ଖୋର୍ଦ୍ଧା ପୌରପରିଷଦର ବଡ଼ଖାନା କାର୍ଯ୍ୟକ୍ରମ
ଖୋର୍ଦ୍ଧା : ୧୯/୦୨/୨୦୨୧ : ଖୋର୍ଦ୍ଧା ପୌର ପରିଷଦ ଦ୍ୱାରା ସ୍ଥାନୀୟ ବିଡିଏ କଲୋନୀ ସ୍ଥିତ କଲ୍ୟାଣ ମଣ୍ଡପରେ ସ୍ବଚ୍ଛତାକୁ ନେଇ ସମସ୍ତ ସଫେଇ କର୍ମଚାରୀ, ସ୍ୱାସ୍ଥ୍ୟସାଥୀ, ସଫେଇ କାର୍ଯ୍ୟରେ ନିୟୋଜିତ ସୁପରଭାଇଜର ଓ ଡ୍ରାଇଭରଙ୍କ ମନୋବଳବୃଦ୍ଧି ଏବଂ ଉତ୍ସାହିତ କରିବା ନିମନ୍ତେ ଶୁକ୍ରବାର ଏକ ବଡ଼ଖାନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ପୌରପରିଷଦ ନିର୍ବାହୀ ଅଧିକାରୀ ଶ୍ୱେତପଦ୍ମା ଡି ଶତପଥିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲାପାଳ ଶ୍ରୀଯୁକ୍ତ ସନତ କୁମାର ମହାନ୍ତି, ସ୍ଥାନୀୟ ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଦିଗନ୍ତ ରାଉତରାୟ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ରହି ସଫେଇ କାର୍ଯ୍ୟକୁ ନିଷ୍ଠାପର ଭାବରେ କରୁଥିବା ସଫେଇ କର୍ମଚାରୀ ଓ ଡ୍ରାଇଭରଙ୍କ ସମେତ ଏଥିରେ ନିୟୋଜିତ ଥିବା ସମସ୍ତ କର୍ମଚାରୀ ଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ ।
କାର୍ଯ୍ୟକ୍ରମ ରେ ଉପସ୍ଥିତ ଅତିଥି ମାନେ ପ୍ରତ୍ୟେକ ନିଜ ବକ୍ତବ୍ୟରେ ନିଜକୁ କେହି ସାନବଡ ନ ଭାବି ଆମେ ସମସ୍ତେ ସମସ୍ତଙ୍କୁ ସମାନ ନଜରରେ ଦେଖିବା । ସହର ପରିମଳ ଏକୁଟିଆ କରିବା ଅସମ୍ଭବ । ଏଥିପାଇଁ ସମସ୍ତଙ୍କ ସହଯୋଗ ଲୋଡ଼ା ବୋଲି ମତଦେଇଥିଲେ ।
ପରେ ସଫେଇ ଓ ସ୍ଵଚ୍ଛସାଥୀଙ୍କୁ ଜିଲ୍ଲାପାଳ, ବିଧାୟକ, ପ୍ରକଳ୍ପ ନିର୍ଦେଶକ ଓ ପୌର ପରିଷଦ ଅଧିକାରୀ ଖାଦ୍ୟ ପରିବେଷଣ କରିବା ସହିତ ମିଳିତ ଭାବେ ଭୋଜନ କରିଥିଲେ ।
ପରିଶେଷରେ ବିଧାୟକ ଶ୍ରୀ ଜିତୁ ମିତ୍ର ପୌର ପରିଷଦକୁ ଆସିଥିବା ପାଞ୍ଚଟି ନୂଆ ଆବର୍ଜନା ବୁହା ଗାଡିକୁ ପତାକା ଦେଖାଇ ଉଦ୍ଘାଟନ କରିଥିଲେ।
