ନିଶାଦ୍ରବ୍ୟର ବନ୍ଦ ପାଇ ସରକାର କଡ଼ାକଡ଼ି ଆଇନ୍ ଲାଗୁ କରନ୍ତୁ : ସାମାଜିକ କର୍ମୀ ମୀର ଅହମ୍ମଦ ଅଲ୍ଲୀ
ଭୁବନେଶ୍ୱର, ତା ୨୫ା୬ : ନିଶାଦ୍ରବ୍ୟର ଦୁରୁପଯୋଗ ଓ ଅବୈଧ ବ୍ୟାପାର ଅନେକ ଦିନରାୁ ସାରା ବିଶ୍ୱ ପାଇଁ ଚିନ୍ତାର କାରଣ ପାଲଟି ଯାଇଛି । ଏଥିପାଇଁ ୭, ଡିସେମ୍ବର ୧୯୮୭ରେ ସଂଯୁକ୍ତ ରାଷ୍ଟ୍ର ସମୂହର ମହାସଭାରେ ପ୍ରତିବର୍ଷ ଜୁନ୍ ୨୬ ତାରିଖକୁ ଆନ୍ତର୍ଜାତୀୟ ନିଶାଦ୍ରବ୍ୟ ଦୁରୁପଯୋଗ ଓ ଅବୈଧ ବ୍ୟାପାର ରୂପେ ପାଳନ କରିବାର ନିଷ୍ପତ୍ତି ନିଆଯାଇଥିଲା । ସ୍କୁଲ୍୍ ଓ କଲେଜରେ ପଢୁଥିବା ଛାତ୍ରଛାତ୍ର୍ରୀ ଓ ଯୁବଗୋଷ୍ଠୀ ବହୁଳ ଭାବେ ନିଶାଗ୍ରସ୍ତ ହେବାକୁ ଲାଗିଲେଣି, ଯାହାକି ଏବେ ଚିନ୍ତା ଓ ଦୁର୍ଭାଗ୍ୟଜନକ ବିଷୟ । କାରଣ ଯୁବ ଓ ଛାତ୍ର ଗୋଷ୍ଠୀ ହିଁ ଦେଶର ଭବିଷ୍ୟତ । ନିଶାର ପ୍ରଭାବ କେବଳ ଦେହ ପାଇଁ ଖରାପ ନୁହେଁ, ଏହା ପାରିବାରିକ ଓ ସାମାଜିକ ଜୀବନରେ କୁପ୍ରଭାବ ପକାଇଥାଏ । ସେଥିପାଇଁ ବେଳ ଥାଉଁ ଥାଉଁ ଆମ୍ଭମାନଙ୍କୁ ସାବଧାନ ହେବା ଉଚିତ୍ । ନିଶାଦ୍ରବ୍ୟଠାରୁ ନିଜକୁ ଦୂରେଇ ରଖିବା ସହ ଅନ୍ୟମାନଙ୍କୁ ଦୂରେଇ ରଖିବାକୁ ପ୍ରତିଜ୍ଞା କରିବା ଦରକାର ବୋଲି ସାମାଜିକକର୍ମୀ ମୀର ଅହମ୍ମଦ ଅଲ୍ଲୀ ପ୍ରକାଶ କରିଛନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାର ନିଜ ଦେଶର ଉଜ୍ଜ୍ୱଳ ଭବିଷ୍ୟତ କୁହାଯାଉଥିବା ଯୁବ-ଛାତ୍ର ଗୋଷ୍ଠୀକୁ ନିଶାଗ୍ରସ୍ତ ହେବାଠୁଁ ଦୂରେଇ ରଖିବା ପାଇଁ ସରକାର ନିଶାଦ୍ରବ୍ୟ ସେବନ ବିରୁଦ୍ଧରେ ଥିବା ସମସ୍ତ ଆଇନ୍କୁ କଡାକଡି କରିବା ସହ ତତ୍ସହିତ ନିଶା କାରବାରରେ ସମ୍ପୃକ୍ତ ଅପରାଧୀମାନଙ୍କ ବିରୁଦ୍ଧରେ ଉଚିତ୍ ପଦକ୍ଷେପ ନେବା ଜରୁରୀ । ତତ୍ସହ ନିଶା ନାଁ, ନିଶାଦ୍ରବ୍ୟ ସ୍ୱାସ୍ଥ୍ୟପ୍ରତି ହାନୀକାରକ, ନିଶା ଛାଡନ୍ତୁ ଜୀବନ ବାଛନ୍ତୁ ପ୍ରଭୃତି ପ୍ରେରଣାଦାୟୀ ଲେଖାଗୁଡ଼ିକ ସ୍କୁଲ୍ କଲେଜର କାନ୍ଥ ବାଡରେ ସଚେତନତା ପାଇଁ ଲେଖିବା ନିତାନ୍ତ ଆବଶ୍ୟକ ବୋଲି ଶ୍ରୀଯୁକ୍ତ ଅଲ୍ଲୀ ଆହ୍ୱାନ ଦେଇଛନ୍ତି ।
