କେନ୍ଦୁଝର ଜିଲ୍ଲାର କଳିଙ୍ଗ ଦୁର୍ଗାପୂଜା ଶାନ୍ତିଶୃଙ୍ଖଳା ସହ ଶେଷ ହୋଇଥିବାବେଳେ, ଆଜି ରାବଣ ପୋଡି ଖୁବ ଧୂମଧାମରେ ପାଳିତ ହୋଇଯାଇଛି

କେନ୍ଦୁଝର ଜିଲ୍ଲାର ସବୁଠୁ ବ୍ୟୟ ବହୁଳ କଳିଙ୍ଗ ଦୁର୍ଗାପୂଜା ଶାନ୍ତିଶୃଙ୍ଖଳା ସହ ଶେଷ ହୋଇଥିବାବେଳେ, ଆଜି ରାବଣ ପୋଡି ଖୁବ ଧୂମଧାମରେ ପାଳିତ ହୋଇଯାଇଛି। ବଡ଼ବିଲ ଅଂଚଳର ଜଣାଶୁଣା ଗ୍ରାଫିକ ଡିଜାଇନର ମକରଧ୍ୱଜ ବାଗ ଓ ଏମଡି ଇମ୍ରାନ ଆଂଶାରୀ ୫୦ ଫୁଟ ଉଚ୍ଚର ରାବଣ ପ୍ରତିମା ନିର୍ମାଣ କରିଥିଲେ। ଆଜି ସନ୍ଧ୍ୟାରେ କଳିଙ୍ଗ ଓଏମସି ଦୁର୍ଗାପୂଜା କମିଟିର ସଭାପତି ତଥା ଓଏମସି କମ୍ପାନୀର ଆଞ୍ଚଳିକ ଅଧିକାରୀ, ବଡ଼ବିଲ ଅବନୀକାନ୍ତ ପ୍ରଧାନ ପୂଜାର୍ଚ୍ଚନା କରିବାପରେ ପରମ ପ୍ରତାପୀ ଦାନବରାଜ ରାବଣଙ୍କ ଫଟୋ ଉପରକୁ ବାଣ ମାରିଥିଲେ।

ସୁଦୂର କଟକ ଜିଲ୍ଲା, ସାଲେପୁର ଅଂଚଳର ବାଣ କାରିଗର ବିପିନ ବେହେରା ରାବଣଙ୍କୁ ମାରିବାପାଇଁ ବିଭିନ୍ନ ରକମର ରଙ୍ଗୀନ ବାଣ ପ୍ରସ୍ତୁତ କରିଥିଲେ। ଓଏମସି କମ୍ପାନୀର ଆଞ୍ଚଳିକ ଅଧିକାରୀ ତଥା କଳିଙ୍ଗ ଦୁର୍ଗାପୂଜା କମିଟିର ସଭାପତି ଅବନିକାନ୍ତ ପ୍ରଧାନଙ୍କ ପ୍ରତ୍ୟକ୍ଷ ତତ୍ୱବାଧାନରେ କାର୍ଯ୍ୟ ସଞ୍ଚାଳନ କରାଯାଇଥିବାବେଳେ, ଉପଦେଷ୍ଟା ଗୁଗୁନ ଡି., ଅଭିମନ୍ୟୁ ବେହେରା, ରଞ୍ଜନ କୁମାର ବେହେରା, ବଡ଼ବିଲ ଥାନା ଅଧିକାରୀ ରମାକାନ୍ତ ମୁଦୁଲି, ଓଏମସି କମ୍ପାନୀର ସୁରକ୍ଷା ଅଧିକାରୀ ସନାତନ ବେହେରା, ନିରୋଜ କୁମାର, ନରେନ୍ଦ୍ର ସାହୁ, କମିଟିର ସମ୍ପାଦକ ପ୍ରଦୀପ ତ୍ରିପାଠୀ, ବସନ୍ତ ଦାସ, ପବିତ୍ର ବେହେରା, ଲଳିତେନ୍ଦୁ ମହାନ୍ତି, ପ୍ରକାଶ ବେହେରା, ସଞ୍ଜୟ ନାଏକ, ଗୌରାଙ୍ଗ ନାୟକ, ଉପେନ୍ଦ୍ର ମହାନ୍ତ, ଶ୍ରୀଧର ବେହେରା, ବ୍ରିଜେଶ କୁମାର ବଳ, ସୁକାନ୍ତ କୁମାର ସାହୁ, ପ୍ରମୋଦ କୁମାର ସ୍ୱାଇଁ, ବିଷ୍ଣୁପ୍ରସାଦ ସାମନ୍ତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିବାରେ ପ୍ରତ୍ୟହ କାର୍ଯ୍ୟକ୍ରମ ପରିଚାଳନାରେ ସହଯୋଗ କରୁଥିବା ଦେଖିବାକୁ ମିଳିଥିଲା।