ରତାପ ସ୍ୱାଇଁ ଏବଂ ଜିଲ୍ଲା ପରିବହନ ଅଧିକାରୀ ପ୍ରମୁଖ ଉପସ୍ଥିତ ରହି ଏହି ସାଇକେଲ ରାଲିରେ ଯୋଗ ଦେଇଥିବା ସମସ୍ତ ଆରୋହୀଙ୍କୁ ସମ୍ବୋଧିତ କରିଥିଲେ। ଏହି ସାଇକେଲ ରାଲିରେ ଅଂଶଗ୍ରହଣ କରିଥିବା ଯୁବବର୍ଗ, ପୋଲିସ ଅଧିକାରୀଙ୍କ ସହ ସାଧାରଣ ଜନତା ସାଇକେଲ ଚଳାଇ ଖୋର୍ଦ୍ଧା ସହରରେ
ସଚେତନତା ର ବାର୍ତ୍ତା ବାଣ୍ଟିଥିଲେ।

ଶେଷରେ ସଡ଼କ ସୁରକ୍ଷା କୁ ନେଇ ଜିଲ୍ଲାପାଳ ଙ୍କ କାର୍ଯ୍ୟାଳୟ ପରିସରରେ କବିରାଜ ପ୍ରଧାନ ଓ ସହଯୋଗୀଙ୍କ ଦ୍ୱାରା ଏକ ସାଂସ୍କୃତିକ କାର୍ଯ୍ୟକ୍ରମର  ମଧ୍ୟ ଆୟୋଜନ କରାଯାଇଥିଲା ।