ଜିଲ୍ଲାପାଳଙ୍କ ଅଚାନକ ବୈଦ୍ୟେଶ୍ୱର ଗସ୍ତ
କଳାପଥର(ବାଙ୍କୀ) ପ୍ରବାହ ନ୍ୟୁଜ୍ : କଟକ ଜିଲ୍ଲାପାଳ ଦତ୍ତାତ୍ରୟ ଭାଉସାହେବ ସିନ୍ଧେ ଗସ୍ତରେ ଆସି ବୈଦ୍ୟେଶ୍ୱର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚି ଥିଲେ । ସେଠାରେ ରୋଗୀ ସେବା କିପରି ଚାଲିଛି ତାହା ବୁଲି ଦେଖିଥିଲେ । ବୈଦ୍ୟେଶ୍ୱର ରେ ଥିବା ଆଶ୍ରମ ବିଦ୍ୟାଳୟକୁ ମଧ୍ୟ ପରିଦର୍ଶନରେ ଯାଇଥିଲେ । ନିକଟରେ ଚାଲିଥିବା ବାଲିଘାଟରେ ପହଞ୍ଚି କିପରି ଚାଲିଛି ସେ ବିଷୟରେ ପଚାରି ବୁଝିଥିଲେ । ବାଲିଘାଟ ଠାରେ ନିର୍ମାଣ ହୋଇଥିବା ଘର ସରକାରୀ ଯାଗାରେ ଅଛି କିମ୍ବା କୌଣସି ଲୋକ ନାମରେ ଅଛି ସେ ବିଷୟରେ ତଦାରଖ କରିବା ପାଇଁ ରାଜସ୍ୱ ନିରିକ୍ଷକଙ୍କୁ ତନଖି କରିବା ପାଇଁ ନିର୍ଦ୍ଦେଶ ଦେଇଥିଲେ । ଯଦି ଏହା ସରକାରୀ ଯାଗାରେ ଥିବ ତେବେ ଭାଙ୍ଗିବା ପାଇଁ ନିର୍ଦ୍ଦେଶ ଦେଇଥିଲେ । ଯେଉଁ ଜାଗାରୁ ବାଲି ଉତ୍ତୋଳନ ହେଉଛି ତାହା ଖଣି ବିଭାଗ ଅଧିନରେ ଅଛି କି ନାହିଁ ପଚାରି ବୁଝିଥିଲେ । ଏହି ଗସ୍ତ ସମୟରେ ବାଙ୍କୀ ଉପଜିଲ୍ଲାପାଳ ପ୍ରଣବ ବେହେରା, ବାଙ୍କୀ ତହସିଲଦାର ଅଶେଷ କୁମାର ନାୟକ, ବେଦ୍ୟେଶ୍ୱର ଥାନା ଅଧିକାରୀ ସଂଜୟ କୁମାର ଜେନା, ବାଙ୍କୀ ବ୍ଲକ ବିଡିଓ ସଂଗ୍ରମା କୁମାର ଭଳ ଉପସ୍ଥିତ ଥିଲେ ।
