୭୪ ତମ ସାଧାରଣତନ୍ତ୍ର ଦିବସ ସମାରୋହ:ଅନୁଗୋଳ ପ୍ଲାଣ୍ଟରେ ଜାତୀୟ ପତାକା ଉଡାଇଲେ ନବୀନ ଜିନ୍ଦଲ
ଅନୁଗୋଳ : ତା ୨୬.୦୧.୨୩ ରିଖ ; ଅନୁଗୋଳ ଠାରେ ଅବସ୍ଥିତ ଜିନ୍ଦଲ ଷ୍ଟିଲ ଆଣ୍ଡ ପାୱାର ପକ୍ଷରୁ ସ୍ଥାପିତ ସର୍ବ ବୃହତ ଷ୍ଟିଲ ପ୍ଲାଣ୍ଟ ପରିସରରେ ୭୪ ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। ଜେଏସପି ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲ ଏବଂ ଜିନ୍ଦଲ ଫାଉଣ୍ଡେସନର ଅଧ୍ୟକ୍ଷା ଶ୍ରୀମତୀ ଶାଲୁ ଜିନ୍ଦଲ, ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟିତ୍ରୀ,କର୍ମଚାରୀ ଓ ହଜାର ହଜାର ସ୍ଥାନୀୟ ଗ୍ରାମବାସୀଙ୍କ ଉପସ୍ଥିତିରେ ଆୟୋଜିତ ହୋଇଥିବା ଏହି ମହାସମାରୋହ ପୂର୍ବକ କାର୍ଯ୍ୟକ୍ରମରେ ଯୋଗ ଦେଇଥିଲେ।
ଏହି ଅବସରରେ ଶ୍ରୀ ଜିନ୍ଦଲ ଉଦବୋଧନ ଦେଇ ଉପସ୍ଥିତ ସମସ୍ତ କର୍ମଚାରୀ ଓ ଗ୍ରାମବାସୀ ମାନଙ୍କୁ ସେମାନଙ୍କ ବହୁମୂଲ୍ୟ ସହଯୋଗ ପାଇଁ ଧନ୍ୟବାଦ ଦେଇଥିଲେ। ଜେଏସପିକୁ ଦେଶର ଅଗ୍ରଣୀ ଶିଳ୍ପଦ୍ୟୋଗ ଭାବେ ଗଢି
ତୋଳିବାରେ ସେମାନଙ୍କ ଅବଦାନ ନିଶ୍ଚିତ ପ୍ରଶଂସନୀୟ। ଶ୍ରୀ ଜିନ୍ଦଲ ଏକଥା ମଧ୍ୟ କହିଲେ ” ଏ ଜାତି କାନ୍ଥରେ ଟଙ୍ଗା ଯାଇଥିବା ଛବିଟିଏ ନୁହେଁ, ଦେଶର କୋଟି କୋଟି ଜନତାଙ୍କୁ ନେଇ ଏ ଜାତି ଗଢା ହୋଇଛି। ଆମେ ଯେତେବେଳେ ନିଃସ୍ୱାର୍ଥପର ଭାବେ ଦେଶ ପାଇଁ କାର୍ଯ୍ୟ କରିବା, ତାହା ହେଲେ ଆମ ଦେଶ ସମୃଦ୍ଧିଶାଳୀ ହୋଇପାରିବ। ମୁଁ ଭଗବାନ ଙ୍କୁ ଧନ୍ୟବାଦ ଦେବି ଯେ, ଆପଣମାନଙ୍କ ଭଳି କର୍ମଜୀବୀ ଓ କର୍ମଚାରୀ ମୁଁ ପାଇଛି। କମ୍ପାନୀର ଅଭିବୃଦ୍ଧି ପାଇଁ ଆପଣମାନେ ଯେଭଳି ପ୍ରୟାସ କରୁଛନ୍ତି ତାହା ନିଶ୍ଚିତ ଭାବେ ଉଲ୍ଲେଖନୀୟ। ମୁଁ ଆଶା କରୁଛି ଦେଶର ପ୍ରତିଟି ନାଗରିକ ଯଦି ଏହି ଭଳି ସତ୍ୟନିଷ୍ଠ ଭାବେ ନିଜ ନିଜ କ୍ଷେତ୍ରରେ ସେମାନଙ୍କ ଦାୟିତ୍ୱ ନିର୍ବାହ କରିବେ, ତେବେ ଆମ ଦେଶ ନିଶ୍ଚିତ ରୂପେ ଖୁବ ଶୀଘ୍ର ବିଶ୍ୱ ଗୁରୁ ହୋଇପାରିବ”।
ଏହି ସମାରୋହରେ ଓପି ଜିନ୍ଦଲ ସ୍କୁଲ,ଡିଏଭି ସାବିତ୍ରୀ ଜିନ୍ଦଲ ସ୍କୁଲ ଏବଂ ଆଶା- ଦି ହୋପ ଅନୁଷ୍ଠାନର ଛାତ୍ର ଛାତ୍ରୀ ମାନେ ଖୁବ ସୁନ୍ଦର ଦେଶାତ୍ମବୋଧକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ।
ଏଥି ସହ କରୋନା କାଳରେ ଉଲ୍ଲେଖନୀୟ କାର୍ଯ୍ୟ ପାଇଁ କିଛି କୋଭିଡ ଯୋଦ୍ଧାଙ୍କୁ ଶ୍ରୀ ଜିନ୍ଦଲ ପୁରସ୍କୃତ କରିଥିଲେ।
ଏହି ସମାରୋହରେ ଛେଣ୍ଡିପଦା ବିଧାୟକ ଶ୍ରୀ ସୁଶାନ୍ତ କୁମାର ବେହେରା ,ସମ୍ବଲପୁର ସାଂସଦ ଙ୍କ ନୋମିନି ଶ୍ରୀ ଅଗସ୍ତି ବେହେରା ,ସିଇଓ ଶ୍ରୀ ଦିନେଶ କୁମାର ସରୋଗୀ, ନିର୍ବାହୀ ନିର୍ଦେଶକ ଶ୍ରୀ ହୃଦୟେଶ୍ୱର ଝା ,ନିର୍ବାହୀ ନିର୍ଦେଶକ ଶ୍ରୀ ଦାମୋଦର ମିତ୍ତଲଙ୍କ ସହ ସବୁ ବିଭାଗୀୟ ମୁଖ୍ୟ ମାନେ ଏହି ୭୪ ତମ ସାଧାରଣତନ୍ତ୍ର ଦିବସ ପାଳନ ଅବସରରେ ଉପସ୍ଥିତ ଥିଲେ।
ପରିଶେଷରେ ଶ୍ରୀ ଦିନେଶ କୁମାର ସରୋଗୀ ଉଦବୋଧନ ଦେଇଥିବାବେଳେ ମାନବସମ୍ବଳ ବିଭାଗ ଇଭିପି ଶ୍ରୀ ରବି ଶଙ୍କର କାର୍ଯ୍ୟକ୍ରମ ସଞ୍ଚାଳନ କରିଥିଲେ।
