ଡାକ୍ତର ଅନ୍ନଦା ପ୍ରସନ୍ନ ଦାଶଙ୍କୁ କରୋନା ଯୋଦ୍ଧା ସମ୍ମାନ

ନୂଆପଡ଼ା:୧୫/୮(ପ୍ରବାହ ନିଉଜ୍) କରୋନା ମହାମାରୀ ସମୟରେ ନିଜର ଜୀବନ କୁ ବାଜି ଲଗାଇ କରୋନା ସଂକ୍ରମିତ ଙ୍କ ଠାରୁ ଆରମ୍ଭ କରି କରୋନା ରେ ସଂକ୍ରମିତ ହୋଇ ମୃତ୍ୟୁବରଣ କରୁଥିବା ବ୍ୟକ୍ତିମାନଙ୍କ ଅନ୍ତିମ ଶତ୍କାର କରି ଚର୍ଚ୍ଚା ରେ ରହି ଆସୁଥିବା ଖଡିଆଳ ଉପଖଣ୍ଡ ଚିକିତ୍ସାଳୟରେ କାର୍ଯ୍ୟରତ ଡାକ୍ତର ଅନ୍ନଦା ପ୍ରସନ୍ନ ଦାଶଙ୍କୁ ଖଡିଆଳ ବ୍ଲକ ପ୍ରଶାସନ ଏବଂ ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ସ୍ଵାଧୀନତା ଦିବସ ପାଳନ ଅବସରରେ ସମ୍ମାନିତ କରାଯାଇଛି । ମିନି ଷ୍ଟାଡିୟମରେ ଅନୁଷ୍ଠିତ ଜିଲ୍ଲାସ୍ତରୀୟ ସ୍ଵାଧିନତା ଦିବସ ପାଳନ ଅବସରରେ  ଜିଲ୍ଲାପାଳ ସ୍ଵଧାଦେବ ସିଂଙ୍କ ସମେତ ଏସ.ପି ପ୍ରତ୍ୟୁଷ ଦିବାକର ଏବଂ ଜିଲ୍ଲା ପ୍ରଶାସନ ର ବରିଷ୍ଠ ଅଧିକାରୀଙ୍କ ଉପସ୍ଥିତିରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ଓଡିଶା ସରକାରଙ୍କ ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର  ଡାକ୍ତର ଦାଶଙ୍କୁ ସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ସହ ମାନବିକତାର ପରିଚୟ ପାଇଁ ମାନପତ୍ର ଓ ଉପଡୈାକନ ଦେଇ ସମ୍ମାନୀତ କରିଥିବା ବେଳେ ଖଡିଆଳ ଠାରେ ମଧ୍ୟ ଅନୁଷ୍ଠିତ ବ୍ଲକସ୍ତରୀୟ ସ୍ଵାଧିନତା ଦିବସ ପାଳନ ଅବସରରେ ସମ୍ମାନୀତ କରାଯାଇଥିବା ଜଣାପଡିଛି । ବ୍ଲକ ଏବଂ ଜିଲ୍ଲା ପ୍ରଶାସନ ପକ୍ଷରୁ ପୃଥକ ପୃଥକ ଭାବେ ସମ୍ମାନୀତ ହେବା ପରେ ବର୍ତ୍ତମାନ କରୋନା ଯୋଦ୍ଧା ଡାକ୍ତର ଦାଶଙ୍କୁ ବିଭିନ୍ନ ମହଳରେ ଶୁଭେଚ୍ଛା ଓ ଅଭିନନ୍ଦନର ସୁଅ ଛୁଟିଛି ।

Leave a Reply

Your email address will not be published. Required fields are marked *