ଜିଲ୍ଲା ଶିଶୁ ସୁରକ୍ଷା ୟୁନିଟ୍ର ମୁଖ୍ୟମନ୍ତ୍ରୀଙ୍କୁ ସ୍ମାରକପତ୍ର
ଖୋର୍ଦ୍ଧା : ୨୨/୦୨/୨୦୨୧ ଭାରତ ଏକ ଜନମଙ୍ଗଳ ରାଷ୍ଟ୍ର । କିନ୍ତୁ “ଦେଶକେ ଫାଙ୍କ… ନଇକେ ବାଙ୍କ” ଭଳି ଭିନ୍ନ ରାଜ୍ୟରେ ଭିନ୍ନ ନିୟମ । ଏହାର ଉଦାହରଣ ଓଡ଼ିଶାର ଚୁକ୍ତିଭିଭିକ କର୍ମଚାରୀଙ୍କ କ୍ଷେତ୍ରରେ ଦେଖିବାକୁ ମିଳିଛି । ଦେଶର ଅନ୍ୟ ରାଜ୍ୟ ମାନଙ୍କରେ ଗୋଟିଏ ନିୟମ ହୋଇଥିବା ବେଳେ ଓଡ଼ିଶାରେ କିନ୍ତୁ ଭିନ୍ନ । ଜିଲ୍ଲା ଶିଶୁ ସୁରକ୍ଷା ୟୁନିଟ୍ ଅଧୀନରେ କାର୍ଯ୍ୟରତ ଚୁକ୍ତିଭିତିକ କର୍ମଚାରୀମାନେ ୨୦୧୩ ମସିହା ଠାରୁ ଜିଲ୍ଲାର ଅବହେଳିତ ଶିଶୁ ମାନଙ୍କ ପାଇଁ ମହିଳା ଓ ଶିଶୁ
ବିକାଶ ଏବଂ ମିଶନ ଶକ୍ତି ବିଭାଗ, ଓଡ଼ିଶା ସରକାରଙ୍କ ଅଧୀନରେ ଦୀର୍ଘ ୮ବର୍ଷ ରୁ ଉର୍ଦ୍ଧ୍ବ ସମୟ ଧରି ଏଥିରେ କାର୍ଯ୍ୟରତ ଥିବା କର୍ମଚାରୀମାନେ ନିଷ୍ଠାର ସହିତ କାର୍ଯ୍ୟ କରି ଆସୁଛନ୍ତି । ସମସ୍ତ କର୍ମଚାରୀ ସରକାରଙ୍କ ଚୁକ୍ତିଭିତ୍ତିକ ନିୟମାବଳୀ ଅନୁଯାୟୀ ନିଯୁକ୍ତି ପାଇଛନ୍ତି । ଦୀର୍ଘ ୮ବର୍ଷ ଧରି କାମ କରି ଆସୁଥିଲେ ମଧ୍ୟ ସେମାନଙ୍କୁ ଚାକିରିରେ ନିୟମିତ କରିବାକୁ ରାଜ୍ୟ ସରକାରଙ୍କ ପକ୍ଷରୁ କୌଣସି ପ୍ରକାର ପଦକ୍ଷେପ ଗ୍ରହଣ କରାଯାଉନାହିଁ । ଏ ସଂକ୍ରାନ୍ତରେ ବିଭିନ୍ନ ମହଲରେ ଦାବି କରିଆସୁଥିଲେ ମଧ୍ୟ ପ୍ରଶାସନିକ ସ୍ତରରେ ଏ ନେଇ କୌଣସି ଆନ୍ତରିକତା ନାହିଁ । ଖୁବ କମ୍ ପାରିଶ୍ରମିକରେ କାର୍ଯ୍ୟ କରୁଥିବା ଏହି କର୍ମଚାରୀମାନେ ଆଜି ପର୍ଯ୍ୟନ୍ତ ଅବହେଳିତ ହୋଇ ରହିଛନ୍ତି । ଅନ୍ୟାନ୍ୟ ରାଜ୍ୟରେ ଏହି ବିଭାଗରେ କାର୍ଯ୍ୟ କରୁଥିବା କର୍ମଚାରୀମାନଙ୍କୁ ନିୟମିତ କରାଯାଉଥିବା ବେଳେ ବଦ୍ଧିତ ବେତନ ପ୍ରଦାନ କରାଯାଉଛି । କର୍ମଚାରୀମାନେ ଅବହେଳାର ଶିକାର ହେଉଥିବା ଅଭିଯୋଗ କରିବା ସହ ଆଜି ଜିଲ୍ଲାପାଳ ଶ୍ରୀଯୁକ୍ତ ସନତ କୁମାର ମହାନ୍ତିଙ୍କୁ ଭେଟି ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ ବେଳେ କ୍ଷୋଭର ସହିତ ଏହା ପ୍ରକାଶ କରିଛନ୍ତି ।
