ହାଇଦ୍ରାବାଦ୍ ସ୍ଥିତ ସାଦ୍ ନଗର ଜୟ ଜଗନ୍ନାଥ ସ୍ଵାମୀ ସେବା ଟ୍ରଷ୍ଟ ଆନୁକୂଲ୍ୟ ରେ ରଥ ଯାତ୍ରା ମହୋତ୍ସବ

ହାଇଦ୍ରାବାଦ୍ ସ୍ଥିତ ସାଦ୍ ନଗର ଜୟ ଜଗନ୍ନାଥ ସ୍ଵାମୀ ସେବା ଟ୍ରଷ୍ଟ ଆନୁକୂଲ୍ୟ ରେ ରଥ ଯାତ୍ରା ମହୋତ୍ସବ ନୀତି ପୂର୍ବକ ଅନୁଷ୍ଠିତ ହେଇ ଯାଇଛି ।

ଟ୍ରଷ୍ଟ ର ଅଧ୍ୟକ୍ଷ ଶ୍ରୀ ପର୍ଶୁରାମ ଦାସ ଓ ଶଙ୍କର୍ଷଣ ସାହୁଙ୍କ ଅଧ୍ୟକ୍ଷତାରେ ରଥ ଯାତ୍ରା ଠାରୁ ବାହୁଡା ଯାତ୍ରା ଯାଏ ସମସ୍ତ ନୀତି ତଥା ସାଂସ୍କୃତିକ କାର୍ଯ୍ୟକ୍ରମ ରେ ଟ୍ରଷ୍ଟ ର ମେମ୍ବର ମାନଙ୍କ ଦ୍ଵାରା ନିରୀକ୍ଷଣ ପୂର୍ବକ
ପୂଜା,ପ୍ରସାଦ ଓ ସାଂସ୍କୃତିକ କାର୍ଯ୍ୟ କ୍ରମ ଯଥା ବିଧି ଅନୁଷ୍ଠିତ ହେଇଥିଲା ।
ତନ୍ମଧ୍ୟରୁ ଦିବ୍ୟ ରଞ୍ଜନ ରୟ,ଜୟନ୍ତ ଦାସ,ସୁଶାନ୍ତ ଦାସ,ଅକ୍ଷୟ ନାୟକ
ରମେଶ ସେଠି,ସନ୍ତୋଷ ଜେନା,ହେମନ୍ତ ସାମନ୍ତ,ବସନ୍ତ ଜେନା ଓ ବସନ୍ତ ଜେନା ଓ ଅନ୍ୟ ସମସ୍ତଙ୍କ ଯୋଗଦାନ ଅବର୍ଣ୍ଣନୀୟ ।

ଶ୍ରୀ ଜଗନ୍ନାଥ ଜିଉ,ଶ୍ରୀ ବଳଭଦ୍ର ଜୀଉ,ମା ସୁଭଦ୍ରା ଓ ଶ୍ରୀ ସୁଦର୍ଶନ ଚିରାଚରିତ ଢଙ୍ଗରେ ପହଣ୍ଡି ରେ ଶ୍ରୀ ପ୍ରଭାତ ତ୍ରିପାଠୀ ଙ୍କ ଦ୍ଵାରା କରାଯାଇଥିବା ଛେରା ପହଁରା ସହ ରଥରେ ବସି ଘଣ୍ଟ, ଘଣ୍ଟା ,ମୃଦଙ୍ଗ ,କୀର୍ତ୍ତନ ସହ ରଥରେ ବସି ମାଉସୀମା ବାଡ଼ି କୁ ଯାଇଥିଲେ ।ସେଠାରେ ଦଶ ଦିନ ଧରି ପୂଜା ନୀତି,ପ୍ରସାଦ ଓ ଶ୍ରୀ ଜଗନ୍ନାଥ ଭଜନ କୀର୍ତ୍ତନ ଖୁବ୍ ଧୁମ୍ ଧାମ୍ ରେ କରାଯାଇଥିଲା ।

ଓଡ଼ିଶା (କଟକ) ରୁ ଆସିଥିବା ଭଜନ ମଣ୍ଡଳୀର ଅଧ୍ୟକ୍ଷ ଶ୍ରୀ ନିରଞ୍ଜନ ମହାପାତ୍ର, କୀର୍ତ୍ତନ ମଣ୍ଡଳୀ ର ଅଧ୍ୟକ୍ଷ ସୁରେଶ ପାଲ୍,ଘଣ୍ଟ ଘଣ୍ଟା ମଣ୍ଡଳୀ (ବ୍ରହ୍ମପୁର) ର ଅଧ୍ୟକ୍ଷ ମାନେ ନିଜ କାର୍ଯ୍ୟକ୍ରମ କୁ ସୂଚାରୁ ରୂପେ ସଂପାଦନ କରି ମହୋତ୍ସବ କୁ ଗୌରବ ମଣ୍ଡିତ କରେଇ ଥିଲେ ।।
ଡଃ ଅନୁରୋଧ କୁରୁକୁରିଆ ଓ ସାଥୀ (ସୋନପୁର)ଙ୍କ ଦ୍ଵାରା ଭଜନ ସନ୍ଧ୍ୟା ସମାରୋହ କାର୍ଯ୍ୟକ୍ରମ ମଧ୍ୟ ଖୁବ୍ ସୁନ୍ଦର ଭାବରେ ପରିବେଷଣ ହେଇ ପାରିଥିଲା । ସମର୍ପଣ ଓ ଭକ୍ତିମୟ ପରିବେଶ ଅନ୍ତଃ ସତ୍ତା ଜାଗ୍ରତ କରିବା ସହ ହୃଦୟରେ ଅନେକ ଶାଶ୍ଵତ ଚେତନା ଓ ଉଲ୍ଲାସମୟ ଭାବଧାରା ପ୍ରଦାନ କରି ବିଭୋର ମୁଦ୍ରାରେ ଜଗନ୍ନାଥ ଚେତନା ସଭିଙ୍କ ଭିତରେ ଜାଗ୍ରତ କରେଇ ଜଗନ୍ନାଥ ମୟ ହେବାରେ ବେସ୍ ସହାୟକ କରି ପାରିଥିଲା ।

ଭକ୍ତ ମାନଙ୍କର ଭାବଭକ୍ତି ର ନିଦର୍ଶନ ରୂପରେ ନିତ୍ୟ ସେବାପୂଜା ଓ ପ୍ରସାଦ ଶ୍ରୀ ଜୟନ୍ତ ଦାସ,ସୁଶାନ୍ତ ଦାସ,ଲିଟୁ ରାଉତ,ସନ୍ତୋଷ ଜେନା ଓ
ଶିବ କୁମାର ଙ୍କ ଅବଦାନ ଗ୍ରହଣ ଯୋଗ୍ୟ ଥିଲା ।

ଗୁଣ୍ଡିଚା ମନ୍ଦିର ପ୍ରାଙ୍ଗଣ ରେ ଅନୁଷ୍ଠିତ ହେଇଥିବ ସାଂସ୍କୃତିକ କାର୍ଯ୍ୟ କ୍ରମ ସ୍କୁଲ ପିଲାଙ୍କ ଦ୍ଵାରା ସୁନ୍ଦର ଭାବରେ ପରିବେଷଣ କରା ଯାଇଥିଲା ।

ଟ୍ରଷ୍ଟ ର ନାରୀ ସଦସ୍ୟ ମାନେ ଏକ ଆରତୀ ଓ ପୋଡ଼ ପିଠା ଅର୍ପଣ ଜନିତ କାର୍ଯ୍ୟକ୍ରମ ରେ ନିଷ୍ଠା ଓ ସମର୍ପିତ ହୃଦୟ ରେ ସମ୍ପାଦନ କରିଥିଲେ ।

ଟ୍ରଷ୍ଟ ର ସମସ୍ତ ବ୍ୟକ୍ତି ଙ୍କର, ତେଲେଙ୍ଗାନା ଓ ଓଡ଼ିଶାର ସମସ୍ତ ଜଗନ୍ନାଥ ପ୍ରେମୀ ତଥା ବିଶ୍ବର ଉନ୍ନତି ପାଇଁ ହେଉଥିବା ଏଇ ଆନୁଷ୍ଠାନିକ କାର୍ଯ୍ୟକ୍ରମ ସଫଳ ମଣ୍ଡିତ କରୁ ଏହାହିଁ କାମନା ।