ସର୍ବ ଭାରତୀୟ ଖୋର୍ଦ୍ଧା କପ୍ ଟି-୨୦ କ୍ରିକେଟ୍ ଉଦ୍ଘାଟନୀ ଉତ୍ସବରେ ଯୋଗ ଦେଲେ ଆନ୍ତର୍ଜାତିକ ସ୍ତରର ଖେଳାଳି ସବା କରିମ ଓ ଦେବାଶିଷ ମହାନ୍ତି
ଖୋର୍ଦ୍ଧା : ୦୪/୦୪/୨୦୨୧ : ସ୍ଥାନୀୟ ବିଜେବି ହାଇସ୍କୁଲ ଖେଳ ପଡ଼ିଆରେ ନିର୍ମିତ ମିନି ଷ୍ଟାଡ଼ିୟମରେ ଆରମ୍ଭ ହୋଇଥିବା ଚତୁର୍ଥ ବର୍ଷ ସର୍ବଭାରତୀୟ ରାତ୍ରିକାଳୀନ ଖୋର୍ଦ୍ଧା କପ୍ ଟି-୨୦ କ୍ରିକେଟ୍ ଟୁର୍ଣ୍ଣାମେଣ୍ଟର ଉଦଘାଟନୀ ଉତ୍ସବରେ ଆର୍ନ୍ତଜାତିକ ଖ୍ୟାତି ସଂପର୍ଣ୍ଣ କ୍ରିକେଟ୍ ଖେଳାଳୀ ସୟଦ ସବା କରିମ୍, ଦେବାଶିଷ ମହାନ୍ତି, ସ୍ଥାନୀୟ ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ବେଗୁନିଆ ବିଧାୟକ ତଥା ଖୋର୍ଦ୍ଧା ଜିଲ୍ଲା କ୍ରିକେଟ୍ ଆସୋସିଏସନ ର ସଭାପତି ରାଜେନ୍ଦ୍ର ସାହୁ, ଉପ ସଭାପତି ଜୟନ୍ତ ରାୟ, ସମ୍ପାଦକ ତଥା ଓସିଏର କୋଷାଧ୍ୟକ୍ଷ ବିକାଶ ପ୍ରଧାନ ପ୍ରମୁଖ ଯୋଗଦେଇ ଆରମ୍ଭ ହୋଇଥିବା ଖୋର୍ଦ୍ଧାକପ କୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ ।
ଏଥିସହ କୁନି କୁନି ପିଲାମାନଙ୍କ ମଧ୍ୟରେ କ୍ରିକେଟ୍ ପ୍ରତିଭାକୁ ଅଧିକ ଜାଗୃତ କରାଇବା ପାଇଁ ଖୋର୍ଦ୍ଧାରେ ଏକ କ୍ରିକେଟ୍ ଏକାଡ଼େମୀର ଶୁଭାରମ୍ଭ କରିଥିଲେ । ପ୍ରାରମ୍ଭ ଦିବସରେ ଭୁବନେଶ୍ୱରର ରାମେଶ୍ୱର ସ୍ପୋର୍ଟିଂ ଓ ଖୋର୍ଦ୍ଧା ଜିଲ୍ଲା ଏକାଦଶ ଯୋଗଦେଇଥିଲେ ।
ଟସ ଜିଣି ରାମେଶ୍ୱର ସ୍ପୋର୍ଟିଂ ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲେ । ଦଳ ୧୮ ଓଭର ୧ ବଲ ରେ ୪ଟି ୱିକେଟ୍ ହରାଇ ୧୨୮ରନ କରିଥିଲା । କିନ୍ତୁ ଦ୍ୱିତୀୟ ଇନିଂସ ଆରମ୍ଭ ହେବା ପୂର୍ବରୁ ଅଚାନକ କାଳବୈଶାଖିର ତାଣ୍ଡବଲୀଳା ଦେଖିବାକୁ ମିଳିଥିଲା । ଅଗତ୍ୟା ପରିଚାଳନା କମିଟି ବାଧ୍ୟ ହୋଇ ମ୍ୟାଚ ବାତିଲ କରିବା ସହିତ ବାତିଲ ହୋଇଥିବା ମ୍ୟାଚକୁ ଆସନ୍ତାକାଲିର ଖେଳ ସୂଚୀରେ କୌଣସି ପରିବର୍ତ୍ତନ ନ କରି ପୁର୍ନବାର ଖେଳାଯିବା ନେଇ କମିଟିର କୋଷାଧ୍ୟକ୍ଷ ଚଣ୍ଡିପ୍ରସାଦ ଆଚାର୍ଯ୍ୟ ସୂଚନା ଦେଇଛନ୍ତି।
ଆଜିର ମ୍ୟାଚକୁ ସନ୍ଦୀପ ପଟ୍ଟନାୟକ ଓ ପ୍ରୀତିରଞ୍ଜନ ବିଜୟସିଂହ ପରିଚାଳନା କରିଥିବା ବେଳେ କାଜଲ ବଳିୟାରସିଂହ ମ୍ୟାଚ୍ ରେଫରି କାର୍ଯ୍ୟ ତୁଲାଇଥିଲେ ।
