କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ର ‘ଗୋଟିଏ ଫୁଲ କୋଟିଏ କଥା’
ଭୁବନେଶ୍ୱର,(ପ୍ରବାହ ନ୍ୟୁଜ୍) : ତା ୧୨ା୩ : କେରଳରେ ମାର୍ଚ୍ଚ ୧୭ ତାରିଖରେ ଅନୁଷ୍ଠିତ କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ର ପ୍ରତିଯୋଗିତାରେ ସଂସ୍କୃତି ଓ ସଂସ୍କୃତି ନିବେଦିତ, ଦିଲ୍ଲୀପ ହାଲି ପ୍ରଯୋଜିତ କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ର “ଗୋଟିଏ ଫୁଲ କୋଟିଏ କଥା” ଜୁରୀମାନଙ୍କ ଦ୍ୱାରା ମନୋନୀତ ହୋଇଛି । ଫୁଲ ସମ୍ପର୍କରେ ଏକ ଶିକ୍ଷଣୀୟ ପରିବେଶ ଭିତ୍ତିକ ବିଷୟବସ୍ତୁ ଉପରେ ଏହି ପ୍ରାମାଣିକ ଚଳଚ୍ଚିତ୍ରଟି ନିର୍ମିତ ହୋଇଛି । ଏହାର ପରିକଳ୍ପନା ଓ ନିର୍ଦ୍ଦେଶନା ଦେଇଛନ୍ତି ରାଜଗୋପାଳ ସିଂହ । ସଂଗୀତ- ବିକାଶ ଦାସ, ସମ୍ପାଦନା- କୁମାରସାନୁ ପତି, ବର୍ଣ୍ଣନା- ସୁଲଗ୍ନା ରାଉତରାୟ । ଏହି ପ୍ରାମାଣିକ ଚଳଚ୍ଚିତ୍ରଟି ଦୂରଦର୍ଶନ କାର୍ଯ୍ୟକ୍ରମରେ ୧୬ ଡିସେମ୍ବରରେ ପ୍ରଦର୍ଶିତ ହୋଇ ଦର୍ଶକମାନଙ୍କ ଦ୍ୱାରା ବିଶେଷ ଆଦୃତଲାଭ କରିଥିଲା ।
